Júlíus Arason Fossdal var fæddur á Akureyri 1. nóvember 1930. Hann lést á Fjórðungssjúkrahúsinu á Akureyri 11. september síðastliðinn. Júlíus vann lengst af við verslunar- og framleiðslustörf. Hann var til margra ára virkur félagi í Rauðakrossi Íslands og félagi í Lionsklúbb Blönduóss.
Útför Júlíusar var gerð frá Akureyrarkirkju hinn 23. september - í kyrrþey að ósk hins látna.

Foreldrar hans voru Þorgerður Lilja Jóhannesdóttir, f. 3. ágúst 1899, d. 1974, og Ari Leó B. Fossdal, f. 30. 10. 1907, d. 23.8. 1965. Albræður Júlíusar eru: Sigurður, f. 1935, maki hans var Hulda Gísladóttir, þau áttu fimm börn. Þau skildu, hann býr nú á Akureyri. Jóhannes Fossdal, f. 1940, flugstjóri, Reykjavík, maki Hildur Hansen, fyrri kona hans var Regína Vigfúsdóttir og eiga þau þrjú börn. Bróðir hans samfeðra var Hannes Arason, f. 1927, d. 2000. Kona hans var Christel Emma Walters sem er látin, þau eiga fimm börn. Hann var smiður og tónlistarmaður á Akureyri.
Júlíus ólst upp í foreldrahúsum á Akureyri þar til hann hóf búskap 1948 með eftirlifandi konu sinni Sigríði Árnadóttur, f. 1. febrúar 1930. Þau hófu búskap sinn á Akureyri, bjuggu á Suðurnesjum 1954-1967 en þá flytja þau til Hólmavíkur og búa þar til 1970. Þá fara þau til Akureyrar í fjögur ár en flytja síðan til Blönduóss þar sem þau hafa búið síðastliðin 30 ár. Þau eignuðust 11 börn. Þau eru:
1) Erna, f. 11.5. 1948, maki Jón Stefánsson bóndi, Broddanesi, og eiga þau þrjú börn.
2) Þorgerður Lilja, f. 23.8. 1949, maki Baldur Ragnarsson rafvirkjameistari, Akureyri, og eiga þrjú börn, þar af eitt látið.
3) Árnína Guðrún, f. 29.4. 1952, sjúkraliði, Blönduósi, sambýlismaður hennar var Kristmundur Stefánsson. Hann er látinn. Þau eiga tvær dætur.
4) Ingibjörg Elísa, f. 25.7. 1953, skólaliði, maki Þórður Sverrisson vélamaður, Hólmavík, og eiga þau fjögur börn.
5) Ósk, f. 26.2. 1955, leikskólakennari, maki Páll Gestsson verktaki. Þau eiga tvö börn og búa í Hafnarfirði.
6) Bjarnheiður Júlía, f. 21.7. 1957, leiðbeinandi, maki Björn Torfason bóndi, Melum í Árneshreppi, eiga þau fimm börn.
7) Sigríður, f. 6.11. 1958, leikskólakennari, maki Ólafur Gunnar Ívarsson verkstjóri hjá Glóa. Þau búa á Akureyri og eiga þrjú börn.
8) Ari Björn, f. 13.11. 1959, rafvirki, maki Ingibjörg Ólafsdóttir, leikskólakennaranemi. Þau búa á Akureyri og eiga tvo syni.
9) Jóhannes, f. 22.1. 1960, d. 20. 11. 1982, maki Inga Dóra Konráðsdóttir þjónustufulltrúi, og áttu þau einn son.
10) Birkir Þór, f. 30. 11. 1962, vélvirki, maki María Hafdís Kristinsdóttir, bókagerðarmaður. Þau búa í Reykjavík og eiga tvö börn en áður átti Birkir eina dóttur.
11) Einar Óli, f. 5.10. 1966, neyðarflutningsmaður, maki Sigríður Helga Sigurðardóttir, leikskólakennaranemi. Þau búa á Blönduósi og eiga þrjú börn.
Júlíus á 31 barnabarn og 26 barnabarnabörn.