Sólvellir Blönduósi

• Gautsdalur 1928

Sólvellir Blönduósi. Gautsdalur 1928
Byggt 1928 af Karli Helgasyni, síðar póstmeistara. Karl fær 228 ferfaðma lóð hjá Halldóru Ingimundardóttir í Enni 10.5.1928.

Blönduós, á Kaupfélagstorfunni þar sem sláturhús er í dag

Í lóðarsamningi segir; að austan ræður vegurinn. Eru 4 metrar frá ysta vegkanti að lóðinni og liggur bein lína meðfram veginum. Lengd þessarar hliðar er 12 faðmar. Að norðan ræður lóð Kaupfélagsins og eru 3 metrar frá lóðartakmörkum kaupfélagsins við veginn að nefndri lóð og þaðan í beina línu 16 faðma til vesturs, eru 3 1/3 metrar frá merkjastaur kaupfélagsins (sem er 3ji símastaur frá íbúðarhúsi kaupfélagsins að telja) að línu þessari. Að vestan gengur línan til suðurs og er hún 12 faðmar. Suðurhlið lóðarinnar er 22 faðmar.

Karl nefndi hús sitt Gautsdal, en faðir hans var fæddur í Gautsdal í Geiradal. Nafnið breyttist svo þegar Karl flutti innfyrir á. Karl setti upp verslun í húsi sínu og hugði gott til viðskipta við kvennaskólastúlkur, með ýmsan smávarning til sauma ofl. Hann hafði þó ekki lengi viðskipti þarna, því hann varð póstmeistari staðarins og flutti því í pósthúsið. Hafði hann þó náð sér í konu á skólanum, en Ásta Sighvats var þar kennslukona.

Jón Baldurs kaupir af Karli 1931, hann hafði einnig smáverslun í húsinu og verslaði ma með varahluti í reiðhjól ofl. Kaupfélagið kaupir svo Sólvelli af Jóni sumarið 1943. Eftir það var húsið til afnota fyrir starfsmenn kaupfélagsins.
Þar voru meðal annars; Tómas R Jónsson, Kristján Hall, Ásgeir Ásgeirsson, Þórður Pálsson, Benedikt Ólafsson og Eysteinn Jóhannsson.

1928-1931- Karl Helgason frá Gautsdal á Barðaströnd, sjá Pósthús. Byggði húsið og nefndi það Gautsdal. Setti þar upp verslun með ýmislegt smálegt fyrir Kvennaskólastúlkur. Verslun við þær stóð ekki lengi en náði þó í konuefni sitt þar. Varð Póstmeistari og fluttist inn fyrir á.

1931-1943- Jón Sigurjónsson Baldurs f. 22. júní 1898, d 1. ágúst 1971. Maki 30. maí 1922; Arndís Ágústsdóttir Theódórs f. 30. okt. 1899, d. 31. mars 1990, sjá Kaupfélagshús.
Börn þeirra;
1) Theódóra Arndís Berndsen (1923-2007) Blönduósi,
2) Jóhann Frímann Baldurs (1926-2014). Bifvélavirkjameistari og yfirverkstjóri, síðast bús. í Kópavogi.

1937- Karl Theódór Kristjánsson Hall f. 3. júní 1911 d. 8. jan. 1945. Innheimtumaður á Nýlendugötu 7, Reykjavík 1930. Maki; Klara Jakobsdóttir Hall f. 5. ágúst 1911 d. 7. febr. 1997. Var í Litla-Enni, Höskuldsstaðasókn, Hún. 1920. Vinnukona á Lauganesspítala, Reykjavík 1930. Ekkja í Reykjavík 1945. Verkakona. Síðast bús. í Reykjavík.
Börn þeirra;
1) Kristján Guðmundur (1935- 2015). Bifreiðastjóri og bókari, síðast bús. í Kópavogi.
2) Jakobína Guðný Iaguessa (1936-2010). Barn: Karen Waterhouse, f. 20.1.1965 í Hollandi. M: Antoni Iaguessa, f. 11.2.1932, d. 2001.

1957- Tómas Ragnar Jónsson f. 8. júlí 1903 Karlsminni, d. 10. maí 1986, maki 13. júlí 1926; Ingibjörg Vilhjálmsdóttir f. 23. okt. 1903, d. 24. nóv. 1969, frá Bakka í Svarfaðardal, sjá Árbæ.
Börn þeirra;
1) Kristín Bergmann (1926 2015). Var á Blönduósi 1930. Kennari á Laugum í Hvammssveit og síðar í Reykjavík. Gegndi ýmsum félagsstörfum.
2) Guðný Nanna (1932-2013). Var í Héðinshöfða, Blönduóshr., A-Hún. 1957. Húsfreyja á Blönduósi.
3) Ásta Heiður (1935),
4) Ragnar Ingi (1946-2009). Var á Sólvöllum, Blönduóshr., A-Hún. 1957. Starfaði lengst af hjá Samvinnufélögunum á Blönduósi, síðast verslunarstarfsmaður í Reykjavík. Gegndi fjölmörgum félags- og trúnaðarstörfum.

GPJ 22.5.2019

• Icelandic

®GPJ Býlaskrá Blönduóss 1876 - 1957
Upplýsingar um lóðamörk eru fengnar frá Jóni Arasyni (1949) í Skuld.
Skilningur á staðsetningu er alfarið minn. GPJ