Einstaklingur

Ásgerður Stefánsdóttir (1910-2007) Guðlaugsstöðum

• Solveig Ásgerður Stefánsdóttir (1910-2007) Guðlaugsstöðum

25.7.1910 -17.9.2007

Solveig Ásgerður fæddist 25. júlí 1910 að Merki á Jökuldal. Hún andaðist mánudaginn 17. september síðastliðinn á Heilbrigðisstofnuninni á Blönduósi. Ásgerður var víðlesin menntakona og hafði í farangri sínum brot af heimsmenningunni. Hún gerði snjallar tækifærisvísur enda dóttir skáldbóndans Stefáns í Merki. Hún var háttvís í framkomu og hafði frábæra skapstillingu, en þegar henni ofbauð, komu ein eða tvær setningar sem urðu minnisstæðar þeim er heyrðu. Ásgerður var glæsileg kona og hafði einstaklega góða nærveru.
Solveig Ásgerður verður jarðsungin frá Blönduóskirkju í dag, laugardaginn 29. september, kl.13.30. Jarðsett verður í heimagrafreit á Guðlaugsstöðum.

Merki á Jökuldal: Guðlaugsstaðir:

Solveig Ásgerður lauk kennaraprófi frá KÍ 1934.

Eftir það var hún kennari við barna- og unglingaskólann í Vopnafirði frá 1934 til 1943. Síðan starfaði hún sem stundakennari við Laugarnesskóla í Reykjavík 1943 til 1945 og svo sem kennari við barnaskólann á Siglufirði 1945 til 1947.

Hún var dóttir hjónanna Guðnýjar Björnsdóttur húsfreyju í Merki, f. 4. apríl 1875 - 13. desember 1917 og Stefáns Júlíusar Benediktssonar bónda þar, f. 24. apríl 1875 - 21. desember 1954.
Alsystkini hennar voru Aðalheiður kennari, f. 1905, d. 1935; Benedikt bóndi í Merki, f. 1907, d.1989; Brynhildur ljósmóðir, síðast búsett á Egilsstöðum, f. 1908, d.1984; Þórey, f. 1909, d.1931; Unnur áður húsfreyja á Brú á Jökuldal nú til heimilis á Heilbrigðisstofnuninni á Egilsstöðum, f. 1912; Valborg húsfreyja á Hrafnabjörgum í Jökulsárhlíð, f. 1914, d. 1991. Hálfsystkini hennar, börn Stefáns og seinni konu hanns, Stefaníu Óladóttur húsfreyju í Merki, f. 1886, d. 1934, eru Helga áður húsfreyja á Gíslastöðum á Völlum, nú búsett á Egilsstöðum, f. 1922; Óli bóndi í Merki, f. 1923; Lilja skrúðgarðyrkjumeistari, búsett í Reykjavík, f. 1925, og Jóhann trésmíðameistari, búsettur á Egilsstöðum, f. 1930.
Árið 1947 giftist hún Guðmundi Jóhannesi Pálssyni bónda á Guðlaugsstöðum, f. 19.1. 1907, d. 30.8. 1993, og hefur búið á Guðlaugsstöðum síðan.
Þau eignuðust tvær dætur,
1) Guðný Aðalheiður, f. 19.7. 1948, d. 16.11. 1998, síðast til heimilis á Sambýlinu á Blönduósi,
2) Guðrún, f. 17.7. 1952, bóndi á Guðlaugsstöðum. Börn hennar með fyrrverandi eiginmanni, Sigurði Ingva Björnssyni 9. apríl 1954, nú bónda á Bálkastöðum ytri í Hrútafirði, eru Guðmundur Halldór, rafvirki, f. 3. október 1978, sambýliskona hans er Katharina Angela Schneider, f. 3. júní 1980, dóttir þeirra er Elísabet Nótt, f. 2007; Guðlaugur Torfi, bifvélavirki, f. 8. nóvember 1979; Ásgerður Kristrún, jarðfræðinemi, f. 14. maí 1983, sambýlismaður hennar er Jón Karl Sigurðsson, nemi við University of Santa Barbara Cal., og Björn Benedikt, nemi við MH, f. 9. júlí 1989.

Guðlaugsstaðir eru stórbýli að fornu og nýju. Þar hefur sama ætt búið óslitið síðan 1685. Jörðin er mjög víðlend og þar er sauðland frábærlega gott, en fénaðarferð erfið og smalamennskur tímafrekar. Þau hjón voru mikið ræktunarfólk og unnu landi sínu og bújörð. Þegar virkjun Blöndu kom á dagskrá, voru áformin hræðileg frá sjónarhóli landverndarmanna. Vaðið var yfir heimamenn af fullkomnu tillitsleysi. Að vísu tókst að bjarga því að Guðlaugsstaðir yrðu það fótaskinn virkjunarmanna sem upphaflega voru áform um, en jörðin var þó verulega skert. Hins vegar var óþörf landníðsla á heiðum uppi þyngri en tárum taki og er það mesta gróðureyðing af einni framkvæmd allt frá landnámi. Nú þykjast þeir er höfuðábyrgð báru á þeim hervirkjum vera hinir mestu náttúruverndarar. Guðlaugsstaðafólk tók þessa deilu mjög nærri sér.
Ásgerður vann lengi mikið að búinu, en á Guðlaugsstöðum var á fyrrum búskaparárum hennar mjög stór, gamall og merkilegur bær, sem ekki var sniðinn að nútíma húshaldi. Ásgerði tókst þó að skapa þar notalegt heimili, þar sem gott var að koma.

Guðrún Guðmundsdóttir (1952) Guðlaugsstöðum (17.7.1952 -)

Guðmundur Jóhannes Pálsson (1907-1993) frá Guðlaugsstöðum (19.1.1907 - 27.8.1993)

Guðlaugsstaðir í Blöndudal ([1200])

HAH02013

IS HAH

Loka

Fullt

GPJ 26.7.2017

• íslenska

®GPJ ættfræði https://www.mbl.is/greinasafn/grein/1167329/?item_num=0&searchid=d754bf2c5deaecd55a3fbf5c05ad46db594e5a74