Einstaklingur

Sigríður Björnsdóttir (1897-1990) frá Kornsá

• Sigríður Björnsdóttir (1897-1990) frá Kornsá

25.1.1897 - 22.7.1990

Hún Sigríður á Laufásveginum, Sigríður Björnsdótttir, er látin, 92ja ára gömul. Það er hár aldur, enda mikið langlífi í ættinni. Kornsá var mikið höfðingjasetur eins og flestir bæir í Vatnsdal á þessum tíma og vildi Sigríður gjarnan kenna sig við Kornsá, þó ætti heima í Reykjavík.
Sigríður var glaðlynd og gamansöm og sérlega skemmtileg á vinafundum. Hún hafði ríka kímnigáfu og sagði skemmtilega frá. Fegurðarsmekk hafði hún góðan, vildi hafa allt í röð og reglu og góða umgengni í kringum sig og var mikið fyrir fallega hluti. Hún keypti aldrei ljótan hlut, allt varð að vera listrænt og smekklegt.
Árið 1925 giftist hún Jóni Árnasyni frá Stóra-Vatnsskarði í Skagafirði. Hann var framkvæmdastjóri hjá Sambandi íslenskra samvinnufélaga og síðar bankastjóri við Landsbanka Íslands og loks við Alþjóðabankann. Í sambandi við störf manns síns var hún mikið í utanlandsferðum og naut þess í ríkum mæli.
En sorgin barði líka að dyrum hjá Sigríði eins og mörgum öðrum. Árið 1948 missti hún einkadóttur sína, Ingunni Guðrúnu, af slysförum, 13 ára gamla. Þess beið hún aldrei bætur. Mann sinn missti hún á nýársdag 1977, og 1984 eldri son sinn, Björn, en Ebba kona hans lést árið 1974. Allur þessi ástvinamissir var henni mjög þungbær, en hún átti því láni að fagna að geta dvalið á eigin heimili til æviloka, þótt auðvitað þyrfti hún á stundum að dvelja á sjúkrahúsum vegna vanheilsu. Alltaf komst hún þó aftur heim og bjó þar í sambýli við Árnason sinn og Gíselu konu hans og naut þar aðhlynningar þeirra og barnabarnanna í ríkum mæli.
Fögur blóm og fallegur gróður voru henni til mikils unaðar og framá síðustu daga hafði hún hug á að láta laga til í garðinum sínum. Nú hefur hún lagt upp í sína hinstu för, þegar náttúran skartar sínu fegursta. Betri kveðjustund getur enginn kosið sér.

Kornsá: Reykjavík:

Hún gekk í Kennaraskólann í Reykjavík og síðar í skóla í Kaupmannahöfn þar sem hún lærði vefnað og matreiðslu, sem hún bjó að alla ævi, enda vandaði hún til alls sem hún gerði, hvort heldur var handavinna eða matreiðsla.

Foreldrar hennar voru Ingunn Jónsdóttir, skáldkona og húsfreyja á Kornsá í Vatnsdal, og Björn Sigfússon, alþingismaður.

Björn Sigfússon (1849-1932) alþingismaður á Kornsá (22.6.1849 - 11.10.1932)

Ingunn Jónsdóttir (1855-1947) Kornsá, frá Melum í Hrútafirði (30.7.1855 - 7.8.1947)

Runólfur Björnsson (1887-1963) Kornsá (19.1.1887 - 7.8.1963)

Guðrún Björnsdóttir (1884-1973) skólastjóri (28.6.1884 - 15.12.1973)

Jón Árnason (1885-1977) bankastjóri (17.11.1885 - 1.1.1977)

Björn Sigurðsson (1920-2010) frá Kornsá (6.7.1920 - 14.5.2010)

Benedikt Sigfússon (1859-1932) Bakka í Vatnsdal (16.10.1859 - 15.2.1932)

HAH01888

IS HAH

Loka

Fullt

GPJ 17.7.2017

• íslenska

®GPJ ættfræði https://www.mbl.is/greinasafn/grein/55764/?item_num=0&searchid=e0291cb86c5b21b990326f9d90fb3445e6a8c964 https://www.mbl.is/greinasafn/grein/1329757/?item_num=1&searchid=56aeaaac5a4cc718d327b8053c6286726dcec564