Einstaklingur

Ragnar Þorsteinsson (1914-1999) kennari Reykjaskóla

• Ragnar Þorsteinsson (1914-1999) kennari

28.2.1914 - 17.9.1999

Ragnar Þorsteinsson fæddist í Ljárskógaseli 28. febrúar 1914. Hann lést í Reykjavík 17. september 1999.
Hann var einnig þekktur biblíusafnari. Hann gaf Þjóðarbókhlöðunni 1.228 biblíur á mismunandi tungumálum við opnun hennar.
Útför Ragnars fór fram frá Fossvogskirkju 24.9.1999 og hófst athöfnin klukkan 13.30.

Ljárskógasel:

Ragnar lauk kennaraprófi frá Kennaraskóla Íslands 1938. Hann stundaði nám í ensku og enskum bókmenntum við háskólann í Leeds 1966.

Hann var kennari á Skagaströnd, á Ólafsfirði, í Héraðsskólanum á Reykjum í Hrútafirði og í Klébergsskóla á Kjalarnesi. Um hríð vann hann við Fræðslumyndasafn ríkisins, hjá Sakadómi Reykjavíkur og síðustu starfsárin hjá Rannsóknarlögreglu ríkisins. Ein fjörutíu sumur vann hann við vegagerð í Dalasýslu.

Ragnar vann við þýðingar, sumt hefur birst á prenti, annað var lesið upp í útvarp. Þar á meðal voru: Úlfur Larsen, 1947, Hnefaleikarinn, 1948, Þegar Coriander strandaði, 1977, Þegar pabbi var lítill, 1978, og Vefurinn hennar Karlottu, 1983.

Foreldrar hans voru Þorsteinn Gíslason, bóndi í Ljárskógaseli og síðar í Þrándarkoti í Laxárdal, f. 25.11. 1873, d. 9.11. 1940, og Alvilda Bogadóttir, f. 11.3. 1887, d. 22.3. 1955.
Systkini hans voru: Ingveldur, Bogi Ingiberg (1918-1998), Sigvaldi Gísli (1920-1998) Var í Þrándarkoti, Hjarðarholtssókn, Dal. 1930. Lögfræðingur, framkvæmdarstjóri Íslenska Vöruskiptafélagsins og aðstoðarframkvæmdarstjóri Verslunarráðs Íslands, síðast bús. í Reykjavík, Gunnar og Elís Gunnar (1929).
Hálfsystkini voru: Magnús Skóg Rögnvaldsson (1908-1972) Var í Þrándarkoti, Hjarðarholtssókn, Dal. 1930. Síðast bús. í Laxárdalshreppi. Kjördóttir: Elísabet Alvilda Magnúsdóttir, f. 1.6.1956 og Guðlaug Þorsteinsdóttir.
Árið 1938 hóf Ragnar sambúð með eftirlifandi eiginkonu sinni, Sigurlaugu Stefánsdóttur frá Smyrlabergi í Austur-Húnavatnssýslu. Þau gengu í hjónaband 1965.
Börn þeirra eru:
1) Hrafn, útgerðarmaður Ólafsfirði, f. 1938, maki Lilja Kristinsdóttir.
2) Úlfur, tæknimaður Reykjavík, f. 1939, maki Unnur Karlsdóttir.
3) Hreinn, kennari Laugarvatni, f. 1940, maki Guðrún Einarsdóttir.
4) Edda, skrifstofumaður Reykjavík, f. 1944.
5) Örn, f. 1946, d. 1951.
6) Guðrún, skrifstofustjóri Hvammstanga, f. 1950, maki Vilhelm V. Guðbjartsson.
7) Örn, kennari Reykjavík, f. 1953,
8) Þorsteinn, skrifstofumaður Húsavík, f. 1954, maki Þorbjörg Jóhannsdóttir.
9) Gísli, þýðandi Reykjavík, f. 1957, maki Áslaug Guðmundsdóttir.

Reykjaskóli í Hrútafirði

Bogi Þorsteinsson (1918-1998) flugumferðarstjóri Keflavíkurflugvelli (2.8.1918 - 17.12.1998)

Sigurlaug Stefánsdóttir (1915-2000) Reykjaskóla (25.9.1915 - 15.12.2000)

Barnaskólinn á Skagaströnd ((1920))

Bjarg á Skagaströnd ((1950))

HAH01857

IS HAH

Loka

Fullt

GPJ 12.7.2017

• íslenska

®GPJ ættfræði https://www.mbl.is/greinasafn/grein/492957/?item_num=14&searchid=953a675cd678d2b6d2f46878c61979b24151fe8b