Person

Bogi Þorsteinsson (1918-1998) flugumferðarstjóri Keflavíkurflugvelli

• Bogi Ingiberg Þorsteinsson (1918-1998)

2.8.1918 - 17.12.1998

Bogi Ingiberg Þorsteinsson fæddist 2. ágúst 1918 í Ljárskógaseli í Hjarðarholtssókn. Hann lést að morgni 17. desember 1998 á Landspítalanum.
Útför Boga fór fram frá Ytri- Njarðvíkurkirkju í dag 29. des. 1998 og hófst athöfnin klukkan 14. jarðsett verður í Innri-Njarðvíkurkirkjureit.

Reykjavík. Keflavík.

Hann var í Reykholtsskóla 1933 til 1936, tók loftskeytapróf 1941. Réðst til flugmálastjórnar 1946, tók próf til flugumferðarstjórnar 1947, fór til Bandaríkjanna í framhaldsnám 1951 til 1954, ásamt ýmsum námsferðum viðvíkjandi starfinu á árunum 1951 til 1957.

Hann starfaði sem loftskeytamaður, þar á meðal á es. Dettifossi er honum var sökkt í febrúar 1945. var skipaður flugumferðarstjóri 1948 og yfirflugumferðarstjóri á Keflavíkurflugvelli 1951 og gegndi því starfi þar til hann fór á eftirlaun í ágúst 1985. Bogi var einnig settur flugvallarstjóri 1955-­1956 og svo oftar í styttri tíma. Bogi var einhleypur og helgaði líf sitt margvíslegum félagsmálum: Hann var formaður ÍKF 1951 til 1969, formaður KKÍ 1961 til 1969, formaður UMFN 1970 til 1978, í stjórn Íþróttabandalags Suðurnesja 1952 til 1953, í stjórn FRÍ 1952 til 1954, í knattspyrnudómstól KSÍ 1956 til 1958 og fulltrúi KKÍ í ólympíunefnd um árabil, fararstjóri landsliðsins í körfuknattleik og sat í ótal nefndum. Að auki var Bogi formaður sjálfstæðisfélagsins Mjölnis á Keflavíkurflugvelli frá 1955 til 1961, einnig formaður sjálfstæðisfélagsins Njarðvíkings í tvö ár ásamt fréttaritarastarfi fyrir Morgunblaðið um árabil. Fyrir allt þetta ofangreint tók hann aldrei nein laun, en hlaut þess í stað ýmsar viðurkenningar, þar á meðal afmæliskross ÍSÍ, gullkross KKÍ, gullmerki frá KSÍ og Val ásamt Club-de-Luxembourgh, silfurmerki frá FRÍ og körfuknattleikssambandi Danmerkur. Árið 1994 hlaut hann svo Hina íslensku fálkaorðu. Bogi var heiðursfélagi hjá KKÍ, UMFN og Lionsklúbbi Njarðvíkur.

Foreldrar Boga voru Þorsteinn Gíslason, f. 25. 1873, d. 9.11. 1940. Bóndi í Ljárskógaseli og Þrándarkoti í Laxárdalshr., Dal. Fd. ekki getið í kirkjubók, einungis nóv. 1873 og Alvilda María Friðrika Bogadóttir, f. 11.3. 1886, d. 22.3. 1955.
Alsystkini Boga voru
1) Ragnar Þorsteinsson f. 28.2.1914 - 17.9.1999. Starfaði að kennslu á Ólafsfirði, Skagaströnd, Reykjum í Hrútafirði og víðar. Stundaði þýðingar. Gaf Þjóðarbókhlöðunni við opnun 1.228 Biblíur og Biblíuhluta á jafnmörgum tungumálum og mállýskum. Árið 1938 hóf Ragnar sambúð með Sigurlaugu Stefánsdóttur f. 25.9.1915 - 15.12.2000 frá Smyrlabergi í Austur-Húnavatnssýslu. Þau gengu í hjónaband 1965.
2) Ingveldur Þorsteinsdóttir f. 21.7.1915 - 4.2.2000. Húsfreyja í Hjarðarnesi og á Litlu-Vallá á Kjalarnesi. Síðar matráðskona á Vallá. Síðast bús. í Mosfellsbæ. Ingveldur hóf sambúð 1937 með Kristmanni Sturlaugssyni f. 26.3.1896 - 19.1.1978 Bóndi Reynikeldu og Hjarðarnesi Kjalarnesi.
3) Sigvaldi Gísli Þorsteinsson f. 26.12.1920 - 28.9.1998. Lögfræðingur, framkvæmdarstjóri Íslenska Vöruskiptafélagsins og aðstoðarframkvæmdarstjóri Verslunarráðs Íslands, síðast bús. í Reykjavík. Sigvaldi kvæntist 3. maí 1948 Ingibjörgu Halldórsdóttur f. 1.9.1929,
4) Gunnar Þorsteinn Þorsteinsson f. 28.8.1923 - 22.2.1989. Síðast bús. í Mosfellsbæ.
5) Elís Gunnar Þorsteinsson f. 5.7.1929, býr í Kópavogi.
Hálfsystkini Boga voru
6) Magnús Skóg Rögnvaldsson f. 2.6.1908 - 9.9.1972 Búðardal. Kjördóttir: Elísabet Alvilda Magnúsdóttir, f. 1.6.1956. Faðir hans var Rögnvaldur Magnússon f. 21.4.1880 - 2.3.1910. Bóndi og Söðlasmiður á Neðri-Brunná, Saurbæjarhr., Dal.
7) Guðlaug Margrét Þorsteinsdóttir f. 22.2.1902 - 29.8.1988. Síðast bús. á Akureyri.

Bogi ólst ekki upp með systkinum sínum, hann ólst upp hjá afa sínum, Boga Sigurðssyni í Búðardal, og seinni konu hans, Ingibjörgu Sigurðardóttur frá Kjalarlandi, og urðu þess vegna lítil tengsl við ættingjana.

Bogi Sigurðsson (1858-1930) Búðardal (8.3.1858 - 23.6.1930)

Ingibjörg Sigurðardóttir (1874-1970) Búðardal (6.3.1874 - 25.10.1970)

Ragnar Þorsteinsson (1914-1999) kennari Reykjaskóla (28.2.1914 - 17.9.1999)

HAH01150

IS HAH

Final

Full

GPJ 13.5.2017

• Icelandic

®GPJ ættfræði
Íslendingabók
sjá Æviskrá samtíðarmanna.
mbl 29.12.1998. https://www.mbl.is/greinasafn/grein/440087/?item_num=11&searchid=7126774f00c68e59aca6e1ee80e96118cb44ccba