Pétur Pétursson (1920-1979) frá Bollastöðum

Pétur Pétursson, frá Bollastöðum, varð bráðkvaddur 13. janúar 1979. Hann var fæddur 23. mars 1920 að Eyhildarholti í Skagafirði. Pétur var kominn út af kunnum skagfirskum og eyfirskum bændahöfðingjum. Voru forfeður hans kunnir atorku- og framfaramenn og margir sterkir persónuleikar. Ungur að árum missti hann móður sína. Hún lést í blóma lífsins frá 9 börnum. Var honum því komið fyrir hjá frænku sinni Unni Pétursdóttur Bollastöðum í Blöndudal, þar sem hann ólst upp. Reyndist hún honum ætíð sem besta móðir.
Pétur Pétursson var ötull og góður starfsmaður, félagslyndur og ágætur starfsfélagi, er ávallt var reiðubúinn til að leggja góðu málefni lið og vildi hvers manns vandræði leysa. Hann vann hylli allra þeirra er kynntust honum náið, sakir fjölhæfra gáfna og víðtækrar þekkingar m.a. á bókmenntasviðinu. Hann var sannur hugsjónamaður er vildi jafnan bæta og treysta hag þeirra er höllum fæti stóðu í þjóðfélaginu.

Eyhildarholt í Skagafirði: Bollastaðir: Blönduós:

Veturinn 1935—1936 var hann við nám í héraðsskólanum í Reykholti í Borgarfirði, en veturinn eftir stundaði hann búfræðinám við bændaskólann að Hólum og lauk þaðan búfræðiprófi vorið 1937.

Eftir nám hvarf hann heim að Bollastöðum og tók við búi og bjó þar ásamt fóstru sinni allt til ársins 1942. Árið 1949 gerðist Pétur starfsmaður Kaupfélags Húnvetninga og vann þar um 12 ára skeið. Síðan vann hann ýmis störf, einkum hjá Vegagerð ríkisins og sýslusjóði m.a. við sýsluskjalasafn A.-Húnavatnssýslu, en hann lagði mikla rækt við það. Haustið 1977 hóf hann skrifstofustörf hjá Rafmagnsveitum ríkisins á Blönduósi og starfaði þar til dauðadags.

Pétur var mikill félagshyggjumaður og voru honum því falin ýmis störf í þágu félagsmála. Hann sat í hreppsnefnd Blönduóshrepps á árunum 1952-1960. Formaður Verkalýðsfélags A.-Húnvetninga 1966-1976. Átti hlut að stofnun Verslunarfélags Húnvetninga og var fyrsti formaður þess. Sat um skeið í atvinnumálanefnd og var fulltrúi við samningagerðir í vinnudeilum. Vann mikið að bókasafnsmálum og sat í stjórn bókasafnsins, svo og í stjórn búnaðarfélags sveitar sinnar á búskaparárum sínum. Auk margra annarra trúnaðarstarfa, er hann gegndi í þágu almannaheilla fyrir byggðarlag sitt og samfélag.

Foreldrar hans voru Pétur Jónsson f. 6. apríl 1892 - 30. september 1964. Bóndi í Eyhildarholti, Rípurhr. og Brúnastöðum, Lýtingsstaðahr., Skag. Síðar gjaldkeri í Tryggingarstofnunar ríkisins. Bóndi á Brúnastöðum, Knappstaðasókn, Skag. 1930, síðar gjaldkeri og kona hans Þórunn Sigurhjartardóttir f. 5. maí 1890 - 18. desember 1930 Húsfreyja í Skagafirði. Húsfreyja á Brúnastöðum, Knappstaðasókn, Skag. 1930, frá Urðum í Svarfaðardal.
Þann 21. september 1941 kvæntist hann konu sinni, Bergþóru Önnu Kristjánsdóttur f.14.5.1918 -9.5.2011. Var á Köldukinn, Blönduósssókn, A-Hún. 1930. Var í Húsi Péturs Péturssonar, Blönduóshr., A-Hún. 1957. Húsfreyja og verslunarstarfsmaður á Blönduósi. Bjuggu þau fyrsta búskaparár sitt að Bollastöðum, en vorið 1942 festu þau kaup á jörðinni Brandsstöðum í sömu sveit. Þar bjuggu þau allt til vorsins 1949, en þá fluttu þau til Blönduóss. Reistu þau þar húsið Húnabraut 7, þar sem hann bjó til dauðadags.

Eignuðust þau hjón 4 börn en þau eru:
1) Þórunn Pétursdóttir f. 23. apríl 1942 Var í Húsi Péturs Péturssonar, Blönduóshr., A-Hún. 1957, starfsstúlka á pósthúsinu á Blönduósi. Hún var gift Ara Hermannssyni f. 5. janúar 1941 - 25. ágúst 1973. Var í Sæmundsenshúsi, Blönduóshr., A-Hún. 1957. Gjaldkeri, síðast bús. í Blönduóshreppi.
2) Kristján Rúnar Pétursson f. 20. október 1947 Var í Húsi Péturs Péturssonar, Blönduóshr., A-Hún. 1957, starfsmaður hjá Pólarprjón,
3) Pétur Arnar Pétursson f. 21. ágúst 1950 Var í Húsi Péturs Péturssonar, Blönduóshr., A-Hún. 1957, deildarstjóri við Kaupfélag Húnvetninga á Blönduósi, kvæntur Helgu Lóu Pétursdóttur f. 14. október 1953 úr Reykjavík,
4) Guðrún Soffía Pétursdóttir f. 14. júní 1956 Var í Húsi Péturs Péturssonar, Blönduóshr., A-Hún. 1957, búsett á Skagaströnd, en maður hennar er Guðjón Guðjónsson sjómaður.
Auk þess eignaðist Pétur son,
1) Pálmi Pétursson f. 5.3.1940, bifreiðarstjóra í Reykjavík. Hann er elstur barna Péturs, kvæntur Birnu Björgvinsdóttur. Kjörmóðir: Sigurjóna !Karlotta Jóhannsdóttir, f. 24.12.1909.
Móðir hans var Guðrún Jónsdóttir f. 1. september 1921 - 3. júlí 1988. Var í Kjós, Árnesssókn, Strand. 1930. Talsímakona, síðast bús. í Reykjavík
Einnig tóku þau hjón einn uppeldisson, er var bróðursonur og nafni Péturs.
0) Pétur Jónsson f. 28. janúar 1942. Fósturf. skv. Reykjahl.: Pétur Pétursson bóndi og skrifstofumaður á Blönduósi og k.h. Bergþóra Kristjánsdóttir. Hann er sjómaður í Reykjavik. Ólst hann upp hjá þeim frá tveggja til 16 ára aldurs. Foreldrar hans voru Jón Pétursson (1914-1972) Brúnastöðum í Fljótum og Kristín Guðlaug Kristófersdóttir (1913-1999), vinnukona á Geithellum, Djúpavogssókn, S-Múl. 1930. Síðast bús. í Reykjavík.

GPJ 25.8.2017

• Icelandic

®GPJ ættfræði