Ósk Ágústsdóttir (1923-2008) Reykjum

Ósk Ágústsdóttir fæddist í Kirkjuhvammi í V-Húnavatnssýslu, 20. febrúar 1923. Ósk ólst upp á Ánastöðum á Vatnsnesi hjá afa sínum og ömmu til 16 ára aldurs en að þeim látnum fluttist hún að Gröf í sömu sveit til foreldra sinna. Fljótlega fór hún að stunda vinnumennsku, meðal annars var hún um tíma á Melstað í Miðfirði og einn vetur starfaði hún á Landakotsspítala. Ósk og Einar hófu búskap á Reykjum árið 1947.

Einar lést árið 1977 og bjó þá Ósk áfram á jörðinni ásamt yngstu dóttur sinni, Huldu. Ósk vann í mörg ár í mötuneyti Reykjaskóla með búskapnum en árið 1987 tóku þau Hulda og Ólafur við búinu. Árið 1997 fluttist Ósk til Hvammstanga, fljótlega fór hún í íbúð fyrir aldraða í Nestúni 2 og þar bjó hún þar til hún lést. Hún naut góðrar samveru við aðra íbúa hússins og var virk í félagsstarfi eldri borgara.
Hún lést á Heilbrigðisstofnun Hvammstanga 8. febrúar 2008.
Útför Óskar fór fram frá Hvammstangakirkju 15.2.2008 og hófst athöfnin klukkan 14.
Jarðsett var í Staðarkirkjugarði í Hrútafirði.

Skólaárið 1945-1946 stundaði hún nám í húsmæðraskólanum að Löngumýri í Skagafirði.

Ósk var mikil ræktunarmanneskja. Hún sýndi það meðal annars heima á Reykjum þar sem hún kom upp glæsilegum blóma- og trjágarði sér og öðrum til mikillar ánægju. Einnig var hún ein aðalhvatamanneskjan að því að rækta upp gróðurreit í Reykjaskóla, sem heitir Óskalundur. Í áraraðir tók hún virkan þátt í starfi Kvenfélags Staðarhrepps.

Foreldrar hennar; Ágúst Frímann Jakobsson 10. júní 1895 - 30. nóv. 1984. Bóndi í Ánastaðaseli, Kirkjuhvammssókn, V-Hún. 1930. Bóndi á Ánastaðaseli, Kirkjuhvammshr. og víðar, síðar verkamaður á Hvammstanga. Var á Hamri, Hvammstangahr., V-Hún. 1957 og kona hans; Helga Jónsdóttir 6. sept. 1895 - 26. ágúst 1973. Húsfreyja, var á Hamri, Hvammstangahr., V-Hún. 1957. Síðast bús. í Hvammstangahreppi.

Systkini Óskar;
1) Unnur Ágústsdóttir f. 20. maí 1920 - 5. des. 2002. Var í Mörk, Hvammstangahr., V-Hún. 1957. Maður hennar 1947; Agnar Sigurður Gestsson 17. feb. 1918 - 1. nóv. 2004. Var á Dæli, Víðidalstungusókn, V-Hún. 1930. Bóndi í Mörk, Hvammstangahr., V-Hún. og var þar 1957.
2) Jakob Gísli Ágústsson f. 6. ágúst 1921 - 20. sept. 1994. Var í Ánastaðaseli, Kirkjuhvammssókn, V-Hún. 1930. Bóndi í Lindarbergi og Gröf í Kirkjuhvammshr., V-Hún., síðar á Hvammstanga. Kona hans; Aðalbjörg Pétursdóttir 6. jan. 1942 - 26. maí 2018. Húsfreyja á Lindarbergi á Vatnsnesi, fékkst síðar við ýmis störf á Hvammstanga. Síðast bús. á Hvammstanga.
3) Jón Ágústsson f. 28. júlí 1924 - 4. júní 2016. Var í Ánastaðaseli, Kirkjuhvammssókn, V-Hún. 1930. Var í Gröf, Kirkjuhvammshr., V-Hún. 1957. Bóndi í Gröf í Kirkjuhvammshreppi, síðar vörubílstjóri á Hvammstanga. Kona hans 31.12.1951; Ástríður Þórhallsdóttir 9. sept. 1933 - 4. des. 2018. Húsfreyja í Gröf og starfaði síðar á sjúkrahúsinu á Hvammstanga um árabil. Var í Gröf, Kirkjuhvammshr., V-Hún. 1957. Síðast bús. á Hvammstanga.
4) Þóra Ágústsdóttir f. 14. okt. 1927 - 24. jan. 2014. Var í Ánastaðaseli, Kirkjuhvammssókn, V-Hún. 1930. Húsfreyja á Melum í Hrútafirði, síðar bús. í Reykjavík. Maður hennar 1947; Jón Jónsson 15. júní 1925 - 23. jan. 2013. Var á Melum, Prestbakkasókn, Strand. 1930. Bóndi á Melum í Bæjarhreppi. Síðast bús. í Reykjavík. Gegndi ýmsum trúnaðarstörfum.
5) Alma Levý Ágústsdóttir f. 24. ágúst 1929. Var á Ósum, Breiðabólsstaðarsókn, V-Hún. 1930. Fósturforeldrar Eggert Leví og Ögn G. Leví. Húsfreyja á Þorfinnsstöðum í Þverárhreppi.
6) Sigurbjörg Lilja Ágústsdóttir [Gogga] f. 10. júní 1931 - 12. feb. 1999. Síðast bús. í Reykjavík. Maður hennar; Sigurjón Þorsteinsson 31. júlí 1928 - 12. nóv. 1983. Var á Reykjum, Staðarsókn, V-Hún. 1930. Bílstjóri, síðast bús. í Reykjavík.
Dagur, Íslendingaþættir - Blað 3 (27.02.1999), Blaðsíða III. http://timarit.is/view_page_init.jsp?pageId=2425334
7) Jóhanna Birna Ágústsdóttir f. 18. mars 1934 - 15. ágúst 2013. Var í Sóllandi, Hvammstangahr., V-Hún. 1957.
8) Anna Ágústsdóttir f. 3. júní 1936 - 30. ágúst 2018. Verslunarstarfsmaður á Hvammstanga. Var á Hamri, Hvammstangahr., V-Hún. 1957. Síðast bús. á Hvammstanga.

Maður hennar 21. des. 1947; Einar Gunnar Þorsteinsson f. 31. ágúst 1915, d. 5. janúar 1977. Var á Reykjum, Staðarsókn, V-Hún. 1930. Bóndi á Reykjum í Hrútafirði, Ytri-Torfustaðahr., V-Hún. Síðast bús. í Staðarhreppi.
Dætur þeirra eru sex:
1) Guðrún Einarsdóttir f. 5.2.1950, maki Guðjón Sigurðsson. Dætur þeirra eru Ragnheiður Helga, Eyrún Ósk og Ágústa Sigurlaug.
2) Þóra Jóna Einarsdóttir f. 3.2.1952, maki Karl Emil Ólafsson. Börn þeirra eru Einar Gunnar, Ólafur Þór, Eva Þóra og Þorsteinn Logi.
3) Helga Einarsdóttir f. 6.8.1953, maki Ásbjörn Björnsson. Sonur þeirra er Björn Orri, sonur Helgu frá fyrri sambúð er Einar Örn og dóttir Ásbjörns er Ólafía.
4) Jóhanna Guðbjörg Einarsdóttir f. 20.1.1955, í sambúð með Halldóri Ara Brynjólfssyni. Börn Jóhönnu frá fyrra hjónabandi eru Elísabet, Svava Björk og Sindri Gunnar.
5) Þórhildur Rut Einarsdóttir f. 27.3.1956, maki Hallgrímur Bogason. Börn þeirra eru Óskar Einar, Bogi Guðbrandur, Reynir Daði, Harpa Rakel og Helga Rut.
6) Hulda Einarsdóttir f. 31.10.1963, maki Ólafur H. Stefánsson. Börn þeirra eru Sara, Aron Stefán og Rakel Ósk.

GPJ 10.3.2020

• Icelandic

®GPJ ættfræði
Íslendingabók
mbl 15.2.2008. https://www.mbl.is/greinasafn/grein/1193111/?item_num=2&searchid=9e4f4b8cbbe37e80e1e74b22ff51350dfdb8b932