Person

Margrét Jónína Karlsdóttir (1893-1991)

• Margrét Jónína Karlsdóttir (1893-1991) Bjargi

20.4.1893 - 25.8.1891

Var á Bjargi, Staðabakkasókn, V-Hún. 1930. Húsfreyja í Reykjavík 1945. Síðast bús. í Reykjavík. Í dag, þriðjudaginn 3. september, fer fram útför Margrétar Jónínu Karlsdóttur, lengi húsfreyju á Birkimel 6 hér í borg, sem andaðist 25. ágúst sl. Hún fæddist á Bjargi í Miðfirði fyrsta sumardag 1893, sem þá bar upp á 20. apríl.
Margrét var forkunnarfríð sýnum, höfðingleg í fasi og allri framkomu, ljúf í viðmóti og allri umgengni ásamt góðvild og hlýju í garð allra samferðamanna á lífsleiðinni.

Bjarg í Miðfirði: Akureyri: Reykjavík:

Hún fæddist á Bjargi í Miðfirði fyrsta sumardag 1893, sem þá bar upp á 20. apríl, dóttir hjónanna Karls Ásgeirs Sigurgeirssonar og Ingibjargar Jóhannesdóttur, sem þar bjuggu allan sinn búskap. Foreldrar Karls voru Þingeyingar að ætt, hjónin Vigdís Halldórsdóttir og Sigurgeir Pálsson. Hann var annálað glæsimenni, fríður og höfðinglegur, allra manna mestur í vexti og sterkastur og iðkaði mjög íþróttir. Hann hafði söngrödd mikla og fagra og var víða kirkjuforsöngvari. Um Vigdísi er sagt, að hún væri "ágætiskona, í góðu meðallagi há og samsvaraði sér vel, glaðleg í viðmóti, með góðlegan, hreinan og fallegan svip". Hún dó 55 ára að aldri 1886. Þau Sigurgeir áttu 8 börn, sem komust til fullorðinsára. Þar af fluttust 5 til Vesturheims, Páll, Halldór, Ásdís, Arinbjörn og Ingunn.
Sigurgeir fluttist vestur aldamótaárið. Hann andaðist árið 1925, 96 ára að aldri. Þeir feðgar tóku sér ættarnafnið Bardal þegar vestur kom og voru mjög vel þekktir, framtakssamir og duglegir landnemar.
Helga, dóttir Sigurgeirs og Vigdísar, var móðir bændahöfðingjans Lárusar í Grímstungu og hans ágætu systkina.
Guðrún Aðalbjörg, dóttir Sigurgeirs og Vigdísar, giftist, en dó ung og átti ekki afkomendur.
Foreldrar Ingibjargar, konu Karls á Bjargi, voru hjónin Ólöf Jónsdóttir frá Hindisvík og Jóhannes, gullsmiður og bóndi á Auðunnarstöðum, Guðmundsson.
Á þessu góða heimili ólst Margrét, elzta barn þessara hjóna, upp, ásamt fimm glæsilegum systkinum, sem nú eru öll látin. Þau voru: Vigdís, f. 12. okt. 1894, d. 11. maí 1914; Páll Sigurður, f. 8. nóv. 1896, bóndi á Bjargi; d. 26. marz 1980, Ólöf Ingibjörg, f. 12. maí 1898, d. 27. júní 1943; Sigurgeir, f. 29. marz 1908, bóndi á Bjargi, d. 4. okt. 1976, og Jóhannes, f. 22. maí 1909, d. 1. september 1920.
Margrét giftist Axel Vilhelmssyni verslunarmanni 14. okt. 1917. Þau stofnuðu heimili á Akureyri og bjuggu þar, unz Axel lézt 31. marz 1927 frá fjórum ungum börnum þeirra hjóna. Þau voru:
1) Anna, f. 24. ágúst 1918, ekkja, búsett á Hvammstanga;
2) Karl Jóhannes, f. 7. ágúst 1920, d. 5. maí 1943, mikill músíkmaður og snilldarteiknari, gleðigjafi og vinsæll af öllum, sem kynntust honum;
3) Páll, strætisvagnastjóri, Rvík, f. 29. júní 1922, d. 15. júlí 1988, kvæntur Sigríði Halldórsdóttur;
4) Sigurgeir, vélstjóri, Rvík, f. 27. maí 1926, kvæntur Jónínu Guðmundsdóttur.
Margrét átti son með Birni Jónssyni. Það er hinn frægi harmonikumeistari
5) Grettir, f. 2. maí 1931, kvæntur Ernu Geirjónsdóttur.

29. júlí 1933 giftist Margrét Arinbirni Árnasyni frá Neðri-Fitjum í Víðidal, ágætum manni. Þeirra heimili var áþekkt Bjargsheimilinu, þar ríkti glaðværð og gestrisni, hjálpsemi og umhyggja, ef eitthvað bjátaði á hjá náunganum, og engin fyrirhöfn annarra vegna talin eftir.
    Sonur þeirra hjóna er
    6) Árni, orgel- og fiðlusnillingur, f. 8. sept. 1934, kvæntur Lydíu Haraldsdóttur.
    Margrét eignaðist mannvænleg börn. Hið sama má segja um tengdabörnin og barnabörnin, allt er þetta gott og vel gefið fólk.

IS HAH

Final

Full

GPJ 5.7.2017

• Icelandic

http://www.mbl.is/greinasafn/minningaleit/