Margrét Jónatansdóttir Líndal (1917-1991) frá Holtastöðum

Sviplegt fráfall Margrétar Jónatansdóttur Líndal kom mér sem öðrum á óvart. Þorgeir sonur hennar hringdi til mín síðla dags 12. mars sl. og sagði mér að hún hefði orðið bráðkvödd daginn áður, þarsem þau hjón voru á skíðaferð í Bláfjöllum.
Margrét fæddist á Holtastöðum í Langadal í Húnavatnssýslu 2. september 1917.

Holtastaðir í Langadal: Hafnarfjörður:

Margrét stundaði nám við Kvennaskólann á Blönduósi og síðar við Verslunarskólann í Reykjavík.

Að námi loknu stundaði hún ýmis störf í Reykjavík, en lengst mun hún hafa starfað hjá Landsímanum. Hún unni fögrum listum, og hygg ég að þar hafi þau hjón verið samstíga. Margrét hafði sem unglingur lært á hljóðfæri hjá móður sinni, og eftir lát hennar auðnaðist henni að auka við kunnáttu sína á því sviði. Síðast en ekki síst var það myndlistin sem Margrét heillaðist af, og hygg ég að hún hafi náð býsna langt í þeirri listgrein. Hún stundaði myndlistarnám hér heima og einnig erlendis.

Foreldrar hennar voru þau Guðríður Sigurðardóttir Líndal, frá Lækjarmóti í Víðidal, og Jónatan J. Líndal bóndi og hreppstjóri á Holtastöðum. Heimilið á Holtastöðum var þekkt myndarog menningarheimili. Þaðan átti Margrét sínar bernskuminningar, sem þó voru tregablandnar, því um fermingaraldur missti hún móður sína, en það varð henni sár harmur. Þegar slíkt ber að á viðkvæmasta skeiði ævinnar, fer vart hjá því að eftir standi ör, sem seint eða ekki hverfa.
Árið 1944 giftist Margrét Bergi Vigfússyni (1914-2002), kennara frá Geirlandi á Síðu. Bergur byrjað iað kenna við Flensborgaskólann haustið 1943,

GPJ 5.7.2017

• Icelandic

®GPJ ættfræði https://www.mbl.is/greinasafn/grein/65910/?item_num=4&searchid=685b84ffd7c1e85ccd93f1bd9f818177ea3bcbc3