Bærinn stendur við Heylæk skammt sunnan Fossár, en drjúgan spöl frá sjó, Þar er beitarland nærtækt og dágott.
Íbúðarhús byggt 1941 úr blönduðu efni 187 m3. Hlaða byggð 1948 úr asbesti 100 m3. Fjós byggt 1964 yfir 6 gripi úr asbesti. Fjárhús byggt 1950 úr asbesti fyrir 250 fjár. Votheysgeymsla byggð 1952 32 m3. Geymsla byggð 1958 úr asbesti 160 m3. Hlaða með súgþurrkun járnklædd 200 m3. Tún 16,6 ha.

Ábúendur;

1957- Sigurður Pálsson 20. júlí 1925. Var á Björgum, Hofssókn, A-Hún. 1930. Var í Króksseli, Skagahr., A-Hún. 1957. Kona hans; Alda Dagbjört Friðgeirsdóttir 21.10.1936. Króksseli 1957. Sjá Kálfshamar.

1955- Ólafur Pálsson 3. maí 1924 - 26. mars 2004. Var á Björgum, Hofssókn, A-Hún. 1930. Var í Króksseli, Skagahr., A-Hún. 1957. Bóndi og félagsmálafrömuður á Ytri-Björgum á Skaga. Kona hans; Ingibjörg Ólafsdóttir 11. des. 1902 - 6. mars 1991. Húsfreyja á Björgum, Hofssókn, A-Hún. 1930. Var í Króksseli, Skagahr., A-Hún. 1957. Húsfreyja í Króksseli.

-1953- Páll Júlíus Sigurðsson 25. júlí 1877 - 9. nóv. 1953. Leigjandi á Björgum, Hofssókn, A-Hún. 1930. Bóndi í Króksseli. Kona hans; Ingibjörg Ólafsdóttir 11. des. 1902 - 6. mars 1991. Húsfreyja á Björgum, Hofssókn, A-Hún. 1930. Var í Króksseli, Skagahr., A-Hún. 1957. Húsfreyja í Króksseli.
1953-1955- Ingibjörg Ólafsdóttir.

Landamerkjaskrá fyrir jörðinni Króki með Króksseli í Vindhælishreppi.

Að sunnan milli Hróarstaðalands ræður landamerkjagarður frá sjó (norðan við Naustavelli) til Skollhamars og vörðu norðanvert á honum, frá henni sjónhending út á Bruna, í syðri vörðu, frá beinni sjónhending yfir Seldal, Seldalsholt, og vestanvert við vörðu á Hrísholti og á mitt Hellisgil, þaðan í vörðu (við Fossá) á mel fyrir norðan Hellisgil, þaðan í vörðu við Fossá, þar sem hún rennur í krók til norðurs, þaðan ræður Fossá til sjáfar, ræður svo sjór að vestan til nefnds landamerkjagarðs.
Þessi landamerkja-skrá er samþykkt með hlutaðeigandi undirskriptum

Staddir að Viðvík 18. júní 1886.
Í umboði eiganda jarðarinnar Króks og Krókssels frá 25/9. 1885
Árni Jónsson hreppstjóri
Hróarstaða eigandi og ábúandi Gísli Benediktsson (handsalað)
Handsalð vottar: Björn Magnússon
Guðmundur Gíslason

Lesið upp á manntalsþingi að Viðvík, hinn 17. maí 1887 og innfært í landamerkjabók Húnavatnssýslu, No. 66, fol. 35