Einstaklingur

Kristján Stefán Sigurðsson (1924-1997) Læknir Blönduósi

• Kristján Stefán Sigurðsson læknir

14.11.1924 - 9.11.1997

Kristján Stefán Sigurðsson fæddist í Hælavík á Hornströndum 14. nóvember 1924. Hann lést á Landspítalanum í Reykjavík 9. nóvember 1997.
Útför Kristjáns fór fram frá Hallgrímskirkju 14.11.1997 og hófst athöfnin klukkan 13.30.

Hælavík á Hornströndum: Ísafjörður: Reykjavík: Hvammstangi 1956: Blönduós 1956-1958: Svíþjóð: Patreksfjörður 1961-1966: Keflavík:

Kristján lauk gagnfræðaprófi frá Gagnfræðaskóla Ísafjarðar. Hann las svo samfara vinnu utanskóla við máladeild Menntaskólans í Reykjavík og varð stúdent þaðan árið 1946. Hann lagði eftir það stund á læknisfræði við Háskóla Íslands og lauk þaðan læknaprófi árið 1954 og hlaut almennt lækningaleyfi árið 1956. Kristján hélt síðan til Svíþjóðar og stundaði framhaldsnám í skurðlækningum árin 1958 til 1961.

Frá 1956-1958 var hann læknir á Hvammstanga (6 mán.) og í Blönduóshéraði. Eftir heimkomu varð hann héraðslæknir í Patreksfjarðarhéraði frá 1961-1966, en þá var einungis einn læknir þar. Hann starfaði síðan við Landspítalann árin 1966-1971, lengst af við handlækningadeild spítalans. Árið 1971 var hann ráðinn yfirlæknir við Sjúkrahúsið í Keflavík og starfaði þar, þangað til hann lét af störfum fyrir aldurs sakir árið 1992. Kristján var alla sína starfsævi virkur félagi í Lionshreyfingunni. Hann hafði yndi af söng og var einn af stofnendum Karlakórs Patreksfjarðar. Einnig var hann um langt skeið félagi í Stangaveiðifélagi Keflavíkur.

Foreldrar hans voru þau Sigurður Sigurðsson (f. 28. mars 1892, d. 9. maí 1968), fæddur á Læk í Aðalvík, síðar bóndi í Hælavík og símstöðvarstjóri á Hesteyri. Kona Sigurðar var Stefanía Guðnadóttir (f. 22. júní 1897, d. 17. nóv. 1973), fædd í Hælavík. Börn Sigurðar og Stefaníu voru 13, en eftirtalin eru látin; Jakobína, f. 1918, Sigurður Kristinn, f. 1923, dó 11 ára. Ingólfur Marteinn, f. 1926, Baldvin Lúðvík, f. 1928, Guðmundur Jóhann, f.1929, Guðni Kjartans, f. 1931, lést fjögurra ára. Eftirlifandi eru; Sigurborg Rakel, f. 1919, Ólafía Ásdís, f. 1920, Sigríður Stefanía, f. 1922, Guðrún Rósa, f. 1930, Fríða Áslaug, f. 1940, Guðný Sigrún, f. 1945.
Kristján kvæntist 20. apríl 1950. Eftirlifandi kona hans er Valgerður Guðrún, fædd 20. apríl 1929. Valgerður er dóttir Halldórs Árnasonar, bónda í Garði í Mývatnssveit, og konu hans, Sigríðar Jónsdóttur, en bæði eru látin.
Kristján og Valgerður eignuðust fimm börn, sem eru:
1) Hildur, ljósmóðir, f. 1950, gift Ingibirni Hafsteinssyni kaupmanni. Þau eiga fjögur börn á lífi og eitt barnabarn. Tvö barna þeirra eru látin.
2) Halldór, verkfræðingur, f. 1952, kvæntur Jennýju Ágústsdóttur, tannlækni. Þau eiga tvær dætur.
3) Sigurður, barnalæknir, f. 1955, kvæntur Guðríði Önnu Daníelsdóttur, tannlækni, þau eiga þrjú börn.
4) Hjalti, heimilislæknir, f. 1958, kvæntur Veru Björk Einarsdóttur, hjúkrunarfræðingi. Þau eiga þrjú börn á lífi, en eitt barna þeirra er látið.
5) Guðrún Þura, sjúkraþjálfari og nuddari, f. 1966. Guðrún á eina dóttur.

Héraðshæli Austur Húnvetninga Blönduósi (1955-) (31.12.1955)

Hildur Kristjánsdóttir (1950) ljósmóðir (14.10.1950 -)

Halldór Kristjánsson (1952) Héraðshælinu 1957 (29.5.1952 -)

Valgerður Halldórsdóttir (1929-2000) Héraðshælinu 1957 (20.4.1929 - 25.4.2000)

HAH01690

IS HAH

Loka

Fullt

GPJ 3.7.2017

• íslenska

®GPJ ættfræði https://www.mbl.is/greinasafn/grein/365968/?item_num=6&searchid=c558cff07bec8d387692a0a9b4637084716c764d