Á Keldulandi er gralendi mikið og gott. Bærinn stendur skammt frá þjóðvegi móts við Bakka, áður stóð hann nær fjallinu. Íbúðarhú byggt 1972, 183 m3. Fjós byggt 1971 járnklætt yfir 5 gripi. Fjárhús byggt 1971 yfir 120 fjár. Hlaða byggð 1974 úr járni og timbri 221 m3. Geymsla byggð 1974 247 m3.
Tún 8,2 ha.

Ábúendur;

1910 og 1920- Lárus Einar Björnsson 13. nóv. 1869 - 2. maí 1936. Bóndi á Keldulandi í Vindhælishreppi, A-Hún. Var þar 1930. Sambýliskona hans; Guðrún Ólafsdóttir 23. ágúst 1866 - 10. júlí 1922. Húsfreyja á Keldulandi í Vindhælishreppi, A-Hún.

Albert Erlendsson 5. nóv. 1895 - 2. mars 1984. Var í Ketu, Ketusókn, Skag. 1901. Bóndi á Selá, Hvammssókn, Skag. 1930. Bóndi á Keldulandi í Skagahreppi. Kona hans; Sigurlína Lárusdóttir 28. maí 1907 - 10. júlí 1986. Húsfreyja á Selá, Hvammssókn, Skag. 1930. Var í Keldulandi, Skagahr., A-Hún. 1957. Síðast bús. í Skagahreppi.

1971- Óli Einar Albertsson 2.10.1941. Var í Keldulandi, Skagahr., A-Hún. 1957. Ókvæntur.

Landamerkjalýsing fyrir Keldulands og Hafsvallalöndum

Að norðan er torfuvarða á mel fyrir utan Pottlækjargil, þaðan bein sjónhending í Tvísteina, eiga Skeggjastaðir þar land að norðan, úr Tvísteinum í stefnu á torfuvörðu, er setjast á ofanvert við lítið melhorn, er ber milli Tvísteina rjett fyrir utan Bræðrakeldu, þaðan bein sjónhending í Hlóðarstein á ofanverðum Stólbekk, þaðan í vörðu á Snjógilsbungu vestanverðri, og þaðan utan við Hraunagjótur, eins og Hofs lögfestingar til vísa, þá suður háfjallið til syðra Katlafjallshorns, þaðan beint vestur yfir Hraunhólahvolf til lækjar þess, sem kallaður er Landamerkjalækur, eiga land að honum að norðan Hafsvellir (Hafursvellir til Harastaðabrekkubrúna, og út allar þær brúnir til Teigsenda, svo úr Teigsenda til torfuvörðu, sem stendur á ofanverðum Flæðabrúnum, þaðan beina sjónhending í áður nefnda torfuvörðu fyrir utan Pottlækjargil

Keldulandi 18. júlí 1889.
Ólafur Ólafsson eigandi Keldulands og Hafsvalla.
Árni Jónsson vegna eiganda Bakka.
Andrjes Árnason vegna Guðjóns Einarssonar eiganda Harastaða
Eggert Ó. Brím vegna eiganda Ólafur Ólafsson eigandi Brandaskarðs.
Jón Jónsson prestur að Hofi.

Lesið upp á manntalsþingi að Viðvíki, hinn 23. maí 1891, og innfært í landamerkjabók Húnavatnssýslu, No. 251, fol. 131.