Jenný Jónsdóttir húsfreyja á Eyjólfssöðum í Vatnsdal lést á heimili sínu snemma að morgni 1. janúar sl. Hún fæddist rétt áðuren þessi öld, sem nú er komin á síðasta áratuginn, hóf göngu sína, svo æviárin voru orðin býsna mörg. Jenný var sérstaklega gæfusöm kona í öllu sínu lífi. Hún hafði góða heilsu svo að segja til síðustu stundar en það verður að teljast meira virði en orð geta lýst. Ekki síst þegar fólk nær jafn háum aldri og hér var um að ræða. Hún átti kærleiksríka foreldra, sem hún gat haft á heimili sínu þar til yfir lauk. Þeirsem til þekktu vita vel að Jenný naut þess í ríkum mæli að geta sýnt foreldrum sínum ástúð og umhyggjusemi, þegar þau þurftu mest á því að halda. Eiginmaður Jennýjar var henni ástríkur og traustur lífsförunautur í löngu og farsælu hjónabandi. Síðast en ekkisíst átti hún indæl börn, sem báru hana á höndum sér til hinstu stundar og að lokum fékk hún að kveðja þetta líf í faðmi þeirra. Af því sem hér að framan er sagt er ljóst að Jenný hefur átt margar hugljúfar minningar um ástvini sína, frá því fyrsta til hins síðasta. Það má því með sanni segja að hún hafi verið gæfumanneskja.

Foreldrar Jennýjar voru hjónin Ingibjörg Kristmundsdóttir og seinni maður hennar Jón Baldvinsson. Bæði voru þau Húnvetningar. Ingibjörg var fædd 31. desember árið 1861. Hún var komin af góðum ættum á Vatnsnesi. Jón var fæddur 28. júní 1866 á Síðu í Refasveit. Móðir Jenýjar missti fyrri mannsinn árið 1891 frá tveimur ungum dætrum. Sú eldri, Halldóra Guðrún, fór í fóstur til föðursystur sinnar, Jóhönnu Jóhannesdóttur. En sú yngri, Ingibjörg Rósa móðir mín, ólst upp hjá móður sinni og seinni manni hennar, sem alla tíð reyndist henni sem besti faðir.
Jenný giftist 23. júlí árið 1922. Maður hennar var Bjarni Jónasson, mikill myndarmaður og afburða duglegur. Hann var af fátæku fólki kominn og hafði misst móður sína þegar hann var barn að aldri. Þráttfyrir fátækt og umkomuleysi fór hann í hinn velþekkta Hvítárbakkaskóla, aðeins 15 ára að aldri. Hann gerði sér þá strax ljóst hve góð menntun er nauðsynleg fyrir lífið, hvert sem ævistarfið kann að verða.
Jenný og Bjarni eignuðust þrjú börn, sem upp komust.
Þau eru:
1) Ingibjörg, f. 8. júní 1923, gift Ingvari Steingrímssyni, bónda á Eyjólfsstöðum, þau eiga 4 börn; Jón, f. 18. nóvember 1925, kvæntur Kristínu Lárusdóttur, þau búa á Bakka í Vatnsdal og eiga 5 syni;
2) Jóhanna, f. 12. febrúar 1929, ógift og barnlaus. Hún hefur að mestu dvalið heima og búið með fjölskyldu sinni. Öll eru börnin mannkostafólk, sem bera foreldrum sínum góðan vitnisburð.
Ingibjörg og Jón Baldvinsson giftust árið 1894 og var Jenný eina barn þeirra, fædd á Kornsá í Vatnsdal 26. júlí 1898.