Hallgrímur Guðjónsson (1919-2018) Hvammi í Vatnsdal

• Hallgrímur Guðjónsson Hvammi í Vatnsdal

Hallgrímur fæddist í Hvammi í Vatnsdal. Heimili þeirra í Hvammi var hlýlegt og myndarlegt. Þangað var gott að koma og af fundi þeirra hjóna fór maður glaðari og bjartsýnni en áður.
Ekki gat Hallgrímur komist hjá því að taka að sér opinber störf fyrir sveit sína. Hann sat lengi í hreppsnefnd og var hreppstjóri í mörg ár og gegndi auk þess ýmsum öðrum nefndarstörfum. Mér er sagt að þessi störf öll hafi hann leyst vel af hendi og verið maður sátta og samkomulags.
Árið 1984 fann Hallgrímur fyrir heilsubresti sem leiddi til þess að hann varð að hætta búskap. Þau hjón seldu jörð sína og bú árið 1985. Það voru Hallgrími þung spor að geta ekki lengur stundað lífsstarf sitt. En honum var það viss gleði í þeirri raun að geta litið yfir jörð sína og bú og séð hverju hann hafði fengið áorkað á búskaparárum sínum, hve framkvæmdirnar höfðuverið miklar og allt skuldlaust.
Þau hjónin Fjóla og Hallgrímur fluttu til Reykjavíkur og keyptu stóra og bjarta íbúð á Flyðrugranda 14. Þessari íbúð hafa þau breytt og lagfært hana. Það er eðli sumra að bæta allt og fegra. Þarna eiga þau fallegt og hlýtt heimili eins og í Hvammi. Þangað er gott að koma og þar er gestkvæmt.

Hvammur í Vatnsdal A-Hún: Marðarnúpur;

Bóndi:

Hallgrímur fæddist í Hvammi í Vatnsdal, sonur þeirra merku hjóna Rósu Ívarsdóttur og Guðjóns Hallgrímssonar. Bæði voru þau hjón af húnvetnsku bergi brotin, komin af traustu og dugmiklu bændafólki.
Hallgrímur kvæntist Sigurlaugu Fjólu Kristmannsdóttur frá Hlöðversnesi á Vatnsleysuströnd árið 1952. Fjóla, eins og hún er jafnan kölluð. Fjóla og Hallgrímur eiga þrjár dætur.
Rósa, verslunarskóla gengin, gifta Gísla Ragnari Gíslasyni, prentara.
Þuríður, gagnfræðingur, en sambýlismaður hennar er Finnbogi Kjartansson, tónlistarmaður, og
Margrét, hárgreiðslumeistari, en sambýlismaður hennarer Gunnar Jónsson, bifvélavirki.
Fjóla átti dreng áður en þau Hallgrímur giftust, Hafstein Gunnarsson, sem er stúdent og vinnur hjá Hagvirki.

GPJ 23.5.2017

• Icelandic

®GPJ ættfræði
Íslendingabók
mbl 14.8.2018. https://www.mbl.is/greinasafn/grein/1693886/?item_num=3&searchid=a8bc9a07aae2d9ab55a958057190b252a3bff089