Halldór Árnason (1898-1979) Garði í Skútustaðahreppi

• Halldór Árnason Garði í Skútustaðahreppi

Halldór Árnason 12. júlí 1898 - 28. júlí 1979. Bóndi í Garði, Skútustaðasókn, S-Þing. 1930. Bóndi í Garði í Mývatnssveit um árabil.

Garður í Skútustaðaheppi:

Halldór Árnason átti heima í Garði alla ævi. Þeim stað lagði hann þrek sitt og lífsorku frá barnsaldri. Hann var verkhygginn, verkhagur og vinnuglaður með afbrigðum. í harðbýlli sveit njóta þeir eiginleikar sín vel, ekki sízt þar sem afkoman byggist á að nýta hlunnindi jarða, svo sem veiði, eggjatekju og útbeit, en svo var háttað hér fyrir vélvæðingartíð. —

Foreldrar hans; Árni Jónsson 19. sept. 1856 - 19. nóv. 1926. Var í Garði, Skútustaðasókn, S-Þing. 1860. Bóndi í Garði, Skútustaðasókn, S-Þing. 1890. Bóndi í Garði í Mývatnssveit og kona hans; Guðbjörg Stefánsdóttir 30. maí 1863 - 17. okt. 1937. Húsfreyja í Garði í Mývatnssveit, S-Þing. Var þar 1930.

Systkini Halldórs;
1) Ásrún Árnadóttir 7. júlí 1884 - 8. jan. 1966. Búsett í Garði fyrri hluta ævinnar utan það að dvelja af og til í Reykjavík. Var í Reykjavík 1910. Vinnukona í Garði, Skútustaðasókn, S-Þing. 1930. Bústýra á Kálfaströnd við Mývatn lengst af frá 1936.
2) Stefán Árnason 1. jan. 1887 - 21. okt. 1898.
3) Jón Árnason 10. sept. 1889 - 10. jan. 1944. Var í Garði, Skútustaðasókn, S-Þing. 1890. Héraðslæknir á Kópaskeri 1930. Fósturmóðir Anna Jónsdóttir. Héraðslæknir í Öxarfjarðarhéraði, var síðast á Kópaskeri.
4) Þura Árnadóttir 26. jan. 1891 - 13. júní 1963. Ólst upp með foreldrum í Garði fram um 1910. Fór þá starfsstúlka að Hvanneyri í Borgarfirði og nam síðan við Kvennaskólann í Reykjavík. Lærði einnig til garðyrkju. Flutti aftur norður í Garð og var þar lengst af fram um 1940. Gæslumaður Lystigarðsins á Akureyri um allmörg ár. Skáldkona og ættfræðingur, tók saman Skútustaðaætt og átti í handriti annan fróðleik um ættir í Þingeyjarþingi. Einnig voru hennar kunnu vísur gefnar út tvívegis.
5) Björgvin Helgi Árnason 9. nóv. 1894 - 8. okt. 1974. Bóndi í Garði við Mývatn um árabil eftir 1918. Bóndi þar 1930. Síðast bús. í Skútustaðahreppi. Kona hans Stefanía Þorgrímsdóttir 22. mars 1888 - 17. júní 1959. Var á Starrastöðum, Mælifellssókn, Skag. 1890 og einnig 1901. Mun hafa verið í Ystafelli í Kinn, S-Þing. einhvern tíma á unglingsárum. Nam í Kvennaskólanum á Blönduósi. Fluttist í Mývatnssveit 1915. Húsfreyja í Garði í Skútustaðahr., S-Þing. lengst af frá 1918.
6) Arnþór Árnason 28. okt. 1904 - 19. okt. 1983. Vinnumaður í Garði, Skútustaðasókn, S-Þing. 1930. Kennari í Lundi í Öxarfirði, N-Þing. og Norðfjarðarhreppi, S-Múl. Síðast bús. í Reykjavík. Kona hans; Helga Lovísa Jónsdóttir 9. júní 1912 - 25. feb. 2000. Frá Blöndudalshólum. Vetrarstúlka á Sauðárkróki 1930. Þau skildu.

Kona hans 30.6.1928; Sigríður Jónsdóttir 1. júní 1906 - 1. mars 1997. Húsfreyja í Garði, Skútustaðasókn, S-Þing. 1930. Húsfreyja í Garði í Mývatnssveit.

Börn þeirra;
1) Valgerður, gift Kristjáni Sigurðssyni sjúkrahúslækni í Keflavík,
2) Anna Guðný, gift Svani Jónssyni skipstjóra í Keflavík,
3) Árni, kvæntur Guðbjörgu Eyjólfsdóttur, nú bóndi í Garði,
4) Guðbjörg, búsett í Reykjavík,
5) Hólmfríður, gift Guðmundi Laugdal bifreiðastjóra og bifreiðasmið, Selfossi,
6) Arnþrúður, gift Jóni Kristinssyni bakara í Reykjavík.

GPJ 6.9.2019

• Icelandic

®GPJ ættfræði
Morgunblaðið, 177. tölublað (04.08.1979), Blaðsíða 38. http://timarit.is/view_page_init.jsp?pageId=1516164