Bali Blönduósi

• Siggubær

• Sigurðarhús 1920

• Hafsteinshús 1933

Bali 1901. Siggubær. Sigurðarhús 1920. Hafsteinshús 1933. Viðbygging 1931.
Byggður 1901 af Þorláki Helgasyni. 20.4.1906 fær hann samning um 370 ferfaðma lóð (1312 m2) og ræktunarlóð, sem er þegar byggður bær á. Lóðin er að nokkru afmörkuð með skurðum 36,4 m á norðurhlið, 43,3 m suðurhlið, vesturhlið 25,1 m og austurhlið 46,45 m.

Blönduós gamli bærinn

Stendur enn við Blöndubyggð

Bærinn er upphaflega úr torfi og timbri með torfþaki og heinu hálfþili. 14 x 6 álnir, hæð 3,5 álnir. Ekki er komin vatnsleiðsla 1916. Í fasteignamati 1916 var lóðin sögð 45 ferfaðmar.
Þorlákur bjó í bænum til 1909, en ekki er víst hver var í bænum 1909-1910.

1910-1914 bjó þar Jóhann Jósefsson. Hann selur svo Sigríði Þorsteinsdóttur bæinn 14.6.1914. Hún selur svo Steindóri Sigvaldasyni 17.2.1916 (afsal 3.3.1917).
Óvíst er hvort Steindór bjó nokkurn tíma í húsinu. Hann dó 15.5.1917 og selur þá ekkja hans Sigurði Davíðssyni síðla í júní 1917.
Sigurður tryggir bæinn 22.11.1922. Honum er lýst svo; Torfbær með háu risi, 3 hebergi og eldhús. Hálfstafn úr timbri. 20.5.1926 afsalar hann húsinu til Davíðsínu dóttur sinnar sem býr í því til 194X.
Agnar Guðmundsson bjó á Bala 1947 en Jósef Indriðason frá 1952.
Hafsteinn Björnsson maður Davíðsínu byggði við húsið 1931, timburhús 4,2 x 3,8 m.
Fyrir 1930 er Páll Bjarnason búinn að byggja á lóðinni hlöðu og fjós.
1945 keypti Magnús Jóhannsson lítið hús (sumarhús Guðmundar Kolka er stóð upp með Svínvetningabraut) og flutti það á þessa lóð og bjó þar. Mangahús.

20.4.1906 fær Þorlákur samning um 1.032 m2 hús og ræktunarlóð sem þegar er byggður bær. Lóðin er að nokkru afmörkuð með skurðum, 36 m á norðurhlið, 42,78 m suðurhlið, 24,8 m vesturhlið og austurhlið 45,88 m.

10. desember 1937 fær Agnar B Guðmundsson 2,02 ha. Lóð sem takmarkast af lóð Jóns Sumarliðasonar að vestan, túnlóðum Eyþórs Guðmundssonar og Guðmundar Agnarssonar að austan, 4ra metra vegarstæði að norðan og sunnan við Dýhólaskurðinum.

1909-1910- Þorlákur Helgason, f.  16. jan. 1862 d. 24. okt. 1958, Árbakka 1917, maki ógift; Jóhanna Pálsdóttir 5. maí 1854 d. 4. nóv. 1923. Byggir bæinn.

1910-1914- Jóhann Jósefsson f. 1. apr. 1880 d. 7. júní 1964. M. 1904; Oddfríður Gísladóttir, f. 4. ág. 1874 d. 15. mars 1948. Þórðarhúsi á Hvammst. 1920.
Börn þeirra;
1) Ásthildur Helga (1906-1924),
2) Jakob Þorsteinn (1908-1993) Sjómaður á Hvammstanga 1930. Verkamaður í Reykjavík 1945. Vörubifreiðastjóri, síðast bús. í Reykjavík.
3) Jósefína Svanlaug (1909-1997). Síðast bús. í Reykjavík. Nefnd Jósefía í manntali 1910. Var á Hvammstanga 1930.

1910- Bjarnhildur Bjarnadóttir (1848-1912) Hvítuhlíð á Ströndum og dóttur-dóttir hennar;
1910- Elínborg Steinunn Benediktsdóttir (1896-1980) Smáhömrum.

1914-1926- Sigurður Árni Davíðsson f. 17. des. 1863 d. 10. des. 1934, maki 23.6.1891; Halldóra Sigríður Halldórsdóttir f. 14. okt. 1863 d. 20. apríl 1944, Kambakoti og Þverá í Hallárdal 1910.
Börn þeirra;
1) Sigríður (1897) vesturheimi,
2) Davíðsína (1900-1969) Bala
3) Árni (1904-1938) sjá Jaðar.

1926 og 1951- Hafsteinn Björnsson f. 17.maí 1899 Ytra-Tungukoti, d. 1. apríl 1960, sjá Tungu, maki 13. ágúst 1930 skildu); Davíðsína Sigurðardóttir f. 20. okt.1900, d. 1. maí 1969.
Barn þeirra;
1) Eiður (1931-2015),
kjörbarn;
2) Halldóra Ingibjörg Friðriksdóttir (1937).

1946 og 1951- Agnar Bragi Guðmundsson f. 17. ágúst 1919 d. 5. nóv. 1989, sjá Fögruvelli og Sólheima, maki; Hulda Lilja Sigríður Þorgeirsdóttir f. 15. des. 1925, sjá Sólheima. Bjargi 1946.
Börn þeirra;
1) Guðmundur Unnar (1946),
2) Magnús Rúnar (1948),
3) Sigurunn (1950).

1946- Páll Sigurðsson Steingrímsson f. 25. júlí 1887 Neðstabæ, d. 18. júlí 1964, bróðir Friðriku í Jóhannshúsi Gunnarssonar. Maki 7. sept. 1913; Ingibjörg Sigurðardóttir f. 17. nóv. 1892 d. 24. des. 1986, Njálsstöðum 1930, sjá Bjarg 1940, (systir Árna á Jaðri).

GPJ 13.5.2019

• Icelandic

®GPJ Býlaskrá Blönduóss 1876 - 1957
Upplýsingar um lóðamörk eru fengnar frá Jóni Arasyni (1949) í Skuld.
Skilningur á staðsetningu er alfarið minn. GPJ