Ásdís Kristinsdóttir (1912-1991)

Ásdís Kristinsdóttir fædd 22.7.1912 -7.8.1991. Lést á heimili sínu að Hamraborg 26, Kóp. miðvikudagsmorguninn 7. ágúst sl. Foreldrar Ásdísar bjuggu á ýmsum stöðum í Húnavatnssýslu, svo sem Gafli í Víðidal, Þingeyjarseli og Bakkakoti. Móðir hennar missti heilsuna, fékk heilablóðfall er Aðalheiður fæddist og við það tvístraðist fjölskyldan og Aðalheiður var upp frá því í fóstri að Melrakkadal.
Árið 1923 flyst fjölskyldan með 4 börn til Vestmannaeyja en eftir 1 ár flytjast þau norður aftur. Þá fer Gunnar bróðir hennar að Ási en Ásdís og Bjarni að Hofi. Foreldrar þeirra flytjast aftur til Vestmannaeyja með tvö yngstu börnin og Kristinn fer að vinna við bifreiðaakstur.

Vestmannaeyjar. Hof í Vatnsdal.

Hún var fædd í Grímstungu í Vatnsdal, Áshreppi í Húnavatnssýslu, frumburður móður sinnar en annað barn föður síns. Faðir hennar var Kristinn Bjarnason, f. 19. maí 1892 á Akranesi d. 12. júlí 1968, sonur Bjarna Jónssonar oddvita þar og konu hans Sigríðar Hjálmarsdóttur, Hjálmarssonar (Bólu-Hjálmars). Móðir hennar var Guðbjörg Kristín Sölvadóttir frá Réttarholtskoti á Skagaströnd, f. 1. mars 1884, d. 16. október 1950. Foreldrar Sölvi Jónsson, sá Jón var Sölvason og bjuggu þeir feðgar að Stóruborg í Vesturhópi. Rósa Benediktsdóttir móðir Kristínar mun hafa verið af sömu ætt og Skáld-Rósa. Þau Sölvi og Rósa bjuggu að Skúfi í Norðurárdal.
Systkini Ásdísar voru:
1) Ásgrímur bóndi og skáld, fæddur 28.12.1911 - 20.8.1988, Ási í Vatnsdal, móðir hans var Ingibjörg Benediktsdóttir af Guðlaugsstaðaætt:
2) Gunnar fangavörður, fæddur 23.9.1913 - 11.1.1982 Grímstungu,
3) Bjarni bóndi fæddur 28.4.1915 -18.2.1982 að Gafli í Víðidal,
4) Aðalheiður Jóhanna skáldkona, fædd 18.5.1916 - 11.11.2014, býr í Málmey í Svíþjóð;
5) Benedikt Ragnar fæddur 13.3.1921 - 10.6.2000 Þingeyrarseli, Sveinsstaðahreppi, býr í Cape Town í SuðurAfríku;
6) Sigríður Ingibjörg fædd 24.4.1925 -17.9.2008 að Hofi í Vatnsdal, matráðskona, maður hennar 25.10.1942 Þorvaldur Aðalsteinn Eyjólfsson bifvélavirki Reykjavík.
Ásdís eignaðist fjórar hálfsystur. Móðir þeirra hét Guðfinna Ástdís Árnadóttir f. 19.11.1903 - 5.10.1990 frá Vestmannaeyjum, seinni kona föður hennar.
Þær eru:
1) Jóhanna Árveig fædd 14.12.1929 - 8.7.2002, maður hennar Jón Óli Þorláksson f. 15.5.1924 - 2.2.1982 Akureyri.
2) Bergþóra Gunnbjört fædd 17.2.1933 - 22.5.2012, maður hennar 17.2.1958 Benedikt Bjarni Kristjánsson f. 26.9.1935 - 7.5.2009 bifreiðastjóri Reykjavík.
3) Hrafnhildur fædd 22.3.1935, maður hennar Sigurður Axelsson
4) Guðlaug Ásrún fædd 11.7.1936 - 15.6.1998, maður hennar Rósant Hjörleifsson f. 21.8.1933, Kjörfor.: Hjörleifur Pálsson, f. 14.8.1903 og k.h. Unnur Jónsdóttir, f. 20.6.1901.

GPJ 13.5.2017

• Icelandic

http://www.mbl.is/greinasafn/minningaleit/