Ártún í Blöndudal

• Ytra-Tungukot

Hét áður Ytra-Tungukot. Bærinn stendur nokkuð austan Blöndudalsvegar, í tungunni á eyrunum milli Blöndu og Svartár, með útsýn austur Ævarsskarð til Bólstaðarhlíðar. Svartárbrú hin ysta er við túnfótinn að norðan og er ofan hennar komið á Norðurlandsveg fremst í Æsustaðaskriðu utan Hólahorns. Tún eru ræktuð af sandeyrum og valllendismóum.
Íbúðarhús byggt 1948 530 m3. Fjós yfir 24 gripi, fjárhús fyrir 220 fjár. Hlöður 960 m3. Tún 21 ha. Veiðiréttur í Blöndu og Svartá.

Ytra-Tungukot; Blöndudalur; Bólstaðarhlíðarhreppur; Blöndudalsvegur; Blanda; Svartá; Ævarsskarð; Bólstaðarhlíð; Svartárbrú; Norðurlandsvegur; Æsustaðaskriða; Hólahorn; Grjótgarður; Finnslækur; Grjótvörður; Bakkadrag; Finnstunga; Svartárdalur; Tungan; Skeggstaðir; Svartagil; Austurfjall; Grenlág; Þröskuldur; Finnadalur; Grenborg; Skarðshlíðarbrún; Skeggstaðaskarð; Blöndudalshólar; Brúarhlíða; Hnakkur; Tunguhnjúkur; Gildrumelur; Bakkadrag; Gamlakot;

Ábúendur;

1948- Jón Tryggvason 28. mars 1917 - 7. mars 2007. Var í Finnstungu, Bólstaðarhlíðarsókn, A-Hún. 1930. Bóndi, búfræðingur, hreppsnefndarmaður og oddviti í Ártúnum í Bólstaðarhlíðarhreppi. Var í Ártúnum, Bólstaðarhlíðarhr., A-Hún. 1957. Söngstjóri og organisti um margra ára skeið. Hlaut hina íslensku fálkaorðu. Kona hans; Sigríður Ólafsdóttir

4. nóv. 1924. Var í Ártúnum, Bólstaðarhlíðarhr., A-Hún. 1957.

   Tryggvi Þór Jónsson 13. des. 1948. Kona hans; Jóhanna Magnúsdóttir 1952

Skrá um landamerki Ytra Tungukots í Bólstaðarhlíðarhreppi.

Að utan og austan ræður Svartá merkjum suður að Grjótgarði við Finnslæk, frá Grjótgarði ræður bein stefna í vestur, sem Grjótvörður vísa að Bakkadragi, frá Bakkadragi ræður merkjum Blanda norður til Svartár.

Ytra Tungukoti, 17. maí 1886
Guðrún Arnórsdóttir eigandi Ytra Tungukots

Þessum merkjum er jeg undirritaður samþykkur
Jónas Jónsson, eigandi Finnstungu

Lesið upp fyrir manntalsþingsrjetti Húnavatnssýslu að Bólstaðarhlíð, 20. maí 1886, og innfærð í landamerkjabók sýslunnar No. 40 fol. 22

Þar sem Blöndudalur og Svartárdalur mætast, er bær í tungunni. Sá bær hlýtur að vekja eftirtekt vegfarandans fyrir þær sakir, að þar er óvenju fallegt íbúðarhús og vel við haldið. Túnið breiðir úr sér rennislétt og flatlent fram á eyrarnar, þar sem Blanda og Svartá renna saman. Þessi bær er Ártún.
Ártún var þá hjáleiga frá Finnstungu og hét Ytra-Tungukot. Bræðurnir Jón og Jónas Tryggvasynir byggðu saman íbúðarhúsið í Ártúnum á árunum 1947—48.

Landamerkjaskrá fyrir jarðirnar Ártún og Finnstungu í Bólstaðarhlíðarhreppi, A-Hún.

Að austan ræður merkjum milli Ártúna og Skeggstaða klettagil frá Svartá og upp að fjallsbrún (Svartagil) þaðan bein lína suður Austurfjallið fyrir austan Grenlágar á móts við Þröskuld fremst á Finnadal, merki Ártúna og Skeggsstaða. Þröskuldur ræður svo merkjum Finnstungu og Skeggsstaða að stóru Grenborg sunnarlega (stór steinn). Þaðan bein lína um grjótvörðu syðst á Grenborg í aðra vörðu á Skarðshlíðarbrún beint norður af Þröskuldi á Skeggstaðaskarði merki Finnstungu annarsv. og Skeggstaða og Blöndudalsh. hins vegar. Milli Finnstungu og Brúarhlíðar eru merki frá síðarnefndri vörðu, bein lína í Hnakk, sem er klettur á brún Tunguhnjúks og áfram þaðan bein lína vestur Blöndu á Gildrumel. Girðing er á merkjum frá Svartá og að Blöndu. Blanda ræður svo merkum Ytri Löngumýrar og Tunguness annars vegar og Finnstungu og Ártúna hins vegar. Svartá ræður síðan merkjum Ártúna og Bólstaðarhlíðar að Svartagili. Milli Finnstungu og Ártúna eru merki bein lína úr Blöndu um Bakkadrag í grjótvörðu vestan við Gamlakot. Þaðan bein lína í Skeggstaðamerki um stein, sem ber við loft vestast á Austurfjalli (L.M.) Sunnan þessarar línu á Finnstunga allt land, en Ártún á allt norðan við. Veiðiréttur í Blöndu og Svartá skal tilheyra báðum jörðunum Ártúnum og Finnstungu að jöfnu. Gjört í júní 1983.

GPJ 13.3.2019

• Icelandic

Landamerkjabók sýslunnar No. 40 fol. 22 20.5.1886
Landamerkjaskrá fyrir jarðirnar Ártún og Finnstungu í Bólstaðarhlíðarhreppi, A-Hún. júní 1983
Húnaþing II