Einstaklingur

Ari Jóhannes Jósefsson (1939-1964) skáld frá Bala á Blönduósi

• Ari Jósefsson (1939-1964)
• Ari Jóhannes Jósefsson skáld

28.8.1939 - 18.6.1964

Ari Jóhannes Jósefsson 28. ágúst 1939 - 18. júní 1964. Skáld. Var á Bala, Blönduóshr., A-Hún. 1957. Drukknaði. Hann fór til Reykjavíkur eftir að hafa hætt í MA, þar sem hann varð fljótlega áberandi í hópi ungu skáldanna. Hann stundaði nám í íslenskum fræðum í tvö ár, hélt svo til Rúmeníu til að læra rómönsk fræði og var á heimleið þaðan þegar hann féll fyrir borð á Gullfossi og drukknaði, þann 18. júní 1964.
Um brostinn streng
er skyldi skærast hljóma
um skugga er bar
á vornótt svona heiða
lognaldan þylur fregn við fjörusand.

Feiknstöfum rituð
eru örlög manna
alinn við mold og steina
hafdjúp gistir
einn er hver sér þótt sýnist fleiri í för.

Fjallkonan beið þín
hreina hjartaprúða
með hvítan kollinn
nýja rós á barmi var seiður hafsins þyngri þessa nótt?

Hví fórstu Ari
í faðminn Ránar kalda?
Fagnað þér skyldi
er stigir þú á grundu.
Það er ei öllum unnt að komast heim.
H.B.B.
Mikils er vant — en með í för
munu augu þín dul og snör
þar sem baráttan brýnust er;
bera megi hún svip af þér —

gustur sem úngur ör og hlýr
inní þykknið af bragði snýr
kliðar saungva í regnsins raust
ryður brautina hlífðarlaust

unz í myrkviðnum mannsins vé:
moldin bakvið hin dauðu tré
finnur í vexti frjómögn sín —
félagi, slík er minníng þín.
Þorsteinn frá Hamri.

Bala Blönduósi: Reykjavík:

Hann fór í Menntaskólann á Akureyri en hætti þar. Veturinn 1959-60 dvaldist hann í Barcelona en las eftir það utanskóla við Menntaskólann í Reykjavík og útskrifaðist þaðan stúdent 1961. Hann stundaði nám í íslenskum fræðum í tvö ár, hélt svo til Rúmeníu til að læra rómönsk fræði

Skáld

Hann gaf meðal annars út tímaritið Forspil með Degi Sigurðarsyni og fleirum árið 1958. 1961 kom út ljóðabókin Nei.
Trúarjátning
Ég trúi á moldina
og son hennar manninn
fæddan af skauti konunnar sem er píndur á okkar dögum
krossfestur drepinn og grafinn
en mun rísa upp á morgun og krefjast réttar síns til brauðsins
ég trúi á anda rétttlætisins samfélag mannanna
og friðsælt líf
Ari Jósefsson.

Einum teygi taka út
„tékka“ veig á svörtum.
Aldrei geigi sumbli og sút
á sumardegi björtum.
Ari Jósefsson.

Lengi höfðum við leitað að orðum
látið þau svífa í bláum ljósi
uns þau sprungu eins og sápukúlur.
Ari Jósefsson.

Ari Jóhannes Jósefsson 28. ágúst 1939 - 18. júní 1964. Skáld. Var á Bala, Blönduóshr., A-Hún. 1957. Drukknaði.
Foreldrar hans: Jósef Jón Indriðason f. 26. júlí 1904 Litlu Ásgeirsá, d. 27. júní 1991, sjá Baldurshaga, Bala 1957. Maki (sambýlisk); Soffía Guðrún Stefánsdóttir f. 15. sept. 1913 Hringveri, d. 14. nóv. 2005.
Systkini hans:
1) Stefán Reynir Jósefsson 11. september 1932 - 26. júlí 2015 Bala Blönduósi.
2) Milly Jóna Jósepsdóttir Coward 1. ágúst 1934 - 15. apríl 1999. Síðast bús. í Bandaríkjunum. M: William Coward, f. 13.4.1928.
3) Kristjana Gréta Jósefsdóttir 1. nóvember 1935. Var á Bala, Blönduóshr., A-Hún. 1957.
4) Guðmundur Sverrir Jósefsson 18. nóvember 1940. Var á Bala, Blönduóshr., A-Hún. 1957.
5) Brynja Sigrún Jósefsdóttir 16. júní 1948. Var á Bala í Blönduóshr., A-Hún. 1957.
Unnusta hans var Sólveig Hauksdóttir f. 25. júní 1943
Barn þeirra;
1) Haukur Arason 28. janúar 1962

Hannahús Blönduósi (1924 -)

Árbakki Blönduósi 1914 (1914 -)

Bali Blönduósi (1901 -)

Soffía Stefánsdóttir (1913-2005) Bala (15.9.1913 - 14.11.2005)

Brynja Sigrún Jósefsdóttir (1948) frá Bala (16.6.1948 -)

Sverrir Jósefsson (1940) Blönduósi (18.11.1940 -)

Gréta Jósefsdóttir (1935-2018) Blönduósi (1.11.1935 - 1.4.2018)

Milly Jósepsdóttir Coward (1934-1999) frá Blönduósi (1.8.1934 - 15.4.1999)

Arís Njálsdóttir (1966) Blönduósi (19.2.1966)

Erna Berglind Hreinsdóttir (1963) Skagaströnd (23.7.1963)

HAH02455

IS HAH

Loka

Fullt

GPJ 24.10.2017

• íslenska

®GPJ ættfræði