Vatnshlíð á Skörðum

Bærinn er ofan Norðurlandsvegar á Vatnsskarði, suðvestan Vatnshlíðarhnjúks. Í suðri rís Valadalshnjúkur, en í vestri Víðivörðuás og Gilsháls. Við túnfótinn er stórt stöðuvatn kennt við bæinn. Hluti af jörðinni nefnist Hlíðarendi. Íbúðarskúr byggður 1972 75 m3, fjós fyrir 8 gripi, fjárhús fyrir 400 fjár, hlöður 600 m3. Tún 17 ha. Veiðiréttur í Vatnshlíðarvatni.

Vatnsskarð; Bólstaðarhlíðarhreppur; Vatnshlíðarhnjúkur; Víðivörðuás; Gilsháls; Vatnshlíðarvatn; Hlíðarendi: Valadalur;

Vatnshlyd á Vatzskarde
Jarðardýrleiki xx € og so tíundast presti og fátækum. Eigandinn beneficium Glaumhær í Skagafírði. Ábúandinn Andres Þorbjarnarson.
Landskuld i € , áður i € lx álnir. Betalast í landaurum heim til staðarhaldarans. Leigukúgildi iij, áður v. Leigur betalast í smjöri heim til staðarins. Kvaðir öngvar.
Kvikfje vi kýr, i kálfur, lxx ær, iiii sauðir tvævetrir og eldri, xxiiii veturgamalir, xl lömb, viii hestar, ii hross, i foli veturgamall, i únghryssa. Fóðrast kann iii kýr, i úngneyti, l ær, xx lömb, ii hestar; öðrum hrossum er burt komið til hagagöngu um vetur. Afrjett ut supra. Torfrista og stúnga mjög lök. Móskurður hefur verið, meinast eyddur. Hrísrif til eldiviðar bjarglegt en eyðist mjög, en til kolgjörðar valla teljandi. Silúngsveiðivon lítil í Vatnshlíðarvatni, hefur í margt ár ekki brúkast. Grasatekja lítil og valla teljandi. Túninu grandar vatnsuppgángur, sem gjörir í vellinum mýri og jetur úr rótina til stórskaða. Engjunum grandar vatn sem jetur úr rótina, og leir, sem rennur á þær úr snarbröttu fjalli. Landþröng er, og þarf ábúandi að kaupa haga frá Valadal árlega fyrir xx álnir. Hætt er kvikfje á vetur fyri dýjum og holgryfjulækjum, sem oft verður mein að. Rekhætt er mjög fyri sauðfje á vetur, þegar að ainar.
Kirkjuvegur er mjög lángur og erfiður, yfir fjall að sækja vetur og sumar. Átroðníngur af ferðafólki er hjer í meira lagi til stórra þýngsla, og hafa ábúendur áður verið niðursetufrí af sveitafólki þar fyri.

Ábúendur;

1938-1963- Eiríkur Sigurgeirsson 24. sept. 1891 - 13. maí 1974. Bóndi á Varmalandi, Glaumbæjarsókn, Skag. 1930. Var í Vatnshlíð, Bólstaðarhlíðarhr., A-Hún. 1957. Síðast bús. á Sauðárkróki. Kona hans; Kristín Karólína Vermundsdóttir 20. júlí 1898 - 11. nóv. 1973. Niðursetningur á Sölvabakka, Höskuldsstaðasókn, Hún. 1901. Húsfreyja á Varmalandi, Glaumbæjarsókn, Skag. 1930. Var í Vatnshlíð, Bólstaðarhlíðarhr., A-Hún. 1957. Síðast bús. á Sauðárkróki.

1943-1973- Skarphéðinn Jónas Eiríksson 24. júlí 1917 - 12. okt. 1973. Var á Varmalandi, Glaumbæjarsókn, Skag. 1930. Bóndi í Vatnshlíð, Bólstaðarhlíðarhr. Ókvæntur.

1963- Karl Eiríksson 7. nóv. 1938. Var í Vatnshlíð, Bólstaðarhlíðarhr., A-Hún. 1957. Margrét Guðlaug Þórhallsdóttir 22. ágúst 1944

GPJ 5.3.2019

• Icelandic

Guðmundur Paul
Jarðabók Páls Vidalín 1708. Bls 381
file:///C:/Users/Notandi/AppData/Local/Microsoft/Windows/INetCache/IE/TYHI81U1/H%C3%BAnavatnss%C3%BDsla.pdf
Húnaþing II bls 186