Einstaklingur

Unnur Þorsteinsdóttir (1910-1987) frá Eyjólfsstöðum

• Unnur Sigurdís Þorsteinsdóttir (1910-1987) frá Eyjólfsstöðum
• Unnur Sigurdís Þorsteinsdóttir frá Eyjólfsstöðum

9.11.1910 - 6.1.1987

Var á Eyjólfsstöðum, Undirfellssókn, A-Hún. 1930. Verslunarmaður í Reykjavík 1945. Síðast bús. í Reykjavík.
Hún fæddist á Eyjólfsstöðum í Vatnsdal, sem er ein fegursta sveit landsins þarsem tign, fegurð og mildi fylla sjóndeildarhringinn.
Alltaf bjuggu þær systur með foreldrum sínum, lengst af á Bergstaðastræti 64. Það hús keyptu þau Eyjólfsstaðahjónin og þar nutu þau elliáranna við hina bestu umönnun og hlýju þeirra systra. Eftir lát þeirra keyptu þær Unnur og Hulda íbúð í Stóragerði 32 og bjuggu þar saman. Mig langar til að þakka þeim systrum fyrir alla þá velvild og hlýju sem þær hafa alla tíð sýnt mér og fjölskyldu minni.
Síðustu árin var Unnur á sjúkrahúsi. Þrek hennar var þrotið. Þeirsem komu að finna hana og mundu hana unga og lífsglaða við að hlúa að blómum í garðinum heima þekktu hana ekki. En víst er að Unnur mun ætíð standa okkur sem þekktum hana fyrir hugskotssjónum eins og í garðinum heima.

Eyjólfsstaðir í Vatnsdal: Reykjavík 1938:

Unnur stundaði nám í Kvennaskólanum á Blönduósi veturinn 1930-31. Hún var mikið fyrir hannyrðir og gerði þar marga fallega hluti. Sú list fylgdi henni æ síðan.

Í Reykjavík vann Unnur við verslunarstörf og lengst var hún í verslun Lúðvíks Storr á Laugavegi 15. Unnur þótti góð afgreiðslustúlka, viðræðuþýð og ráðholl viðskiptavinum. Þar vann líka Hulda systir hennar, hún er tveimur árum yngri. Þær systur voru mjög samrýndar, þótt þær væru í sumu ólíkar að eðlisfari.

Foreldrar hennar voru Margrét Oddný Jónasdóttir f. 11. október 1879 - 4. júlí 1961.
Foreldrar Margrétar voru Jónas Guðmundsson (1835-1913) og Steinunn Steinsdóttir (1840-1915). Húsfreyja á Eyjólfsstöðum í Vatnsdal, Áshr., A-Hún. og Þorsteinn Konráðsson f. 16. september 1873 - 9. október 1959. Bóndi á Eyjólfsstöðum, Undirfellssókn, A-Hún. 1930. Bóndi, smiður, kennari, oddviti, organisti og fræðimaður á Eyjólfsstöðum í Vatnsdal, A-Hún. og síðar skrifstofumaður í Reykjavík. Bókari í Reykjavík 1945. Fósturdóttir skv. ÍÆ.: Margrét Jósefsdóttir átti Guðmund Jóhannsson málameistara. Bróðir hans var Eggert á Haukagili.
Bæði voru þau komin af traustu og göfugu bændafólki. Á fyrstu búskaparárum sínum á Eyjólfsstöðum byggðu þau sér stórt og vandað íbúðarhús úr steinsteypu, sem enn í dag er eitt stærsta og formfegursta hús í sveitum landsins. Þau hjón áttu 9 börn, misstu eitt nýfætt. Þá ólu þau upp eina fósturdóttur.

Systkini Unnar voru
1) Sigurður Jónas Þorsteinsson 10. maí 1901 - 16. apríl 1946 Húsbóndi á Hallveigarstíg 8 a, Reykjavík 1930. Stórkaupmaður og iðnrekandi í Reykjavík 1945. Eiginkona Kristín Hannesdóttir frá Stóru-Sandvík í Flóa.
2) Jóhannes Nordal Þorsteinsson 18. október 1905 - 12. júní 1937 Húsbóndi á Laugavegi 81, Reykjavík 1930. Iðnrekandi í Reykjavík. Eiginkona Anna Gísladóttir frá Saurbæ í Vatnsdal.
3) Guðrún Margrét Þorsteinsdóttir 12. febrúar 1907 - 20. nóvember 1995 Var á Eyjólfsstöðum, Undirfellssókn, A-Hún. 1930. Húsfreyja í Reykjavík. Eiginmaður Magnús Hannesson, rafvirkjam. frá StóruSandvík í Flóa.
4) Hulda Sigríður Þorsteinsdóttir 27. mars 1913 - 2. september 1988 Var á Eyjólfsstöðum, Undirfellssókn, A-Hún. 1930. Síðast bús. í Reykjavík.
5) Hannes Eggert Þorsteinsson 19. febrúar 1918 - 21. júní 2005 stórkaupmaður. Var á Eyjólfsstöðum, Undirfellssókn, A-Hún. 1930. Eiginkona 1945, Jóhanna Thorlacius fæddist í Reykjavík 9. júlí 1920. Hún lést á Droplaugarstöðum 2. september 2012.
Foreldrar hennar voru Júlíana Guðfinna Guðnadóttir Thorlacius, f. 3. júlí 1877, d. 20. maí 1959 og Kristján Sigmundur Þorleifsson, f. 10. október 1862, d. 2. maí 1925.
6) Konráð Þorsteinsson 31. ágúst 1919 - 10. mars 1978 Var á Eyjólfsstöðum, Undirfellssókn, A-Hún. 1930. Verslunarmaður í Reykjavík 1945. Síðast bús. í Reykjavík. Eiginkona Steinunn Vilhjálmsdóttir. Þau slitu samvistum.
7) Kristín Þorsteinsdóttir 22. september 1924 - 14. janúar 2004 Var á Eyjólfsstöðum, Undirfellssókn, A-Hún. 1930. Verslunareigandi í Reykjavík. Guðlaugur Guðmundsson 21. júlí 1914 - 25. nóvember 2002, frá Sunnuhlíð, vinnumaður í Koti, Undirfellssókn, A-Hún. 1930. Kaupmaður og leigubifreiðarstjóri. Síðast bús. í Reykjavík. Rithöfundur.
Fóstursystir:
8) Margrét Oddný Jósepsdóttir 14. ágúst 1917 - 28. apríl 1999 Húsfreyja í Reykjavík 1945. Eiginmaður Guðmundur Jóhannesson.

„Þeir voru bræður Þorsteinn á Eyjólfsstöðum og Eggert á Haukagili, faðir minn. Við krakkarnir á báðum bæjunum vorum alin upp með hugarfari ættrækni, enda var ættrækniskenndin almennt miklu sterkari á þessum árum en nú. Hvað okkur snerti var samgangur á milli bæjanna ekki mikill, það var svo langt í þá daga og áin óbrúuð á milli. En þegar við fengum að fara út að Eyjólfsstöðum, varþað alltaf mikil hátíð. Það var tekið svo vel á móti okkur, þar var allt svo fínt og sérstakur blær yfir öllu. Húsið var stórt og fallegt, enda langbest byggða íbúðarhúsið í sveitinni um margra ára skeið. Og að fara yfir ána á ferju - hvílíkt undur. Ég sé enn fyrir mér Þorstein ganga hægum skrefum niður túnið og eitthvað af börnunum með, renna svo bátnum út á ána eins og ekkert væri og setjast undir árar og róa yfir. Þetta var hámark mikil leikans í mínum augum.“

Margrét Jónasdóttir (1879-1961) Eyjólfsstöðum (10.10.1879 - 4.7.1961)

Kristín Þorsteinsdóttir (1924-2004) frá Eyjólfsstöðum (22.9.1924 - 14.1.2004)

Hulda Þorsteinsdóttir (1913-1988) frá Eyjólfsstöðum (27.3.1913 - 2.9.1988)

Sigurður Jónas Þorsteinsson (1901-1946) frá Eyjólfsstöðum (10.5.1901 - 16.4.1946)

Guðrún Þorsteinsdóttir (1907-1995) frá Eyjólfsstöðum (12.2.1907 - 20.11.1995)

Haukur Eggertsson (1913-2006) Haukagili (8.11.1913 - 24.4.2006)

Sverrir Eggertsson (1920-1987) Haukagili (22.11.1920 - 12.6.1987)

Anna Gísladóttir (1906-1993) frá Saurbæ (26.4.1906 - 27.12.1993)

Guðrún Þorsteinsdóttir (1848-1917) Haukagili (1.1.1848 - 21.3.1917)

HAH02104

IS HAH

Loka

Fullt

GPJ 9.8.2017

• íslenska

https://www.mbl.is/greinasafn/grein/1037/?item_num=7&searchid=4897aa261c0e5605949a1f5a2ee55ce9971c2a74