Person

Þorbjörg Halldórsdóttir (1885-1970) Réttarholti

7. maí 1885 - 30. júní 1970

Var á Finnstöðum, Hofssókn, A-Hún. 1930. Var í Réttarholti, Höfðahr., A-Hún. 1957. Síðast bús. í Höfðahreppi.

Þorbjörg Halldórsdóttir frá Réttarholti í Höfðahreppi andaðist 30. júní á H.A.H. — Hún var fædd 7. maí 1885 á Bergsstöðum í Svartárdal. Foreldrar: Halldór Tryggvi Halldórsson og kona hans, Ingibjörg Bjarnadóttir, er voru í húsmennsku hjá sr. Stefáni M. Jónssyni á Bergsstöðum og síðan hjá honum á Auðkúlu. Ólst Þorbjörg Halldórsdóttir upp með foreldrum sínum, en frá 10 ára aldri var hún á Syðri-Ey hjá Birni Árnasyni og konu hans, Þóreyju Jónsdóttur, og fór síðan á Kvennaskólann á Blönduósi. Enda bar Þorbjörg Halldórsdóttir ávallt með sér gott uppeldi og mikla reglusemi í húshaldi öllu. Þótt eigi væru háreistir salir í hennar ranni, kom það eigi að sök, því að sá glæsibragur er snyrtimennska gaf og hagsýni innanbæjar, er kom fólki í gott skap, ásamt hlýju og hógværu viðmóti, fylgdi henni. Þorbjörg giftist 15. júlí 1916 Jóni Sölvasyni, er andaðist 17. Ágúst 1969. Þau hjón bjuggu lengst af í Réttarholti, er hefur verið nyrzta býlið undir Spákonufellshöfða. Er þar oft harðviðrasamt og snjóþungt. En þó var iðjagrænt tún þar og blómagarður fallegur við bæinn. Þau hjón voru dugandi fólk og hagsýn og hlutirnir fóru eigi í súginn hjá þeim. Þorbjörg var söngelsk og bókhneigð og unni kveðskap. Hún mátti oft leggja mikið á sig, er maður hennar varð að dvelja að heiman. Þau hjón fluttust á Ellideild Héraðshælisins á Blönduósi 1958. Var til þeirra gott að koma og sá ánægjublær yfir herbergi þeirra, þrunginn lífsgleði, sem alls staðar er eigi að finna.

Börn þeirra hjóna eru:

1. Björgvin Theodór Jónsson 22. febrúar 1921 - 4. maí 1992 Framkvæmdastjóri og síðar skrifstofumaður á Skagaströnd og síðar á Akureyri. Var á Finnstöðum, Hofssókn, A-Hún. 1930. Var á Höfðabrekku 1, Höfðakaupstað , A-Hún. 1957. Síðast bús. á Akureyri., kvæntur Þorgerði Guðmundsdóttur,

2. Þórbjörn Austfjörð Jónsson 19. nóvember 1917 - 22. janúar 1996 Sjómaður, smiður og verkamaður, fyrst á Skagaströnd, síðar í Reykjavík. Var á Finnstöðum, Hofssókn, A-Hún. 1930. Var á Flankastöðum, Höfðahr., A-Hún. 1957. Síðast bús. í Reykjavík kona hans; Guðrún Anna Guðmunda Árnadóttir 18. júlí 1921 - 26. janúar 2017 Var í Kringlu, Blönduósssókn, A-Hún. 1930. Var á Flankastöðum, Höfðahr., A-Hún. 1957. Fiskverkakona, handavinnukennari og saumakona á Skagaströnd, síðar skólastarfsmaður í Reykjavík.

3. Benedikt Jens Jónsson 22. janúar 1927 - 7. desember 1975 Var á Finnstöðum, Hofssókn, A-Hún. 1930. Skipstjóri í Reykjavík. Kona hans; Hlín Hulda Kristensen 1. september 1922 - 28. apríl 1984 Var í Reykjavík 1945. Síðast bús. í Reykjavík.

Björgvin Theodór Jónsson (1921-1992) frá Finnstöðum, Hofssókn (22.2.1921 - 4.5.1992)

Þórbjörn Austfjörð Jónsson (1917-1996) Flankastöðum Skagaströnd (19.11.1917 - 22.1.1996)

Jón Sölvason (1889-1969) Réttarholti (10.12.1889-17.08.1969)

HAH09011

Héraðsskjalasafn Austur-Húnavatnssýslu (1966)

HAH

Final

Full

MÞ 04.04.2024

• Icelandic

Húnavaka árg. 1971;
Húnavaka árg. 1970;
Íslendingabók