Einstaklingur

Þorgerður Þórarinsdóttir (1918-1992) frá Gottorp

• Steinvör Þorgerður Þórarinsdóttir (1918-1992) frá Gottorp

30.11.1918 - 30.8.1992

Minning Þorgerður Þórarinsdóttir frá Gottorp Fædd 30. nóvember 1918 Dáin 30. ágúst 1992 í Landspítalanum. Þorgerður náði ekki tiltakanlega háum aldri en varð að lúta í lægra haldi fyrir lungnameini af flokki sjúkdóma, sem við ráðum ekki nægilega vel við enn sem komið er. Þorgerður fæddist á Blönduósi var í Sandgerði 1920.
Í tilveru Þorgerðar mátti greina tvö höfuðskaut. Annað þeirra var heimilið og þau traustu gildi sem héldu því uppi en hitt var hin sterka pólitíska sannfæring hennar sótt í smiðju marxista. Hafi trúin á óskeikulleik rauða kversins einhvern tímann séð framan í svo sem eina veikburða efasemd verður slíkt aldrei sagt um óbilandi staðfestu hennar gagnvart skyldum húsmóður og eiginkonu. Líkt og aðrar vitrar konur gerði Þorgerður sér grein fyrir því að viðspyrnan á heimili og umráðin yfir búlyklunum veita handhafanum óvinnandi vígstöðu. Á þessum palli vann Þorgerður mörg sín fegurstu verk og hafi hugtakið gestrisni búið við óvissu um skeið hlaut það í höndum Þorgerðar fulla uppreisn. Vinir og niðjar hafa löngum gert sér tíðförult á heimili Þorgerðar og Steinþórs. Húsmóðirin og ættmóðirin var þá ekki sein á sér að bera fram veitingar enda sá Steinþór um að ekkert skorti. Samtímis gerði Þorgerður gestinn að vitsmunaveru með áleitinni umræðu um hin ólíkustu efni. Gat mönnum þá ekki dulist að Þorgerður var um margt óvenju vel lesin á íslenskt efni, bæði í bundnu og óbundnu máli, enda var daglegt málfar hennar nær óaðfinnanlegt.
Á æviferil sem um margt einkennist af velgengni þeirra Steinþórs lagðist dimmt sorgarský er þau misstu eina son sinn, Ásgeir Þór, en hann lést úr bráðri heilahimnubólgu aðeins fimm ára gamall árið 1946. Mér býður í grun að þetta áfall hafi breytt persónuleika Þorgerðar dýpra og varanlegar en venjulega gerist við svona missi; ekki er laust við að nokkurrar kergju hafi stundum gætt í fari hennar og ekki laust við biturleik.
Í Reykjavík eignast þau fjölda vina og taka upp spilamennsku í frístundum. Þau urðu með tímanum slyngir bridsspilarar og Þorgerður Íslandsmeistari oftar en einu sinni og seinast er hún stóð á sjötugu árið 1988.

Sandgerði Blönduósi 1920: Skúfi í Norðurárdal. Gottorp: Reykjavík.

Foreldrar hennar voru Þórarinn Þorleifsson 3. febrúar 1899 - 24. apríl 1973 Bóndi á Vatnsdalshólum, Þingeyrasókn, A-Hún. 1930. Var á Neðstabæ, Vindhælishr., A-Hún. 1957. Lengst af bóndi á Skúfi, Vindhælishr. Síðast bús. í Blönduóshreppi og kona hans 8.10.1920, Sigurbjörg Elín Jóhannsdóttir f. 3. október 1896 - 17. janúar 1971 Var á Klömbrum, Breiðabólsstaðarsókn, V-Hún. 1910. Var á Neðstabæ, Vindhælishr., A-Hún. 1957. Síðast bús. í Blönduóshreppi.
Systkin hennar voru
1) Ingibjörg Steinvör Þórarinsdóttir f. 15. nóvember 1916 - 9. desember 2012. Var á Vatnsdalshólum, Þingeyrasókn, A-Hún. 1930. Bús. í Bandaríkjunum. M1: Pétur Þorgrímur Einarsson 18. janúar 1906 - 14. september 1941 Bóndi í Fremstagili, Holtastaðasókn, A-Hún. 1930. Bóndi á Fremstagili í Langadal, A-Hún., og túlkur á Blönduósi. M2: Daniel Bozen, f. 25.9.1918 í Bandaríkjunum skv. Thorarens.
2) Baldur Þórarinsson f. 3. október 1921 - 14. september 1988. Var á Vatnsdalshólum, Þingeyrasókn, A-Hún. 1930. Var á Neðstabæ, Vindhælishr., A-Hún. 1957. Verkamaður á Blönduósi. Síðast bús. í Blönduóshreppi. Maki Guðrún Erlendsdóttir f. 26. október 1922 - 6. mars 2011, á Gauksstöðum, Hvammssókn, Skag. 1930. Var á Neðstabæ, Vindhælishr., A-Hún. 1957. Húsfreyja á Blönduósi og fékkst við ýmis störf.
3) Jóhanna Ásta Þórarinsdóttir f. 10. janúar 1934. Maki Sverrir Haraldsson f. 6. janúar 1928 - 24. október 2002. Var í Gautsdal, Bólstaðarhlíðarhr., A-Hún. 1957. Síðast bús. í Bólstaðarhlíðarhreppi. Fósturbörn skv. Thorarens.: Magnús Erlendur Baldursson, f. 5.4.1954 og Ingibjörg Sigurðardóttir, f. 4.4.1959.
4) Þorleifur Hjalti Þórarinsson f. 27. janúar 1940. Sjómaður Reykjavík, Neðsta Bæ, Vindhælishr., A-Hún. 1957. Maki Margrét Guðlaug Margeirsdóttir f. 24. september 1938 - 7. nóvember 2005 Síðast bús. í Reykjavík.
Upp úr 1930 ræðst sem kaupamaður í Gottorp bróðursonur Ásgeirs, Steinþór Deildal Ásgeirsson 19. júlí 1912 - 8. febrúar 1993. Ólst upp hjá föðurbróður sínum Ásgeiri Jónssyni f. 1876 bónda í Gottorp, V-Hún. Lögregluþjónn í Reykjavík 1945. Framkvæmdastjóri í Reykjavík. Síðast bús. í Þverárhreppi.
Nýútskrifaður frá Hólum og Haukadal. Þeir frændur voru báðir niðjar Ásgeirs Einarssonar á Þingeyrum. Samdráttur verður milli Þorgerðar og Steinþórs og ganga þau í heilagt hjónaband árið 1938. Hefst nú nýr kafli í ævi Þorgerðar, ákaflega ólíkur hinum fyrsta. Hún sogast nú inn í ókyrrt og öfgafullt líf hinnar vaknandi höfuðborgar Íslands.
Börn þeirra:
1) Kolbrún, f. 29. maí 1933, áður gift Hjalta Karlssyni verktaka frá Reyðarfirði og áttu þau fimm börn, fjóra syni og eina dóttur.
2) Auður, f. 24. ágúst 1938, giftist 1956 Kristjáni Þ. Þórissyni frá Reykholti, f. 28. janúar 1932, og áttu þau þrjár dætur en skildu. Auður giftist 1959 Emil Als lækni, f. 6. janúar 1928, og eiga þau saman tvo syni.
3) Ásdís Inga Steinþórsdóttir 17. mars 1940 - 14. ágúst 2006 Ráðgjafi og framkvæmdarkona, síðast bús. í Bandaríkjunum. Maki I 1958, skildu Jónas Friðriksson f. 16. ágúst 1932. Barn: Jónas, f. 25.9.1969. Maki II 6.8.1965, skildu: Karl Fortgang, f. 3.10.1930 í Bandaríkjunum, d. 12.5.1989. Maki III 5.3.1976, skildu: Joseph Albert Sodano, f. 22.4.1937 skv. Thorarens. Ásdís hefur verið búsett í Bandaríkjunum frá því um tvítugsaldur. Í 25 ár hefur hún rekið ráðgjafarþjónustu og stjórnað þeirri starfsemi frá skrifstofu í New Jersey en þar átti hún einnig einkar glæsilegt heimili og ól þar önn fyrir dóttur sinni. Síðustu tvö ár ævi sinnar bjó Ásdís í New Smyrna Beach í Flórída og undi þar vel hag sínum.
4) Ásgeir Þór Steinþórsson f. 23. nóvember 1941 - 28. mars 1946 Var í Reykjavík 1945.
0) Þorgerður Kristjánsdóttir f. 27. janúar 1956, dóttir Auðar var alin upp hjá afa sínum og ömmu.

Sverrir Haraldsson (1928-2002) Æsustöðum (6.1.1928 - 24.10.2002)

Sandgerði Blönduósi (1907 -)

Ásgeir Jónsson (1876-1963) Gottorp (30.11.1876 - 23.5.1963)

Ingibjörg Björnsdóttir (1886-1970) Gottorp (31.3.1886 - 29.11.1970)

Baldur Þórarinsson (1921-1988) Sæbóli Blönduósi (3.10.1921 - 14.9.1988)

Stefanía Jónsdóttir (1913-2001) Gottorp (22.6.1913 - 26.4.2001)

Einar Heimir Pétursson (1936-2017) Blönduósi (31.12.1936 - 11.3.2017)

HAH02050

IS HAH

Loka

Fullt

GPJ 31.7.2017

• íslenska

®GPJ ættfræði 12.11.2022
Íslendingabók
mbl 6.9.1992. https://www.mbl.is/greinasafn/grein/92479/?item_num=1&searchid=32b229dcefcd9b8ce3d6c979135660c843f953af