Einstaklingur

Stefán Hafsteinn Ingólfsson (1946-2004)

9.9.1946 - 21.10.2004

Stefán Hafsteinn Ingólfsson fæddist í Reykjavík 9. september 1946. Hann lést í Reykjavík 21. október síðastliðinn. Útför Stefáns fer fram frá Árbæjarkirkju í dag og hefst athöfnin klukkan 13.

Reykjavík: Steinnýjarstaðir: Skagaströnd: Reykjavík 1961:

Stefán lauk stúdentsprófi frá Menntaskólanum í Reykjavík 1966, fyrrihlutaprófi í verkfræði frá HÍ 1969 og lokaprófi í verkfræði frá DTH í Danmörku 1972.

Stefán starfaði alla tíð sem sérfræðingur á sviði fasteigna- og upplýsingatæknimála. Hann vann á Fasteignamati ríkisins til 1987 þegar hann hóf sjálfstæðan rekstur. Hann gegndi ýmsum trúnaðarstörfum í stjórnum og nefndum á sínu sérsviði. Stefán var stundakennari við Háskóla Íslands frá 1973 til 1982 og við Tækniháskóla Íslands frá 1982. Stefán var formaður Körfuknattleikssambands Íslands árin 1978-1981 og sat síðar í stjórnum Körfuknattleiksráðs Reykjavíkur og knattspyrnudeildar Fylkis og var formaður unglingaráðs körfuknattleiksdeildar ÍR.

Hann var höfundur fjölda kennslu- og handbóka, greina og staðla.

Móðir hans er Una Guðrún Jónsdóttir, f. á Steinnýjarstöðum í Skagahreppi í A-Húnavatnssýslu 1926. Faðir hans var Ingólfur Hafsteinn Filippusson vélstjóri, f. í Reykjavík 1924, d. 1962. Systir Stefáns sammæðra er Rúna Soffía Geirsdóttir, f. 1961.
Stefán ólst upp hjá móðurforeldrum sínum Sigurlaugu Pálsdóttur og Jóni Árnasyni og móðursystur Ingiríði Jónsdóttur á Steinnýjarstöðum og síðar Skagaströnd til 15 ára aldurs en eftir það hjá móður sinni og fósturföður, Geir Hansen, f. 1924, d. 1998, í Reykjavík.
Stefán hóf sambúð 1976 með Kristínu Ísleifsdóttur, f. 5. maí 1953. Foreldrar hennar voru hjónin Halldóra Pálína Halldórsdóttir, f. í Hnífsdal 1929, d. 1987, og Ísleifur Magnússon, f. í Bolungarvík 1927, d. 1996. Börn Stefáns og Kristínar eru: Sólveig, B.A. í ensku, þjónustufulltrúi Símans, f. 31. desember 1976, gift Þórði Halldórssyni kerfisfræðingi, f. 1. mars 1966, sonur þeirra er Jökull Halldór, f. 13. desember 2002, Stefán Orri, meistaranámsnemi í rafmagns- og tölvuverkfræði við HÍ, f. 7. ágúst 1980 og Steinar Örn, líffræðinemi við HÍ, f. 22. júlí 1981.

IS HAH

Loka

Fullt

GPJ 28.7.2017

• íslenska

http://www.mbl.is/greinasafn/minningaleit/