Corporate body

Stapar á Vatnsnesi

(1950)

Lögfest ættaróðal, setið af sömu ætt frá árinu 1738. Gamla túnið liggur með sjó girt klettabelti. Er þar sérstætt og fallegt bæjarstæði. Landið er víðlent en klettótt, melar og skriður, þó er graslendi mikið og haglendi gott. Fyrir landi eru sker og hólmar, en lygn sund við landið. Þar rísa Staparnir, þrjár sérkennilegar klettabríkur. Á sjávargrundum hafa haustréttir staðið, sjást þess nokkur merki. Íbúðarhús byggt 1963, 585 m3. Fjós fyrir 6 gripi. Fjárhús yfir 250 fjár. Hlöður 482 m3. Votheysgeymsla 44 m3. Tún 17,4 ha. Reki og æðarvarp.

Kirkjuhvammshreppur; Vatnsnes; Illugastapir; Kothvammur; Múli; Skeiðmelur; Langalág; Efri-Snoppa; Markahöfði; Stapavatn; Langihjalli; Flóabyrgi; Marklækjarós; Einbúi; Markdæld; Auðaskriða; Brunahólar; Bruni; Þorgrímsstaðir; Bergsstaðir:

Ábúendur;

1906-1945- Sigfús Tryggvi Árnason 5. ágúst 1879 - 15. júlí 1966. Bóndi á Stöpum, Kirkjuhvammssókn, V-Hún. 1930. Ráðsmaður í Stöpum, Kirkjuhvammssókn, Hún. 1901. Síðast bús. í Kirkjuhvammshreppi. Kona hans; Elín Þorláksdóttir 30. apríl 1880 - 9. ágúst 1962. Var á Flatnefsstöðum, Tjarnarsókn, Hún. 1890. Vinnukona á Flatnefsstöðum, Kirkjuhvammssókn, Hún. 1901. Húsfreyja á Stöpum, Kirkjuhvammssókn, V-Hún. 1930.

1945-1972- Eðvald Halldórsson 15. jan. 1903 - 24. sept. 1994. Bóndi á Stöpum á Vatnsnesi. Útgerðarmaður á Hvammstanga 1930. Síðast bús. í Hvammstangahreppi. Kona hans; Sesilía Guðmundsdóttir 31. des. 1905 - 21. jan. 1994. Húsfreyja á Stöpum í Vatnsnesi. Var húsfreyja á Hvammstanga 1930. Síðast bús. í Hvammstangahreppi.

Guðmundur Eðvaldsson 14. feb. 1927 - 29. jan. 2011. Var á Hvammstanga 1930.

Landskiptagerð fyrir jörðinni Stöpum í Kirkjuhvammshreppi.

Núverandi eigendur og ábúendur nefndrar jarðar eru Sigfús Árnason að 2/3-tveimur þriðja hlutum og Theodór Jónsson að 1/3-einum þriðja hluta. Hafði Sigfús krafist skipta á jörðinni í aprílmánuði síðastliðnum, samkvæmt landskiptalögum frá 10.nóv. 1913. Að skiptunum unnu Guðmundur Arason bóndi á Illugastöðum, sem skipaður oddamaður af sýslumanni Húnavatnssýslu, með bréfi dags. 23. apríl 1919, og úttektarmann Kirkjuhvammshr., hreppstjóri Tryggvi Bjarnason í Kothvammi og Jónas Jónasson bóndi í Múla. Skiptin voru byrjuð mánudaginn 16. júní 1919. Hafði hlutaðeigendum verið tilkynnt nær skipti byrjuðu og voru báðir viðstaddir. Eigandi að meirihluta jarðarinnar, Sigfús Árnason hefur í höndum þinglesna landamerkjaskrá fyrir allri jörðinni. Eru landamerki glögg og ágreiningslaus. Skiptamenn skipta jörðinni í tvær jarðir, með merkjum þeim sem hér verða greind: Merkin eru: bein lína úr steini á sjávarbakkanum 92.5 metra fyrir sunnan á þá er fellur í gegnum túnið, sem höggvið skal á L.M. Þvert yfir túnið til austurs í staur í girðingu merktan stöfunum L.M. Skal þar settur steinstólpi, minnst 25 sm. Á kant og 1 meter upp fyrir yfirborð jarðar með áhöggnum stöfunum L.M. Úr þeim stólpa bein lína í stein í hallanum ofan vert við Skeiðmel, skammt fyrir norðan Löngulág, sem höggva skal á stafina L.M. Hafa skiptamenn hlaðið þar vörðu og skal henni haldið við. Þaðan beina línu í vörðu á Efri-Snoppu (er skiptamenn hafa hlaðið) til háfjalls. Skal á Efri-Snoppu og á fjallsbrúninni hlaða glöggar merkjavörður og merkja undirstöðustein í hverri þeirra með höggnum stöfunum L.M. merki þessi skulu landeigendur gera og halda þeim við. Allt land fyrir sunnan nefndar merkjalínur hefur Theodór Jónsson til eignar og afnota, en Sigfús Árnason að norðan hvorutveggja með þeim takmörkunum, sem síðar verða tekin fram í skiptagerð þessari. Þar sem mótak hefur enn ekki fundist í landi nefndrar jarðar, nema í þeim hluta, sem við skiptin fellur í eign Sigfúsar Árnasonar, hefir Theodór Jónsson fulla heimild til framvegis, án endurgjalds að taka mó í landi Sigfúsar, svo mikinn sem hann þarf til heimilisnota. Skal vinna haganlega og þriflega að mótekjunni. Heimill er Theodór og þurkvöllur undir móinn, svo nærri sem kostur er á. Finnist mótekja í landi Theodórs, hefur Sigfús sama rétt. Fylgir réttur þessi til mótaks jörðunum framvegis. Æðarvarp, varpland sem nú er, selveiði, reki, lending, námar, ef þeir kynnu að finnast, og vatn í á þeirri er rennur í gegnum túnið, er óskipt eins og verið hefur. Skal Theodór Jónsson haga svo umferð að lendingu, varpi, vatni9 og mó, að sem minnstum átroðningi valdi á landi Sigfúsar. Af skiptagerð þessari er landeigendum afhent sitt eintakið hvorum.

Stöpum 19. júní 1919
Guðm. Árnason
Fr. Bjarnason, Jónas Jónsson

Lesið á manntalsþingi að Hvammstanga 2/8 1945. Þm.gr. 1326

---

Landamerkjaskrá fyrir jörðinni Stöpum í Kirkjuhvammshreppi.

Að sunnan ræður merkjum svo nefndur Markahöfði, er stendur við sjó skammt fyrir norðan ós á læk, er fellur úr Stapavatni, og frá nefndum Markhöfða bein lína í grjótvörðu á Langahjalla vestur undan Flóabyrgi, síðan er sama stefnulína austur á há fjall, er vötn að draga, Að norðan frá klöpp, er stendur í Marklækjarós, þaðan í klett, er nefndur er Einbúi, frá honum í Markdæld. Sem stendur á neðstu brún fjallsins, þaðan í grjótvörðu, sem stendur í Auðuskriðu, svo í stóran stein, er stendur í svo kölluðum Brunahólum, merktum með stöfunum L.M., frá þeim steini ræður há Bruni samhliða Þorgrímsstaðalandi í sömu línu og áður er um getið á há fjallinu.

Stöpum, 24. maí 1890.
Eigendur: Árni Jónsson. Jón Pétursson.
B.G.Blöndal umboðsmaður yfir þjóðjörðunum Bergstöðum og Illugastöðum.

Lesið upp á manntalsþingi að Kirkjuhvammi, hinn 3. júní 1891, og innfært í
landamerkjabók Húnavatnssýslu, No. 271, fol.141b.

Vottar:
Jóh. Jóhannsson
settur.

Pétur Theódór Jónsson (1892-1941) Tungukoti á Vatnsnesi (6.3.1892 - 21.9.1941)

Marsibil Magdalena Árnadóttir (1870-1942) Stöpum (7.8.1870 - 23.6.1942)

Jón Skúlason (1864-1937) Fögruhlíð, frá Stöpum á Vatnsnesi (15.11.1864 - 5.8.1937)

Ólöf Jónsdóttir (1832-1903) Auðunnarstöðum Víðidal (8.8.1832 - 8.3.1903)

Ingibjörg Jónsdóttir (1914-2009) frá Tungukoti (31.3.1914 - 5.4.2009)

Jón Leví Guðmundsson (1889-1941) Gnýstöðum (27.1.1889 - 17.3.1941)

Þorlákur Guðmundsson (1854-1944) Gottorp og Flatnefsstöðum (8.10.1854 - 13.5.1944)

Indriði Einarsson (1851-1939) rithöfundur Rvk (30.4.1851 - 31.3.1939)

Ólafur Ólafsson (1851) Grafarkoti (21.8.1851 -)

Vatnsnes ((1950))

Gunnlaugur Skúlason (1863-1946) Geitafelli (29.8.1863 - 15.7.1946)

Júlíus Jónsson (1888-1973) frá Stöpum á Vatnsnesi (3.10.1888 - 21.3.1973)

Víðidalstunga í Víðidal ((1300))

Illugastaðir á Vatnsnesi (1927) (1927 -)

Sigurður Jónsson (1893-1959) skólastjóri Seltjarnarnesi, frá Stöpum á Vatnsnesi (2.5.1893 - 18.2.1959)

Jóhannes Árnason (1882) Egilsstöðum í Vesturhópi (28.8.1882 -)

Sigríður Jónsdóttir (1894-1986) Tjörn á Vatnsnesi (20.9.1894 - 21.1.1986)

Jón Kristófersson (1876-1948) Garðsvík Kirkjuhvammssókn (27.2.1876 - 1948)

Jón Pétursson (1861-1939) Stöpum á Vatnsnesi (3.4.1861 - 4.5.1939)

Elín Þorláksdóttir (1880-1962) (30.4.1880 - 9.8.1962)

Margrét Magnúsdóttir (1848-1921) frá Valdalæk (14.9.1848 - 20.3.1921)

HAH00474

IS HAH-Bæ

Final

Full

GPJ 10.4.2019

• Icelandic

Húnaþing II bls 491.
Landamerkjabók Húnavatnssýslu, No. 271, fol.141b.
Lesið á manntalsþingi að Hvammstanga 2/8 1945. Þm.gr. 1326