Einstaklingur

Þórður Jóhannesson (1929-2008) Gerðum Garði

• Þórður Kristinn Jóhannesson (1929-2008) Gerðum Garði

4.11.1929 - 21.12.2008

Þórður Kristinn Jóhannesson, skipstjóri og útgerðarmaður, oftast kallaður Dóri á Gauk, síðast til heimilis að Álfaskeiði 64, Hafnarfirði, fæddist á Gauksstöðum í Garði 4. nóvember 1929.
Þórður ólst upp á stóru útgerðarheimili á Gauksstöðum í Garði og var sjómennskan honum í blóð borin.
Hann lést á hjartadeild Landspítalans við Hringbraut 21. desember 2008. Útför Þórðar fór fram frá Garðakirkju 30. desember, í kyrrþey að ósk hins látna.

Á þeim tíma var skólagangan með öðru sniði en í dag og fékk hann sína grunnskólakennslu í Garðinum og við Reykjaskóla í Hrútafirði. Hann útskrifaðist síðan frá Stýrimannaskólanum í Reykjavík 1951 með fiskimannapróf sem veitti honum skipstjórnarréttindi.

Allan sinn starfsferil vann Þórður við sjóinn, bæði sem skipstjóri og útgerðarmaður. Hann var á ýmsum bátum þar til árið 1957, er hann ásamt Jóhannesi bróður sínum keypti 22 tonna bát sem bar nafnið Ólafur. Hann keypti hlut Jóhannesar og rak eftir það sína bátaútgerð. Lengst af átti hann bátinn Ólaf KE-49, síðan bættist við Ólafur II KE-149 og loks Ragnhildur HF-49. Til viðbótar við bátaútgerðina byggði hann fiskhús í Njarðvík og rak þar Fiskverkun Þórðar Jóhannessonar í mörg ár. Þar verkaði hann saltfisk og skreið, saltaði síld og frysti fisk. Þegar best lét rak hann fiskhúsið, tvo báta og var með fjölda starfsfólks í vinnu, þar á meðal hóp Færeyinga. Auk þessa var hann brautryðjandi í rækjuvinnslu á Suðurnesjum. Fyrstu áratugina er Þórður var til sjós var aðeins notast við klukku, kompás og landmið. Menn skráðu hjá sér og lögðu á minnið hvar þeir lögðu línur og net, ásamt því hvar bestu miðin voru. Hann hafði sína hjátrú varðandi sjósókn og veiði, fór eftir draumum sínum og hugboðum, hvort sem það boðaði gott eða vont. Þórður sagðist aldrei hafa tapað línu eða bauju. Alltaf fann hann sín veiðarfæri þó það tæki hann tíma að leita að þeim. Eitt sinn gafst hann upp á að leita að bauju, fór niður í lúkar og fékk sér kaffi. Þegar hann kom upp aftur þá var baujan við hliðina á bátnum. Þórður endaði sinn sjómannsferil sem hæstánægður trillukall í Hafnarfirði, með nýtísku skipstjórnar- og veiðibúnað, baujurnar komnar með endurskinsmerki og GPS-búnað þannig að hann gat séð nákvæmlega hvar og hvernig þær lágu. Þórður var farsæll skipstjóri og aflamaður. Ásamt öllum þeim sjómönnum sem voru með honum á vertíð voru margir úr fjölskyldu hans og Ragnhildar, þ.á.m. börn þeirra, sonarsonur og tengdasonur.

Foreldrar; Jóhannes Jónsson 4. apríl 1888 - 26. júlí 1975. Bóndi og sjómaður á Gauksstöðum, Útskálasókn, Gull. 1930. Útvegsbóndi á Gauksstöðum, Gerðahreppi, Gull. og kona hans; Helga Þorsteinsdóttir 23. júlí 1892 - 14. okt. 1968. Húsfreyja á Gauksstöðum, Gerðahreppi, Gull. Var í Reykjavík 1910.

Systkini;
1) Þorsteinn Jóhannesson 19. feb. 1914 - 24. júní 1995. Var á Gauksstöðum, Útskálasókn, Gull. 1930. Var á Gauksstöðum, Gerðahreppi, Gull. 1920. Útgerðarmaður og fiskverkandi á Reynisstað, Gerðahreppi.
2) Kristín Jóhannesdóttir 21. nóv. 1915 - 22. júní 1982. Var á Gauksstöðum, Útskálasókn, Gull. 1930. Var á Gauksstöðum, Gerðahreppi, Gull. 1920.
3) 30. des. 1916 - 10. des. 1995. Gauksstöðum
4) Gísli Steingrímur Jóhannesson 1918 - 9. jan. 1919.
5) Sveinbjörg Jóhannesdóttir 26. des. 1919 - 6. júní 2006. Var á Gauksstöðum, Gerðahreppi., Gull. 1920. Var í Halldórshúsi, Blönduóshr., A-Hún. 1957. Síðast bús. á Blönduósi.
6) Ástríður Jóhannesdóttir 23. maí 1921 - 13. mars 1988. Var á Gauksstöðum, Útskálasókn, Gull. 1930. Húsfreyja á Torfalæk í Torfalækjarhreppi, A-Hún. Var þar 1957.
7) Gísli Steinar Jóhannesson 26. sept. 1924 - 11. mars 2018. Stýrimaður, skipstjóri, útgerðarmaður og fiskverkandi, bús. í Reykjavík. Var á Gauksstöðum, Útskálasókn, Gull. 1930.
8) Jóhannes Gunnar Jóhannesson 7. ágúst 1926 - 17. okt. 2001. Sjómaður og skipstjóri, rak nokkur fiskvinnslufyrirtæki. Síðast bús. í Keflavík.
9) Kristín Ásthildur Jóhannesdóttir 10. apríl 1928 - 3. apríl 2013. Var á Gauksstöðum, Útskálasókn, Gull. 1930. Var í Bræðraborg, Blönduóshreppi, A-Hún. 1957. Húsfreyja á Blönduósi.
10) Una Jódís Sigurlaug Jóhannesdóttir 28. júlí 1931 - 3. jan. 1933.
11) Sigurlaug Erla Jóhannesdóttir 4. mars 1933 - 28. maí 2014. Hjúkrunarfræðingur í Reykjavík.
12) Matthildur Jóhannesdóttir 22. apríl 1935 - 5. nóv. 1959. Talsímakona í Garði.
13) Einar Jóhannesson 28. maí 1937 - 8. nóv. 1995. Vélstjóri.

Kona hans 2.6.1951; Ragnhildur Einarsdóttir 29. maí 1931 - 4. júní 1986. Nemi í Reykjavík 1945. Síðast bús. í Bessastaðahreppi.

Börn þeirra;
1) Þórður, f. 1. ágúst 1951, d. 29. maí 2008. Kvæntist Hildi Guðmundsdóttur, þau skildu. Börn þeirra eru: a) Guðmundur Þorkell. Börn hans eru Alexandra Ósk og Heimir Berg. b) Elenora Ósk, gift David Trevor Park. Sonur þeirra er Kári Trevor. Fyrir á Elenora soninn Embrek Snæ.
2) Einar, f. 22. ágúst 1954, kvæntur Bergljótu Jóhannsdóttur. Börn þeirra eru Sigrún Björk, Ragnhildur og Tómas Gauti.
3) Matthildur, f. 6. maí 1960, gift Lárusi Einarssyni. Dóttir þeirra er Ingveldur, sambýlismaður Emmanuel Kwame Boateng. Börn þeirra eru Adrian Nana og Lára Serwaa. Lárus á einnig: a) Ástu, sambýlismaður Andrew McCormack. Börn þeirra eru Anna Katrín og Stefan Trent. b) Unnar Þór, sambýliskona Lea Margrét Arnardóttir. Dóttir þeirra er Elísabet Helga.
4) Jóhannes, f. 6. mars 1964, kvæntur Margréti Sigmarsdóttur. Börn þeirra eru Hera, Hugi, og Embla.

Pétur Þorláksson (1924-2015) í Vísi (25.4.1924 - 22.10.2015)

Ástríður Jóhannesdóttir (1921-1988) Torfalæk (23.5.1921 - 13.3.1988)

Kristín Jóhannesdóttir (1928-2013) Bræðraborg Blönduósi (10.4.1928 - 3.4.2013)

HAH07370

IS-HAH

Að venju eru upplýsingar frá Íslendingabók notaðar, ef þær stangast á við aðrar upplýsingar er þeim bætt við innan hornklofa [ ], ekki er tekin afstaða til mismunandi upplýsinga.

Loka

Fullt

GPJ skráning 30.9.2023

• íslenska

®GPJ ættfræði 30.9.2023
Íslendingabók
Mbl 4.1.2009. https://www.mbl.is/greinasafn/grein/1262569/?item_num=6&searchid=fb923ea4e02114e7553a30393aeb1cd51e5273d4