Ástríður Jóhannesdóttir (1921-1988) Torfalæk

• Ástríður Jóhannesdóttir Torfalæk

Ástríður Jóhannesdóttir á Torfalæk fædd 23. maí 1921 Dáin 13. mars 1988. Hún var fríð kona og gjörvilega að yfirbragði, frjálsmannleg í framgöngu og viðmót hennar einkenndist af hlýju og hreinskiptni.
Ásta hafði átt við langvarandi vanheilsu að stríða, áður en nýr sjúkdómur bættist við sem skyndilega varð ekki við ráðið. Þrátt fyrirþað tókst henni að sinna svo um heimili sitt fram undir hið síðasta, að þar sást enginn misbrestur á. Unga stúlkan af Suðurnesjum, sem fluttist norður í Húnavatnssýslu og festi þar rætur, skilaði sínu dagsverki.

Torfalækur Torfalækjarhreppur A-Hún.

Ásta starfaði töluvert í samtökum kvenfélaganna í sýslunni, t.d. í mörg ár í orlofsnefnd húsmæðra. Hún var víða aufúsugestur.

Hún var dóttir Jóhannesar Jónssonar f. 4.4.1888 - 26.7.1975, útvegsbónda á Gauksstöðum í Garði og konu hans 21.12.11912 Helgu Þorsteinsdóttur f. 22.7.1892 - 14.10.1968..
Maður hennar var Torfi Jónsson f. 28.7.1915 - 17.7.2009.
Þau hjónin eignuðust tvo sonu, sem báðir eru atgervismenn, einsog þeir eiga kyn til.
1) Jóhannes búfræðikandidat, bóndi á Torfalæk II, kvæntur Elínu Sigurlaugu Sigurðardóttur forstöðukonu Heimilisiðnaðarsafnsins á Blönduósi, f. 19.5.1944 frá Ísafirði og eiga þau fimm börn. Jóhannes er formaður Búnaðarsambands A-Hún. og formaður stjórnar Framleiðnisjóðs landbúnaðarins.
2) Jón íslenskufræðingur, búsettur í Reykjavík, kvæntur Sigríði Kristinsdóttur 13.7.1943 sjúkraliða og eiga þau einn son. Jón er starfsmaður Landsbókasafnsins og útgáfufélagsins Svart á hvítu.

GPJ 13.5.2017

• Icelandic

®GPJ ættfræði https://www.mbl.is/greinasafn/grein/12426/?item_num=3&searchid=5d702bf155b6c84c7e9407fb0989504585a358f3