Einstaklingur

Pétur Þorláksson (1924-2015) í Vísi

Pétur í Vísi.

25.4.1924 - 22.10.2015

Pétur Þorláksson (Pétur í Vísi) fæddist í litla húsinu í Sandinum á Blönduósi 25. apríl 1924. Hann andaðist á dvalar- og hjúkrunarheimilinu Grund 22. október 2015. Pétur bjó alla tíð á Blönduósi ef frá eru talin tæp tvö ár sem hann bjó á hjúkrunar- og dvalarheimilinu Grund. Útför Péturs fer fram frá Blönduóskirkju í dag, laugardaginn 31. október 2015, klukkan 14.

Sandgerði á Blönduósi: Blönduós:

Hann vann við bifvélaviðgerðir og á tímabili var hann með sauðfjárbúskap.
Hann stofnaði með bræðrum sínum og föður Vísi sf. sem var eins konar fjölskyldufyrirtæki með vélsmiðju, bifreiðaverkstæði og verslun. Pétur hafði gaman af kveðskap og orti ýmiss konarvísur og stökur.

Ort til dóttur:
Þú er yndi allra meyja
elsku hjartans Gréta mín.
Sextán ára sástu eyja
sólina en gættu þín.

ort af barnabarni til áttræðs afa:

Þó það hafi margir reynt
þér með orðum að lýsa
þá kemur vonandi ekki of seint
þessi litla vísa.

Áttatíu ár eru mínum átján langt frá
en mikil er sú gleði
að þekkja þig og að þér dást
upp að þessum degi.

Margt höfum við saman reynt
selur, krabbi, kría
og allt það fáum við endurheimt
við endurfundi nýja.

Í gegnum alla tíð og tíma
við sjáum það sem enginn sér
leyndarmál okkar og lífið sýna
að þú ert ávallt í hjarta mér.
Þú gefur af þér góða gjöf
og dreymir drauma stóra
hún kær mér orðin er svo mjög
öll þín viskuflóra.

Allt þitt hefur þú kennt við mig
við geymum allt eins og tíminn
mér þykir svo ósköp vænt um þig
hjartans besti afi minn.
(Una Kristín Úlfarsdóttir.)

Foreldrar hans voru Þorlákur Jakobsson verslunarmaður á Blönduósi, f. 10.6. 1888, d. 25.7. 1975, og Þuríður Einarsdóttir húsfreyja á Blönduósi, f. 1.6. 1896, d. 24.1. 1979.
Bræður Péturs voru Þorvaldur Þorláksson, f. 21.9. 1919, d. 17.12. 1992, var kvæntur Jónínu Andrós Jónsdóttur, f. 21.9. 1925, d. 7.9. 1960, eftirlifandi eiginkona Þorvaldar er Jenný Marta Kjartansdóttir, f. 3.4. 1936, Sigurbjörn Gísli Þorláksson, f. 8.12. 1920, d. 14.2. 1923, Einar Ingvi Þorláksson, f. 26.3. 1922, d. 3.12. 1926, Einar Ingvi Þorláksson, f. 3.1. 1927, kvæntur Arndísi Þorvaldsdóttur, f. 27.1. 1928, Sigurbjörn Þorláksson, f. 15.3. 1932, d. 16.10. 1984, eftirlifandi eiginkona Sigurbjarnar er Margrét S. Jóhannesdóttir, f. 1.12. 1927.
Pétur kvæntist þann 18. nóvember 1948 Kristínu Ásthildi Jóhannesdóttur frá Gauksstöðum í Garði, f. 10.4. 1928, d. 3.4. 2013. Foreldrar hennar voru Jóhannes Jónsson útgerðarmaður í Garðinum og Helga Þorsteinsdóttir húsfreyja.
Börn Péturs og Dídíar, eins og Kristín var ávallt kölluð, eru
1) Þorsteinn, f. 13.5. 1949, kvæntur Svanfríði Blöndal og eiga þau eina dóttur, Láru, en fyrir átti Svanfríður börnin Sigríði, Egil og Ingibjörgu Örlygsbörn.
2) Jóhannes Gaukur, f. 26.4. 1950, kvæntur Stefaníu Karlsdóttur, f. 25.2. 1953, og eiga þau tvo syni, Jakob Pétur og Bjarna Magnús, og einn sonarson.
3) Þorlákur, f. 18.12. 1952, kvæntur Ingu Þórðardóttur og eiga þau tvö börn, Þuríði og Björn Birgi, og fjögur barnabörn.
4) Pétur Már, f. 25.9. 1956, í sambúð með Klöru Guðjónsdóttur, áður kvæntur Hafdísi Ævarsdóttir og á með henni tvo syni og tvö barnabörn.
5) Matthildur Margrét Pétursdóttir, f. 4.8. 1961, í sambúð með Daníel H. Marteinssyni, áður gift Úlfari Þór Marinóssyni og átti með honum Unu Kristínu.

Ásdís Óskarsdóttir (1931-2008) Keflavík (16.2.1931 - 19.1.2008)

Þórður Jóhannesson (1929-2008) Gerðum Garði (4.11.1929 - 21.12.2008)

Ævar Klemenzson (1930-2000) Bólstaðarhlíð og Dalvík (28.4.1930 - 13.2.2000)

Sandgerði Blönduósi (1907 -)

Þorlákur Pétursson (1952) Bræðraborg (18.12.1952 -)

Þorlákur Jakobsson (1888-1975) Sandgerði Blönduósi (10.6.1888 - 25.7.1975)

Einar Ingvi Þorláksson (1927-2020) Blönduósi (3.1.1927 - 7.10.2020)

Þorvaldur Þorláksson (1919-1992) í Vísi (21.9.1919 - 17.12.1992)

Sigurbjörn Þorláksson (1932-1984) vélvirki Blönduós (15.3.1932 - 16.10.1984)

Kristín Jóhannesdóttir (1928-2013) Bræðraborg Blönduósi (10.4.1928 - 3.4.2013)

Anna Einarsdóttir (1850-1910) Gunnfríðarstöðum (4.3.1850 - 13.5.1910)

Bjarni Magnús Jóhannesson (1979) (1.10.1979 -)

Einar Einarsson (1867-1923) Einarsnesi (6.6.1867 - 16.8.1923)

Bræðraborg - Árbraut - 1947 (desember 1946 -)

HAH01846

IS HAH

Loka

Fullt

GPJ 11.7.2017

• íslenska

®GPJ ættfræði 25.10.2022
Íslendingabók
mbl 31.10.2015. https://www.mbl.is/greinasafn/grein/1573225/?item_num=1&searchid=889364943df1f3b75fbb064e0bd806f0660ea06a