Pálína Ragnhildur Benediktsdóttir fæddist á Efra-Núpi í Miðfirði í Vestur-Húnavatnssýslu 21. júlí 1925. Hún lést á Sjúkrahúsinu á Akureyri 20. nóvember síðastliðinn. Pálína Ragnhildur ólst upp hjá foreldrum sínum á Efra-Núpi. Veturinn 1945-1946 var hún við nám í Húsmæðraskólanum á Blönduósi. Pálína Ragnhildur og Hjalti bjuggu í 7 ár á Melstað en árið 1954 keyptu þau Hrafnagil í Eyjafirði í félagi við Zóphonías bróður Hjalta og árið eftir keyptu þau hans hlut. Þau hættu búskap á Hrafnagili árið 1989 og í september árið 2000 flutti hún á Dvalarheimilið Hlíð.
Útför Pálínu Ragnhildar verður gerð frá Akureyrarkirkju í dag og hefst athöfnin klukkan 13.30.

Pálína Ragnhildur var elsta barn hjónanna Ingibjargar Guðmundsdóttur frá Svertingsstöðum og Benedikts Líndal bónda og hreppstjóra á Efra-Núpi.
Systkinin á Efra-Núpi voru átta talsins, en þau eru auk Pálínu Ragnhildar; Skúli sem er látinn, Guðrún, Hjördís, Brynhildur, Sigríður, Alda og Ketilríður.
Ásta giftist hinn 29. mars 1947, Jóhanni Hjalta Jósefssyni frá Bergstöðum, f. 28. maí 1916, d. 10. maí 2007. Hann var sonur hjónanna Þóru Guðrúnar Jóhannsdóttur og Jósefs Jóhannessonar.
Pálína Ragnhildur og Hjalti eignuðust 5 börn, en þau eru;
1) Bergur, f. 20. febrúar 1948, kvæntur Guðrúnu Júlíu Haraldsdóttur. Þau eru búsett í Reykjavík.
2) Þóra Guðrún f. 18. maí 1951, gift Sigurjóni Hilmari Jónssyni, búsett á Akureyri.
3) Ingibjörg f. 21. maí 1953, gift Þorsteini Péturssyni, búsett á Egilsstöðum.
4) Benedikt f. 11. ágúst 1962, kvæntur Margréti Baldvinu Aradóttur, búsett í Eyjafjarðarsveit
5) Ragnhildur, f. 28. oktober 1967, gift Alfreð Garðarssyni en þau eru búsett í Grímsey.
Afkomendurnir eru 24.