Person

Pálína Gísladóttir (1912-2009) Skálafelli, frá Smyrlabjörgum Skaft

• Pálína Guðrún Gísladóttir (1912-2009) Smyrlabjörgum Skaft

30.7.1912 - 10.4.2009

Pálína Guðrún Gísladóttir Skálafelli, Suðursveit, fæddist á Smyrlabjörgum í sömu sveit 30. júlí 1912.
Pálína ólst upp á Smyrlabjörgum og fékk þá skólagöngu sem í boði var til sveita á þeim tíma. Þegar hún hleypti heimdraganum stundaði hún m.a. vinnu á Höfn, síðan lá leiðin til Vestmannaeyja þar sem hún dvaldi í 5 ár hjá presthjónunum Sigurjóni Þ. Árnasyni og Þórunni Kolbeins.
Kvennaskólanum á Blönduósi 1936-1937 og Þingeyrum sumarið 1937.
Eftir þessa dvöl á Norðurlandi var aftur snúið til heimahaganna, og þau Jón hófu búskap á Uppsölum. Þau fluttu að Skálafelli 1942 og keyptu þá jörð skömmu síðar, byggðu allt upp og ræktuðu. Þar var hennar lífsstarf í rúm 60 ár.

Hún var heilsuhraust, en þegar heilsu fór að hraka fóru þau hjón á hjúkrunarheimilið á Höfn eða í janúar 2005 og nutu þar frábærrar umönnunar starfsfólks þeirrar stofnunar. Pálína var södd lífdaga eftir langa ævi og að morgni föstudagsins langa sofnaði hún vært svefninum langa.
Hún lést á Heilbrigðisstofnun Suðausturlands að morgni 10. apríl 2009. Útför Pálínu var gerð frá Kálfafellsstaðarkirkju 18. apríl 2009 og hófst athöfnin klukkan 14.

Kvsk á Blönduósi 1936-1937

Foreldrar hennar; Gísli Friðrik Jónsson 21.11.1879 - 5.5.1937. Var í Skálafelli, Kálfafellsstaðarsókn, A-Skaft. 1880. Var á Kálfafelli , Borgarhafnarhr., Skaft. 1910 og kona hans; Sigurrós Bjarnadóttir 7.10.1886 - 29.12.1968. Var á Kálfafelli , Kálfafellsstaðarsókn, Skaft. 1910. Húsfreyja á Smyrlabjörgum , Kálfafellsstaðarsókn, A-Skaft. 1930.
Bræður hennar;
1) Bjarni Gíslason 22.1.1911 - 17.1.1999. Var á Smyrlabjörgum , Kálfafellsstaðarsókn, A-Skaft. 1930. Síðast bús. á Höfn í Hornafirði.
2) Sigurjón Gíslason 16.6.1918 - 26.9.1965. Verkamaður á Höfn í Hornafirði. Var á Smyrlabjörgum , Kálfafellsstaðarsókn, A-Skaft. 1930.

Pálína giftist hinn 17. maí 1942 Jóni Gíslasyni frá Uppsölum í Suðursveit, f. 19. júní 1915, d. 28. janúar 2006.
Hann var sonur hjónanna Gísla Bjarnasonar, f. 22 janúar 1874, d. 5. desember 1940, og Ingunnar Jónsdóttur, f. 10. mars 1882, d. 26. mars 1980.

Pálína og Jón eignuðust 5 börn, þau eru:
1) Ingunn f. 24. apríl 1940, gift Eggerti Bergssyni. Þau búa í Kópavogi og eiga fjögur börn, fyrir átti Ingunn son sem nú er látinn.
2) Róshildur, f. 23. júní 1941, gift Eyþóri Ingólfssyni. Þau búa í Kópavogi og eiga eina dóttur, áður átti Róshildur tvö börn.
3) Þorvaldur Þór, f. 27. nóvember 1942, kvæntur Stellu Kristinsdóttur, þau búa í Reykjavík og Stella á tvo syni.
4) Sigurgeir, f. 7. maí 1945, kvæntur Elísabetu Jensdóttur, þau búa í Sandgerði, Sigurgeir á einn son.
5) Þóra Vilborg, f. 27. júní 1953, gift Þorsteini Sigfússyni, þau búa á Skálafelli og eiga fimm syni.

IS HAH

Final

Full

GPJ 27.3.2021

• Icelandic

®GPJ ættfræði 27.3.2021
Mbl 18.4.2009. https://www.mbl.is/greinasafn/grein/1278799/?item_num=2&searchid=972b071dc05cdedbdb45d84912ecb2924723b4f9