Einstaklingur

Þorbjörg Bergþórsdóttir (1921-1981) Blönduósi

17.5.1921 - 7.5.1981

Þorbjög Bergþórsdóttir, kennari á Blönduósi, andaðist 7. maí á Héraðshælinu. Hún var fædd 17. maí 1921 í Fljótstungu í Hvítársíðu í Mýrasýslu. Þorbjörg Bergþórsdóttir var hreinlynd og ákveðin í skapgerð. Var heimili þeirra hjóna mikið rausnarheimili. Hún var ötull og samviskusamur kennari, er vildi þroska með nemendum sínum ást á íslenskri tungu og íslenskumbókmenntum.
Útför hennar fór fram frá Blönduóskirkju 16. maí 1981.

Fljótstunga á Hvítársíðu:

Ung að árum nam hún við Héraðsskóla Borgfirðinga að Reykholti. Stundaði hún jafnframt heimiliskennslu í Reykholti, og kenndi að einhverju leyti við barnaskólann í Reykholtsdal. Síðan lá leið hennar í Kennaraskóla Islands, þaðan sem hún lauk prófi vorið 1944. Árið eftir réðist hún austur á Hallormsstað þar sem hún kenndi við Húsmæðraskólann. Var m.a. skólastjóri skólans í forföllum árið 1946-1947. Á þessum árum sigldi hún, til Danmerkur, þar sem hún lagði stund á bókmenntir, tungumál og uppeldisfræði við Kennaraháskólann í Kaupmannahöfn um eins árs skeið. Er heim kom réðist hún að Barna- og unglingaskólanum í Sandgerði og kenndi þar til ársins 1956. Um haustið sama ár fluttist hún til Blönduóss og kenndi við Barna-og unglingaskólann, síðar Grunnskólann, allt til ársins 1980.

Með Þorbjörgu Bergþórsdóttur er gengin mikil félagsmálakona og ötull kennari. Hún var í fremstu röð kvenna hér um slóðir. Gekk í kvenfélagið Vöku á Blönduósi og var fljótlega kjörin í stjórn félagsins. Var m.a. formaður félagsins síðustu 6 árin eða til ársins 1980. Árið 1963 var hún kjörin gjaldkeri sambands austur-húnvetnskra kvenna, en því starfi gegndi hún til dauðadags. Hún átti um skeið sæti í stjórn Kvennaskólans á Blönduósi, sem fulltrúi S.A.H.K. Starfaði mikið með bindindishópnum hér á staðnum. Vann að málefnum ungmennahreyfingarinnar,bæði hér og í Sandgerði á árum sínum þar. Síðustu árin vann hún að málefnum aldraðra. Hún tók mikinn þátt í uppbyggingu Heimilisiðnaðarsafnsins á Blönduósi og annaðist gæslu þar, ásamt fleiri konum úr kvenfélaginu. Að öllum þessum störfum vildi hún vinna og með því fann hún kærleikanum og skyldum sínum við land og þjóð best borgið.

Foreldrar hennar voru Bergþór Jónsson f. 8. október 1887 - 9. júlí 1955. Bóndi í Fljótstungu, Gilsbakkasókn, Mýr. 1930. Kennari í Hvítársíðum og bóndi í Fljótstungu. Drukknaði í Úlfsvatni á Arnarvatnsheiði. og kona hans Kristín Pálsdóttir f. 13. júlí 1885 - 15. ágúst 1965. Húsfreyja í Fljótstungu, Gilsbakkasókn, Mýr. 1930. Húsfreyja í Fljótstungu, voru þau bæði borgfirskrar ættar. Hún ólst upp í föðurgarði ásamt sex systkinum.
Systkini hennar voru
1) Guðrún Pálína Bergþórsdóttir f. 9. febrúar 1920 - 1. maí 2015 Fljótstungu, Gilsbakkasókn, Mýr. 1930. Vefnaðarkennari á Blönduósi og Varmalandi, síðast bús. í Borgarnesi.
2) Páll Bergþórsson f. 13. ágúst 1923 Fljótstungu, Gilsbakkasókn, Mýr. 1930.
3) Jón Bergþórsson f. 12. september 1924 Fljótstungu, Gilsbakkasókn, Mýr. 1930.
4) Sigrún Bergþórsdóttir f. 8. ágúst 1927 - 20. maí 2016 Fljótstungu, Gilsbakkasókn, Mýr. 1930. Húsfreyja og ferðaþjónustubóndi á Húsafelli í Hálsahreppi. Síðast bús. í Reykjavík. Frumkvöðull í ferðaþjónustu á Íslandi.
5) Gyða Bergþórsdóttir f. 6. apríl 1929
6) Ingibjörg Bergþórsdóttir f. 27. ágúst 1930 - 12. júlí 2014 í Fljótstungu, Gilsbakkasókn, Mýr. 1930. Fyrri maður hennar, g. 3. maí 1955, var Hjörtur Rósinkar Jóhannsson, f. 21. sept. 1926. Hjörtur drukknaði í Úlfsvatni 9. júlí 1955 ásamt Bergþóri, föður Ingibjargar. Sonur þeirra Hjörtur Bergþór, f. 14. maí 1955. Hann er kvæntur Helgu Brynleifsdóttur Steingrímssonar og búa þau á Selfossi.
Seinni maður hennar, g. 3. maí 1958, var Árni Þorsteinsson, f. 26. maí 1927, hann lést 3. mars 1997.

Þann 3. maí 1962 gekk hún að eiga Jónas Tryggvason frá Finnstungu og bjuggu þau á Húnabraut 26 á Blönduósi.

Steingrímur Davíðsson (1891-1981) Skólastjóri Svalbarða á Blönduósi (17.11.1891 - 9.10.1981)

Guðrún Jónsdóttir (1880-1967) Finnstungu (14.3.1880 - 4.8.1967)

Jónas Tryggvason (1916-1983) söngstjóri

Húnabraut 26 Blönduósi, Tónlistaskólinn (um1960)

HAH02127

IS HAH

Loka

Fullt

GPJ 15.8.2017

• íslenska

®GPJ ættfræði http://timarit.is/view_page_init.jsp?pageId=6455206