Person

Ólafur Magnússon (1915-1991) Sveinsstöðum Þingi

• Ólafur Magnússon Sveinsstöðum Þingi

22.1.1915 - 23.8.1991

Ólafur Magnússon, bóndi á Sveinsstöðum, verður jarðsunginn frá Þingeyrakirkju í dag. Með Ólafi er genginn einn þeirra manna sem staðið hafa í framvarðarsveit samvinunfélaganna í Austur-Húnavatnssýslu um árabil.

Sveinsstaðir í Þingi:

Búfræðingur frá Hvanneyri 1937: Hann bjó búi sínu á Sveinsstöðum, en þar hefur hans fólk búið í tæp 150 ár.

Ólafur sat í stjórn Sölufélags Austur-Húnvetninga frá 1956 til 1972 og var stjórnarformaður Kaupfélags Húnvetninga frá 1972 til 1981. Ólafur sat í hreppsnefnd Sveinsstaðahrepps í 20 ár. Hreppstjóri var hann frá 1942-1985. Hann var því þar í forystu um aldarfjórðungs skeið. Hann var í stjórn Veiðifélags Vatnsdalsár 1943 - 1987 og formaður
síðustu 9 árin. Ólafur var m.a. um árabil formaður sóknarnefndar Þingeyrakirkju. Á þeim vettvangi áttum við samstarf, ég sem ráðgjafi um víðtækar endurbætur á kirkjunni, hann sem forsvarsmaður safnaðarins, sem guðshúsið á.
Það var engan veginn auðvelt að gera sér grein fyrir hvernig staðið skyldi að verkinu og víða þurfti að leita fanga, því eins og margir vita er Þingeyrakirkja hlaðið steinhús. Slík hús krefjast sérstakrar meðferðar, sem engan veginn er einföld eða ódýr. Söfnuðurinn var og er hins vegar fremur fámennur og fé til viðahlds því ekki óþrjótandi.
Skilningur Ólafs og sóknarnefndarinnar allrar á þessu verki og stórhugur var ómetanlegur fyrir mig. Tilfinning hans fyrir þessari sérstæðu byggingu bar vott um næmi. Þetta allt tryggði að verkinu var siglt heilu í höfn eftir því sem fjárhagur leyfði. Það er sagt að hæverska og fáguð framkoma hafi einkennt Sveinsstaðafólkið ættlið eftir ættlið. Ólafur bar þau einkenni greinilega með sér.
Hann hafði nýlega verið kosinn í stjórn Félags eldri borgara í A-Hún., þegar hann fékk heilsufarslegt áfall síðla árs 1989. Eftir það var þrótturinn skertur og þörf á næði.

Fyrir störf sín í þágu samvinnufélaganna var hann á sjötugsafmæli sínu í sæmdur gullmerki þeirra og á aðalfundi Kaupfélags Húnvetninga 1985 var hann kjörinn heiðursfélagi þess. Ég vil þakka Ólafi fyrir mikið og gifturíkt starf í þágu samvinnufélaganna.

Foreldrar hans voru Magnús Jónsson, bóndi og hreppstjóri og kona hans Jónsína Jónsdóttir frá Hrísakoti á Vatnsnesi. Ólafur ólst upp með systkinum sínum fimm. Þrjú þeirra eru látín: Marsibil Gyða, Baldur og Jón, en þau sem lifa eru Þorbjörg í Hnitbjörgum á Blönduósi og Elísabet búsett í Reykjavík. Ólafur tók þátt í búskapnum frá bernsku, gekk í barnaskóla og varð búfræðingur frá Hvanneyri 22 ára gamall.
Árið 1943 gekk hann að eiga Hallberu Eiríksdóttur frá Neðra-Apavatni í Grímsnesi, og tóku þau hjónin þá við búskapnum á Sveinsstöðum. Hallbera lést fyrir aldur fram, aðeins 52 ára, árið 1971.
Ólafur og Hallbera eignuðust 6 börn, sem eru
1) Marsibil Gyða, búsett í Hafnarfirði, gift Grétari Vésteinssyni.
2) Magnús á Sveinsstöðum, kvæntur Björgu Þorgilsdóttur.
3) Ásrún Guðbjörg á Blönduósi, gift Gunnari Richardssyni.
4) Þórdís búsett í Hafnarfirði, gift Oddi Vilhjálmssyni.
5) Jónsína á Akranesi, gift Elís Þór Sigurðssyni.
6) Eiríkur í Borgarnesi, kvæntur Júlíönu Jónsdóttur

IS HAH

Final

Full

GPJ 8.7.2017

• Icelandic

®GPJ ættfræði http://www.mbl.is/greinasafn/minningaleit/
Húnavaka 1992 bls. 245. Stína Gísladóttir. http://timarit.is/view_page_init.jsp?pageId=6350758