Einstaklingur

Ólafur Kristinn Magnússon (1911-2010)

• Ólafur Kristinn Magnússon (1911-2010) kennari

6.12.1911 - 24.1.2010

Ólafur Kristinn Magnússon fæddist á Völlum á Kjalarnesi 6. desember 1911. Hann lést á Landspítalanum við Hringbraut 24. janúar 2010. Frá 1914–1930 ólst Ólafur upp hjá móðurbróður sínum Jóhanni Kr. Ólafssyni bónda í Austurey og á Kjóastöðum og konu hans Sigríði Þórarinsdóttir. Á þeim tíma dvaldi hann þó nokkra vetur hjá móður sinni í Reykjavík og sótti þar skóla. Útför Ólafs verður gerð frá Fossvogskirkju í dag, 8. febrúar 2010, og hefst athöfnin kl. 13.

Vellir á Kjalarnesi; Austurey 1914 og Kjóastaðir Bisk.: Svínavatnshreppi 1934-1937: Haganes í Fljótum 1940: Klébergsskóli á Kjalarnesi 1945-1979:

Hann lauk kennaraprófi frá Kennaraskólanum 1934:

Farkennari í Svínavatnshreppi 1934–1937 og forfallakennari við ýmsa skóla 1937–1940. Kennari í Haganeshreppi í Skagafirði 1940–1945, síðustu 3 árin við heimavistarskólann að Sólgörðum. 1945 tók hann við sem skólastjóri barnaskólans á Klébergi, Kjalarnesi, þar sem hann var uns hann lét af störfum árið 1979 eftir 45 ára farsælan feril sem kennari og skólastjóri. Ólafur tók virkan þátt í félagsstörfum í Haganeshreppi og á Kjalarnesi og sat í nefndum og ráðum allt til ársins 1979.

Eftir að hann lét af störfum ritaði hann ýmsa þætti úr sögu Kjalarneshrepps eftir 1880 og birtist hluti þeirra í ritinu Kjalnesingar sem út kom 1998.

Foreldrar hans voru Magnús Jónasson, f. 11. apríl 1888, d. 10. jan. 1971, og Jórunn Ólafsdóttir, f. 7. sept. 1888, d. 19. apríl 1947. Hálfsystir hans samfeðra er Rannveig Magnúsdóttir, f. 9. jan. 1930.
Ólafur kvæntist 6. okt.1938 Björgu Jóhannsdóttur frá Holti í Svínadal, A-Hún, f. 26. febrúar 1916. Foreldrar hennar voru Jóhann Guðmundsson, f. 5. nóv. 1887, d. 11. ágúst 1949, og Fanný Jónsdóttir, f. 14. mars 1891, d. 4. júlí 1958.
Börn þeirra eru:
1) Jóhann, f. 18. des 1942, maki Jeanne Miller, f. 1. jan. 1945. Börn þeirra eru: a) Ólafur Kristinn, f. 1964, maki Valborg Guðsteinsdóttir, f. 1964, og eiga þau tvo syni. b) Fanný Björg, f. 1978, sambýlismaður hennar er Sverrir Árnason, f. 1978, og eiga þau einn son.
2) Sigrún, f. 12. júlí 1948, maki Helgi Bergþórsson, f. 6. apríl 1946. Börn þeirra eru: a) Ólafur Magnús, f. 1970, sambýliskona hans er Berit Noesgaard Nielsen, f. 1970, og eiga þau þrjú börn. b) Vilborg, f. 1971, maki Jón Þór Þorgeirsson, f. 1965, og eiga þau fjögur börn. c) Bergþór, f. 1974, og á hann tvo syni. d) Björgvin, f. 1976, maki Dagný Hauksdóttir, f. 1978, og eiga þau þrjú börn.

Fanný Jónsdóttir (1891-1958) Holti Svínavatnshreppi (14.3.1891 - 4.7.1958)

Björg Magnúsdóttir (1849-1920) Holt í Svínadal (10.9.1849 - 24.12.1920)

HAH01793

IS HAH

Fullt

GPJ 8.7.2017

• íslenska

http://www.mbl.is/greinasafn/minningaleit/