Matthías Jónsson kennari fæddist í Kollafjarðarnesi í Strandasýslu 23. apríl 1917. Hann lést í Landspítalanum 24. apríl síðastliðinn. Tónlistarmaður var Matthías góður, og lét mjög til sín taka í skemmtanalífi skólans á þeim vettvangi. Vakti það að sjálfsögðu mikla ánægju og gleði á dansæfingum skólans. Hann var hrókur alls fagnaðar og kom öllum í gott skap, einungis með nærveru sinni. Honum var það gefið í ríkum mæli.
Útför Matthíasar fer fram frá Akraneskirkju í dag og hefst athöfnin klukkan 14. Jarðsett verður í Gufuneskirkjugarði á mánudag.

Hann sat í handíðadeild Kennaraháskóla Íslands 1953-54, var íþróttakennari hjá UMFÍ 1941-42, kenndi söng og íþróttir í Héraðskólanum á Reykjum 1943-52, kenndi handavinnu og söng við Gagnfræðaskóla Akraness 1954-75. Eftir kennslu vann hann á trésmíðaverkstæðinu Akri og var húsvörður á Dvalarheimilinu Höfða.

Foreldrar hans voru hjónin sr. Jón Brandsson og Guðný Magnúsdóttir.

24. ágúst 1957 kvæntist Matthías eftirlifandi eiginkonu sinni, Pernille Bremnes, f. á Búlandsnesi í Suður-Múlasýslu 1. sept. 1930. Foreldrar hennar voru Johan Bremnes og Svanborg Ingvarsdóttir. Matthías og Pernille bjuggu á Akranesi.
    Börn þeirra sem upp komust eru:
    1) Svanborg, myndlistarmaður og myndlistarkennari, f. 1. mars 1958, sambýlismaður Kjartan Örn Sigurðsson rafvirkjameistari. Þau eru búsett í Kópavogi og eiga einn son, en Kjartan á þrjú börn af fyrra hjónabandi.
    2) Brandur, rafvirki, f. 8. júlí 1959, sambýliskona Sigríður L. Gunnarsdóttir forstöðukona. Þau eru búsett í Reykjavík. Sigríður á eina dóttur og þau eiga son saman.
    3) Björn, flugumferðarstjóri, f. 9. okt. 1960, sambýliskona Þuríður Jóhannsdóttir. Þau eru búsett í Reykjavík og eiga tvö börn.
    4) Ingvar, nemi, f. 31. jan. 1962, sambýliskona Helena Bergström kennari.
    5) Jón, náttúru- og eðlisfræðingur, f. 2. júlí 1964, sambýliskona Heiðdís Sigurðardóttir sálfræðingur. Þau eru búsett í Reykjavík og eiga einn son.
    6) Lilja talsímavörður f. 19. sept. 1966, sambýlismaður Víðir Ragnarsson nemi.