Loftur Jónsson (1937-1999)

Loftur Jónsson fæddist í Reykjavík hinn 10. apríl 1937. Hann lést á Landspítalanum hinn 21. apríl síðastliðinn. Loftur ólst upp í Vesturbænum í Reykjavík. Tengsl Lofts við Snæfellsnesið áttu eftir að verða varanleg því þar byggði fjölskyldan glæsilegt hús í landi Hnausa þar sem Snæfellsjökull blasti við. Varð það allt til síðustu missera hinn eftirsótti griðastaður til hvíldar og uppbyggingar og átti fjölskyldan þar óteljandi ánægjustundir í stórbrotnu en um leið friðsömu umhverfi.
Útför Lofts fer fram frá Vídalínskirkju í Garðabæ í dag og hefst athöfnin klukkan 13.30.

Hann lauk Verslunarskólaprófi 1955, stundaði síðan nám í verslunarháskóla í Leeds í Englandi.

Hann tók við fyrirtæki föður síns, Jóni Loftssyni hf., árið 1958 og var forstjóri þess þar til í maí 1998 að hann varð að láta af störfum vegna veikinda.

Foreldrar hans voru Jón Sigurður Loftsson, forstjóri, f. 11. desember 1881, d. nóvember 1958, og Brynhildur Þórarinsdóttir, húsmóðir, f. 14. maí 1905, d. ágúst 1994.
Systkini hans eru Ingibjörg, látin, eiginmaður Árni Björnsson, látinn, Sigríður, eiginmaður Ásgeir Guðmundsson, Katrín, Gunnhildur, eiginmaður Gunnar Hansson, og Þórarinn, eiginkona Anna Þórðardóttir.

Loftur var kvæntur Ástu Margréti Hávarðardóttur, f. 27. ágúst 1936. Foreldrar hennar voru Hávarður Valdemarsson, stórkaupmaður, f. 23. ágúst 1905, d. ágúst 1993, og Ingibjörg Kjartansdóttir, húsmóðir, f. 24. desember 1913, d. febrúar 1986.
Börn Lofts og Ástu Margrétar eru:
1) Jón Sigurður, framkvæmdastjóri, f. 1963 og
2) Ingibjörg, sjúkraþjálfari, f. 1964, eiginmaður Ágúst Guðjón Arason, kerfisfræðingur, f. 1960. Börn þeirra eru Sonja Hrund, f. 1988, og Ásta Karen f. 1992.

GPJ 4.4.2017

• Icelandic

http://www.mbl.is/greinasafn/minningargreinar/