Person

Laufey Sigurðardóttir (1906-2000)

• Laufey Sigurðardóttir (1906-2000) frá Torfufelli

1.5.1906 - 19.5.2000

Laufey Sigurðardóttir fæddist á Torfufelli í Eyjafirði 1. maí 1906. Hún lést á Dvalarheimilinu Hlíð á Akureyri 19. maí síðastliðinn. Laufey stundaði nám við Kvennaskólann á Blönduósi veturinn 1927-1928. Hún starfaði mikið að félagsmálum, m.a. hjá Kvenfélaginu Hjálpinni í Saurbæjarhreppi og Kvenfélaginu Hlíf á Akureyri. Þar stofnaði hún ásamt manni sínum Minningarsjóð Hlífar til styrktar barnadeild FSA. Hún var heiðursfélagi í báðum þessum félögum og einnig Héraðssambands eyfirskra kvenna. Þá vann hún einnig að málefnum berklasjúklinga. Útför Laufeyjar fer fram frá Akureyrarkirkju í dag og hefst athöfnin klukkan 13.30.

Torfufell í Eyjafirði: Akureyri:

Kvsk á Blönduósi 1927-1928:

Hún starfaði mikið að félagsmálum, m.a. hjá Kvenfélaginu Hjálpinni í Saurbæjarhreppi og Kvenfélaginu Hlíf á Akureyri. Þar stofnaði hún ásamt manni sínum Minningarsjóð Hlífar til styrktar barnadeild FSA. Hún var heiðursfélagi í báðum þessum félögum og einnig Héraðssambands eyfirskra kvenna. Þá vann hún einnig að málefnum berklasjúklinga.

Laufey fékkst talsvert við ritstörf. Hún ritaði greinar í blöð, samdi og flutti þætti í útvarp og fékkst við ljóðagerð.

Foreldrar hennar voru hjónin Sigurður Sigurðsson, f. 2. maí 1864, d. 8. september 1930, og Sigrún Sigurðardóttir, f. 13. júlí 1871, d. 3. júní 1967, eigendur og ábúendur á Torfufelli í Eyjafirði. Laufey var næstyngst af börnum þeirra hjóna, sem nú eru öll látin.
Systkini Laufeyjar voru: Indíana, Jósef Daníel, dó fjögurra ára, Lilja Sigríður, dó eins árs, Jósef Liljendal, Kristbjörg og Sigurlína Guðrún.
Fósturbróðir var Ingólfur Júlíusson, sem einnig er látinn.
Laufey giftist 30. júlí 1933 Björgvin Vatne Jónssyni, málarameistara, f. 13. september 1907, d. 18. janúar 1983. Laufey og Björgvin áttu allan sinn búskap heima á Akureyri.
Börn þeirra eru:
1) Jón Ragnar, f. 10. ágúst 1934, kaupmaður í Kópavogi, kvæntur Elsu Hildi Óskarsdóttur, f. 24. maí 1939. Þeirra börn eru: a) Björgvin, maki Guðlaug Hrönn Björgvinsdóttir. Þeirra börn eru: Agnes, Emilía og Jón Ragnar. b) Óskar, maki Þóra Hrönn Óðinsdóttir. Þeirra börn eru Bergur Már og Alma Rut. c) Laufey, maki Bergsteinn Reynir Ísleifsson. Þeirra börn eru Jón Ingi, Elsa Mjöll og Indíana Líf. d) Sigríður.
2) Sigrún Björg, f. 21. janúar 1937, kennari á Akureyri, gift Valgarði Baldvinssyni, f. 28. október 1928. Börn þeirra eru: a) Eydís, maki Clark Alexander McCormick. Þau eiga eina dóttur, Sigrúnu Mary. b) Baldvin, maki Kristín Anna Þórarinsdóttir.

IS HAH

Final

Full

GPJ 3.7.2017

• Icelandic

http://www.mbl.is/greinasafn/minningargreinar/