Kúskerpi á Refasveit

Byggingar standa allhátt, kippkorn frá vegi á hólahjalla ofarlega í hallandi túni. Í landi Kúskerpis eru örnefni sem til þess bendir að þar hafi fyrrum verið skógur, Skógargötur, en örnefni kennd til skóga eru fátíð í hreppnum og raunar héraðinu öllu.
Íbúðarhús byggt 1935, viðbygging 1969 182 m3. Fjós fyrir 7 gripi, fjárhús fyrir 280 fjár, hesthús fyrir 12 hross. Vorheysgeymsla 80 m3. Tún 18,6 m3.

Refasveit; Engihlíðarhreppur; Skógargötur; Langavatn; Hlóðarsteinn; Merkjaholt; Taglir; Kallbakslækur [Kaldbakslækur?]; Bugar; Gildra; Fögrubrekkulág; hinar fornu Reiðgötur eða svo nefndu Skógargötur: Efri Mýrar; Sölvabakki; Svansgrund; Síða; Efri Lækjardalur:

Eiríkur Marías Guðlaugsson 15. júní 1893 - 20. feb. 1979. Sennilega sá sem var tökudrengur í Sviðningi, Spákonufellssókn, Hún. 1901. Skráður Guðjónsson í 1901. Trésmiður í Reykjaskóla, Staðarsókn, V-Hún. 1930. Heimili: Lækjamót, Hún. Var í Óslandi, Blönduóshr., A-Hún. 1957. Smiður á Skagaströnd og á Blönduósi, síðar á Akranesi. Síðast bús. á Akranesi. Kona hans; Hólmfríður Sigurbjörg Ágústsdóttir 1. nóv. 1896 - 4. sept. 1977. Var á Litlu-Borg, Vesturhópshólasókn, V-Hún. 1930. Heimili: Lækjamót. Var í Óslandi, Blönduóshr., A-Hún. 1957. Síðast bús. í Reykjavík.

1939- Garðar Stefánsson 17. sept. 1912 - 14. mars 1999. Var á Illugastöðum, Holtastaðasókn, A-Hún. 1930. Var í Kúskerpi, Engihlíðarhr., A-Hún. 1957. Síðast bús. í Blönduóshr. Kona hans; Árný Guðlaug Sigurðardóttir 15. okt. 1907 - 17. jan. 2002. Vinnukona á Enni, Holtastaðasókn, A-Hún. 1930. Var í Kúskerpi, Engihlíðarhr., A-Hún. 1957.

Jón Sveinn Pálsson 28. des. 1933 skólastjóri. Kona hans; Björk Axelsdóttir 14. jan. 1942.

Landamerki Kúskerpis.

Undirritaður eigandi jarðarinnar Kúskerpis í Engihlíðarhreppi lýsi hjermeð yfir því, að þessi eru merki tjeðrar jarðar:
Að sunnan, frá Langavatni og frá Hlóðarsteini á hól skammt frá vatninu upp í stein á svo nefndu Merkjaholti, sem klappaður er á stafurinn L, og þaðan í annan stein í lægð upp á há Töglunum, en einnig er klappað L á, og þaðan beina stefnu upp í Kallbakslæk, þá ræður Kallbakslækur merkjum að austan út í Buga, þá er merkjalínan til vesturs í stein á Töglunum, sem enn er klappað L á, og úr þeim steini í Gildru, og úr Gildru í Fögrubrekkulág, og þaðan beint ofan í hinar fornu Reiðgötu eða svo nefndu Skógargötur, ráða þær merkjum að vestan suður á móts við norðurenda Langavatns, og þá eru merki eptir miðju Langavatni allt suður á móts við áður nefndan Hlóðarstein.

Kúskerpi, 7. dag maíman. 1890.
Guðmundur Einarsson

Sem umráðamaður kirkjujarðanna Efri Mýra, ½ Sölvabakka og Svansgrundar, og í umboði Dbrmanns B. G. Blöndals vegna landssjóðshlutans í Sölvabakka: Eggert Ó Brím.
Sem ábúandi og í umboði eiganda Síðu Einar Jónsson.
Ingvar Þorsteinsson vegna Efri Lækjardals.

Lesið upp á manntalsþingi að Engihlíð, hinn 21. maí 1890, og innfært í landamerkjabók Húnavatnssýslu, No. 149, fol. 77b.

GPJ 26.2.2019

• Icelandic

Landamerkjabók Húnavatnssýslu, No. 149, fol. 77b. 21.5.1890
Húnaþing II bls 155.