Kristín Sæbjörg Finnsdóttir (1924-1987) frá Skrapatungu

Minning: Kristín Sæbjörg Finnsdóttir Fædd 17. janúar 1924 Dáin 26. október 1987 Kristín fæddist að Skrapatungu í Laxárdal í Austur-Húnavatns sýslu. Var í Skrapatungu, Hofssókn, A-Hún. 1930. Síðast bús. í Blönduóshreppi. Kristín eða Síta, en svo var hún kölluð, sleit barnsskónum í Skrapatungu í faðmi foreldra og systkina. Skólaganga hennar var skyldunám. Veturinn 1946-1947 var hún í Kvennaskólanum á Blönduósi. Sítu var alla tíð hlýtt til Kvennaskólans og minntist oft veru sinnar þar með stolti og ánægju. Hún vann þrjú ár við afgreiðslustörf í verslun í Reykjavík, en meiraen þrjá áratugi vann hún hjá Kaupfélagi Húnvetninga. Fjölskyldan flutti frá Skrapatungu árið 1944 til Blönduóss í lítið hús er nefnt var Tunga. Árið 1952 byggðu þeir feðgar Finnur og Ottó hús í félagi, Húnabraut 36.

Skrapatunga: Tunga á Blönduósi 1944 og Húnabraut 36, 1952:

Kvsk á Blönduósi:

Síta tók mikinn þátt í félagsstarfi, m.a. með Ungmennafélaginu Hvöt og Leikfélagi Blönduóss, þar sem hún lék í fjölda af leikritum og vann einnig ýmis störf sem tengdust starfsemi félagsins. Hún sat mörg ár í stjórn leikfélagsins og var gerð að heiðursfélaga fyrir frábært starf í þágu þess fyrir nokkrum árum.

Kristín Sæbjörg Finnsdóttir, eða Síta, eins og hún var ávallt kölluð, var fædd í Skrapatungu í Vindhælishreppi þann 17. janúar 1924. Var hún þriðja í röðinni af fjórum systkinum,
en þau eru, Ottó Valur, trésmiður á Blönduósi, Guðný, húsmóðir á Skagaströnd og Elísabet, húsmóðir á Blönduósi. Foreldrar þeirra voru Finnur Guðmundsson, bóndi í Skrapatungu, og síðar verslunarmaður á Blönduósi, og Ingibjörg Jónsdóttir kona hans.
Síta eignaðist einn son, með Ólafi Ingvarssyni f. 23. maí 1933
1) Leifur Kristinn Ólafsson 25. mars 1958 , starfsmann hjá Rafmagnsveitu Reykjavíkur. Hann reyndist móður sinni alla tíð einstaklega vel, enda var hann augasteinn og yndi hennar

GPJ 2.7.2017

• Icelandic

http://www.mbl.is/greinasafn/minningaleit/