Einstaklingur

Kristín Hjálmsdóttir (1925-1988)

5.10.1925 - 4.5.1988

Húsfreyja á Kornsá í Vatnsdal, Áshreppi, A-Hún. Hún varfædd að Hofsstöðum í Stafholtstungum og ólst þar upp hjá foreldrum sínum í stórum systkinahópi. Fjölskyldan fluttist til Reykjavíkur vegna heilsubrests foreldra hennar, sem var svo alvarlegur að þau voru bæði látin innan tveggja ára. Kristín var elst af systrunum og kom þá í hennar hlut að taka á sig ábyrgðina og annast systkini sín sem voru sex. Við þetta bættist að ein systirin veiktist af mænuveiki og lamaðist. Segir sig sjálft þvílík þrekraun þetta var fyrir Kristínu sem var þá rétt um tvítugt. Hún starfaði lengi í Kvenfélagi Vatnsdæla. Þar sem annars staðar kom fram dugnaður og ósérhlífni Kristínar. Oft mætti hún ein snemma morguns í kaffi skúrinn okkar við Undirfellsrétt, þó heima væri fjöldi gesta. Þegar safnið af vesturheiðinni var komið í rétt stóð hún við hlið bónda síns og dró fé í dilk. Þannig var Kristín, hún hljóp í verkin þar sem mest lá á, hvort sem það var úti eða inni. Hún hlífði sér ekki hvar sem húnvar. Heimili hennar bar göggt vitni um myndarskap, reglusemi og gestrisni. Kristín og Gestur giftu sig í Sunnuhlíð árið 1954. Þau bjuggu þar í nokkur ár eða þar til þau keyptu hluta Kornsár, sem er ein af bestu og fallegustu jörðum í Vatnsdal. Kornsá byggðu þau upp. Fyrst peningshús og síðan vandað tveggja íbúða einbýlishús, en Birgir sonur þeirra og Þórunn kona hans eiga stærri íbúðina. Þau hafa búið þar stækkandi búi síðustuárin, en Kristín og Gestur drógu saman seglin.

Kornsá í Vatnsdal, Áshreppi, A-Hún. Var á Hofsstöðum, Stafholtssókn, Mýr. 1930. Verkakona í Reykjavík 1945. Var í Sunnuhlíð, Áshr., A-Hún. 1957.

Húsfreyja:

systkin hennar, voru Steina, Bogga, Gummi, Ella, Rúna og Vína. Foreldrar þeirra, þau Steinunn Guðmundsdóttir og Hjálmur Þorsteinsson, voru þá bæði látin. Hún flutti norður í Vatnsdal og giftist Gesti Guðmundssyni (1916-2009) bónda í Sunnuhlíð og síðar á Kornsá 1954.
Einn son átti Kristín áður
1) Hjálmur Steinar Flosason 1948
Þau eignuðust saman þrjú börn
2) Guðrún 1953,
3) Birgir 1959
4) Gunnhildur 1965

Birgir Gestsson (1959) (26.4.1959)

Hjálmur Steinar Flosason (1948) Sunnuhlíð og Kornsá (23.3.1948 -)

Gestur Guðmundsson (1916-2009) Sunnuhlíð (20.9.1916 - 27.6.2009)

Kornsá í Vatnsdal ((1950))

Sunnuhlíð í Vatnsdal - Kot / Torfustaðakot ((1950))

HAH01666

IS HAH

Loka

Fullt

GPJ 1.7.2017

• íslenska

http://www.mbl.is/greinasafn/minningaleit/