Einstaklingur

Jóhann Ólafsson (1908-1989) Sarpi, Skorradal

8.10.1908 - 11.12.1989

Jóhann Ólafsson magnaravörður Jóhann Ólafsson frá Sarpi í Skorradal andaðist í Landspítalanum þ. 11. desember 1989
Jóhann fæddist 8. október 1908. Foreldrar Jóhanns voru Elín Jó hannsdóttir, sem var annáluð dugnaðarkona, og Ólafur Guðmundsson, Ólafssonar óðalsbónda og alþingismanns.
Jóhann ólst upp við venjuleg sveitastörf. Oft mun hafa verið þröngt í búi á þeim árum hjá barnmargra fjölskyldu. Og ekki var mulið undir aldamótakynslóðina, því þá varð hver og einn að ryðja sjálfum sér braut.
Að Nesi við Seltjörn kom hann 1. október 1937 og hefur verið þar síðan. Fyrst við sveitabúskap hjá móður okkar, sem þá var nýlega orðin ekkja.

Jóhann fór í alþýðuskólann á Laugum, og síðar lærði hann rafvirkjun. Jóhann vann á ýmsum stöðum, m.a. á Laugarvatni.

Rafvirki. Árið 1944 hóf hann störf hjá Ríkisútvarpinu, fyrst í viðtækja smiðjunni, síðan varð hann magnaravörður 1948 og lét þar af störfum rúmlega 70 ára. Trúmennska og nákvæmni var honum í blóð borin og starfi sínu hjá Ríkisútvarpinu gegndi hann af mikilli samviskusemi.

Jóhann Ólafsson 8.10.1908 - 11.12.1989. Rafvirki á Sarpi, Fitjasókn, Borg. 1930. Magnaravörður, síðast bús. á Seltjarnarnesi. Kjörsonur: Haraldur Jóhannsson, f.8.4.1954.
Foreldrar hans; Ólafur Guðmundsson 23.6.1861 - 30.11.1921. Bóndi á Sarpi í Skorradal og kona hans; Elín Jóhannsdóttir 11.6.1871 - 1.12.1951. Húsfreyja á Sarpi, Fitjasókn, Borg. 1930. Húsfreyja á Sarpi í Skorradal.

Kona hans; Ólöf Gunnsteinsdóttir 10.8.1914 - 24.6.1997. Var í Nesi II, Reykjavíkursókn, Kjós. 1930. Síðast bús. á Seltjarnarnesi.
Kjörsonur:
1) Haraldur Jóhannsson, f. 8.4.1954.

Jóhann var meðalmaður á hæð, fríður sínum, léttur í spori, enda íþróttamaður mikill. Hann var verk hagur og dugnaður hans orðlagður, fyrirhyggjusamur, úrræðagóður, hann var tilfinningaríkur og gat verið ör í lund, en sérstaklega hjálpfús öllum og með afbrigðum raungóður, meðal annars reyndist hann okkur systkinunum mikill vinur og hjálparhella alla tíð.

Jóhann var mjög söngvinn og söng í kór. Hann var líka mikill ungmennafélagsmaður og neytti hvorki tóbaks né víns, en var samt hrókur alls fagnaðar á góðum stundum, eða eins og gamalt spakmæli segir: "Þar sem góðir menn fara eru guðs vegir."

Baldur Pálmason (1919-2010) (17.12.1919 - 11.9.2010)

HAH08798

Héraðsskjalasafn Austur-Húnavatnssýslu (1966)

IS HAH

Loka

Fullt

GPJ skráning 6.8.2021

• íslenska

®GPJ ættfræði 6.8.2021
Íslendingabók
Mbl 19.12.1989. https://www.mbl.is/greinasafn/grein/42584/?item_num=23&searchid=137431d293d36aa1437aac136d950f8658da4106