Einstaklingur

Ingibjörg Steinþórsdóttir (1926-2012) Breiðabólsstað

• Ingibjörg Helga Steinþórsdóttir (1926-2012) Breiðabólsstað
• Ingibjörg Helga Steinþórsdóttir Breiðabólsstað

5.5.1926 - 1.5.2012

Ingibjörg Steinþórsdóttir fæddist 5. maí 1926. Hún lést á Héraðssjúkrahúsinu á Blönduósi 1. maí 2012. Ingibjörg og Jóhann áttu heimili fyrstu árin á Breiðabólstað hjá foreldrum Ingibjargar, en í ársbyrjun 1953 fluttu þau í Skólahúsið við Sveinsstaði í Austur-Húnavatnssýslu. Þar bjuggu þau meðan Jóhann lifði en Ingibjörg flutti til Blönduóss árið 1990 og átti heima þar til æviloka. Jóhann vann utan heimilis meðan heilsa hans leyfði en haustið 1963 veiktist hann af berklum og var að mestu óvinnufær eftir það. Meðan þau hjón áttu heima í Skólahúsinu var Ingibjörg ætíð með nokkrar kindur og fáein hross. Hún var natin við dýrin og ferhyrndu kindurnar hennar, flekkóttu, og snyrtilegu taðhlaðarnir vöktu athygli ferðamanna og oft stönsuðu langferðabílar á hlaðinu við Skólahúsið erlendum ferðamönnum til ánægju. Saumastofa var sett á fót á efri hæðinni í Skólahúsinu árið 1979 og vann Ingibjörg þar.

Útför Ingibjargar verður gerð frá Þingeyrakirkju í dag, 12. maí 2012, og hefst athöfnin kl. 15.

Breiðibólsstaður 1949: Skólahúsið á Sveinsstöðum: Blönduós 1990:

Foreldrar hennar voru Steinþór Björnsson, bóndi Breiðabólstað, f. 28. mars 1900, d. 4. janúar 1986, og kona hans Ingibjörg Jónasdóttir húsfreyja, f. 31. október 1899, d. 4. apríl 1978. Steinþór var alinn upp á Breiðabólstað frá unga aldri og að fóstru sinni látinni 1924 tók hann við búi á Breiðabólstað og bjuggu þau hjón þar til ársins 1976 að þau fluttu til Blönduóss.
Ingibjörg var elst fjögurra systkina en þau eru Jóhanna, Jónas og Sigurlaug sem öll lifa systur sína.

Ingibjörg giftist 29. des. 1949 Jóhanni Helga Guðmundssyni, sem fæddur var á Litlu-Borg í Vestur-Húnavatnssýslu 5. nóv. 1922, d. 28. des. 1988.
Dóttir þeirra hjóna er Ólöf Guðmunda sjúkraliði, f. 5. júní 1962. Hún giftist 29. desember 1985 Halldóri Jóhanni Grímssyni verkstjóra, f. 26. maí 1959, og búa þau í Reykjanesbæ. Sonur þeirra er Þorgrímur Jóhann, f. 28. júní 1989, vélvirki að mennt, sem býr í foreldrahúsum.

Breiðabólsstaður í Vesturhópi ((890))

Skólahúsið í Þingi (1916 -)

HAH01480

IS HAH

Loka

Fullt

GPJ 21.6.2017

• íslenska

®GPJ ættfræði
Íslendingabók
mbl 12.5.2012. https://www.mbl.is/greinasafn/grein/1421632/?item_num=0&searchid=dcb5a42a58f10a2479004b41b96791ea43f8c742
Húnavaka 1987 bls 165, https://timarit.is/page/6349392?iabr=on#page/n166/mode/2up/search/%22stein%C3%BE%C3%B3r%20bj%C3%B6rnsson%22