Ingibjörg Emma Emelía Indriðadóttir (1910-1995) Eyjarhólum V-Skaft

Ingibjörg Emma Emilía Indriðadóttir var fædd á Breiðabólstað í Vatnsdal í A- Húnavatnssýslu 3. ágúst 1910. Hún lést á hjúkrunarheimilinu Ljósheimum á Selfossi 25. mars síðastliðinn. Útför Ingibjargar verður gerð frá Skeiðflatarkirkju í Mýrdal í dag. Hún fluttist ung með foreldrum sínum að Blönduósi þar sem hún ólst upp ásamt fjórum systkinum sínum. Um tvítugt fór Ingibjörg til starfa í Reykjavík og síðar austur í Mýrdal þar sem hún giftist Þorláki Björnssyni, bónda í Eyjarhólum, 1937. Ingibjörg og Þorlákur bjuggu í Eyjarhólum þar til 1974 að þau létu búið í hendur Björns sonar síns. Fluttust þau þá að Selfossi þar sem þau áttu heima að Heiðarvegi 10. Þorlákur lést 1987. Síðustu árin eftir að heilsan hafði bilað var Ingibjörg á hjúkrunarheimilinu Ljósheimum á Selfossi þar sem hún naut góðrar umönnunar og hlýju góðs starfsfólks.

Breiðibólsstaður í Vatnsdal: Blönduós: Reykjavík: Eyjarhólar V-Skaft: Selfoss:

Húsfreyja.

Foreldrar Ingibjargar voru Indriði Jósefsson verkamaður á Blönduósi og kona hans Margrét Friðriksdóttir.
Systkini Ingibjargar voru Jósef Jón verkamaður á Blönduósi, Kristín húsfreyja á Skagaströnd, Sigríður sjúkrahússtarfsmaður á Blönduósi og Friðrik Gunnar húsvörður á Blönduósi. Þau eru öll látin.
Ingibjörg giftist 3. júní 1937 Þorláki Björnssyni bónda í Eyjarhólum. Þorlákur var sonur Björns Einars Þorlákssonar bónda og hreppstjóra á Varmá í Mosfellssveit og Önnu Jónsdóttur Hjörleifssonar bónda í Eystri-Skógum undir Eyjafjöllum. Þorlákur lést 14. nóvember 1987.
Börn Ingibjargar og Þorláks voru átta, auk þess ólu þau upp son Ingibjargar. Þau eru:
1) Gunnar Sævar Gunnarsson, látinn 1970,
2) Anna Margrét, búsett á Selfossi,
3) Björn Einar, látinn 1994,
4) Indriði Haukur, búsettur í Reykjavík,
5) Guðrún Steina, búsett á Selfossi,
6) Þórólfur, látinn 1973,
7) Ingólfur Helgi, búsettur á Selfossi,
8) Nanna, búsett á Selfossi, og
9) Þórarinn, búsettur í Álftagróf í Mýrdal.

GPJ 21.6.2017

• Icelandic

®GPJ ættfræði
ÆAHún 1226 https://www.mbl.is/greinasafn/grein/188110/?item_num=1&searchid=d07de038c699bfae8c9606d4862f9426adfc45b3