Einstaklingur

Hulda Friðfinnsdóttir (1910-2002) Friðfinnshúsi Blönduósi

11.8.1910 - 30.6.2002

Hulda Friðfinnsdóttir var fædd á Blönduósi 11. ágúst 1910. Hún lést 30. júní síðastliðinn. Hulda ólst upp í foreldrahúsum á Blönduósi, en fluttist til Reykjavíkur ásamt foreldrum sínum árið 1947. Auk almennrar skólagöngu á Blönduósi var hún veturinn 1929-30 á Héraðsskóla á Laugarvatni. Hulda vann ýmis störf, ekki síst á heimilinu, með og fyrir foreldra sína og fjölskyldu. Á Blönduósi bjó fjölskyldan í Finnshúsi, en þar voru einnig í heimili hjónin Sigþrúður, móðursystir Huldu, og Páll Sigurðsson. Þá bjuggu þar einnig um skeið, eða þar til Hulda var um sjö ára gömul, feðginin Jónína, móðursystir Huldu, og Hannes Guðmundsson.

Á Blönduósi vann Hulda m.a. við smíðar og málningarvinnu með föður sínum og systur. Er til Reykjavíkur kom tóku við almenn verkakvennastörf. Áfram vann Hulda mikið á heimilinu, bæði við prjónaskap, en ekki síður við almennt heimilishald. Hún annaðist foreldra sína, en þau urðu bæði fullorðin og þurftu aðstoðar við. Hulda hélt lengi heimili með Sigríði systur sinni og dætrum hennar, og var þeim sem önnur móðir. Þær bjuggu lengi á Gunnarsbraut 34, en síðustu árin dvaldi Hulda á Hrafnistu í Reykjavík. Hún var ógift og barnlaus.

Útför Huldu fer fram frá Fossvogskirkju í dag og hefst athöfnin klukkan 15.

Friðfinnshús Blönduósi: Reykjavík:

Foreldrar hennar voru Friðfinnur Jónas Jónsson, hreppstjóri, f. 28. mars 1873, d. 16. september 1955, og Þórunn Ingibjörg Hannesdóttir, f. 15. ágúst 1873, d. 22. janúar 1957.
Systkini Huldu eru: 1) Gunnhildur, f. 28. mars 1906, d. 4. ágúst 1954, maki Stefán Runólfsson, f. 22. ágúst 1903, d. 30. apríl 1961, þau voru barnlaus. 2) Sigríður, f. 24. desember 1907, d. 26. janúar 1992, maki (skildu) Magnús Óskar Magnússon, f. 10. september 1904, d. 23. júlí 1988, dætur þeirra eru; Þórunn, maki Jóhann Þ. Bjarnason og eiga þau þrjú börn, auk tveggja barnabarna, og Ásdís, en hún á einn son. 3) Skafti, f. 9 september 1916, maki Sigríður Svava Runólfdóttir, f. 5. júlí 1920, börn þeirra eru: Runólfur, Þórunn, maki Jónas Pálsson, Inga, maki Birgir V. Sigurðsson, Gunnhildur, maki Guðmundur Magnússon, Friðfinnur, maki Sigríður Ingibjörnsdóttir, Einar, maki Lydía Jónsdóttir, og Páll, maki Hrund Þórarinsdóttir, en alls eiga þau 12 barnabörn.

Friðfinnshús Blönduósi / Læknahús 1897-1901 (1896 -)

Þórunn Hannesdóttir (1873-1957) Friðfinnshúsi (15.8.1873 - 2.1.1957)

Friðfinnur Jónas Jónsson (1873-1955) Hreppstjóri og smiður Friðfinnshúsi (28.3.1873 - 16.6.1955)

Skafti Friðfinns Friðfinnsson (1916-2007) Friðfinnshúsi (9.9.1916 - 29.5.2007)

Sigríður Friðfinnsdóttir (1907-1992) Friðfinnshúsi (24.12.1907 - 26.1.1992)

Gunnhildur Friðfinnsdóttir (1906-1954) Friðfinnshúsi (28.3.1906 - 4.8.1954)

HAH01461

IS HAH

Loka

Fullt

GPJ 21.6.2017

• íslenska

http://www.mbl.is/greinasafn/minningaleit/