Einstaklingur

Helga Stefánsdóttir (1910-2008) frá Smyrlabergi

• Helga Ingibjörg Stefánsdóttir (1910-2008) frá Smyrlabergi

23.5.1910 - 23.7.2008

Helga Ingibjörg Stefánsdóttir fæddist á Smyrlabergi í Torfalækjarhreppi í A-Húnavatnssýslu 23. maí 1910.
Helga missti föður sinn 13 ára gömul og fór ung að vinna fyrir sér. Hún var 17 ára gömul einn vetur í Kvennaskólanum á Blönduósi en fór tvítug til Reykjavíkur og átti þar heima upp frá því. Hún vann í fiskvinnu og við saumaskap og var síðan í um eitt ár skipsþerna á strandferðaskipinu Esju þar sem hún kynntist manni sínum. Ungu hjónin réðust í að byggja sér hús á Vífilsgötu 23 í Norðurmýri og þar bjó Helga alla tíð síðan, allt til vorsins 2007 eða í tæplega 71 ár. Eftir skyndilegt fráfall Friðriks í nóvember 1944 tókst Helgu með fádæma dugnaði og þrautseigju að halda húsi sínu og koma ungum dætrum þeirra hjóna til mennta. Helga vann heima meðan dætur hennar voru ungar. Hún var mikil hannyrða- og saumakona og vann heima árum saman og sá fyrir heimili sínu með saumaskap. Eftir að dæturnar komust á legg vann Helga um árabil utan heimilisins. Hún vann í tæp 20 ár eða allt til 73 ára aldurs á rannsóknardeild Heilsuverndarstöðvarinnar við Barónsstíg og síðar á Borgarspítalanum eftir að deildin fluttist þangað. Helga var mikil húsmóðir, útsjónarsöm og með afburðum flink í matreiðslu og bakstri. Ættingjar hennar, vinir og fjölskylda munu lengi minnast gestrisni og veitinga hennar.
Helga hélt andlegum styrk og andlegri heilsu allt fram á síðasta æviár sitt, létt í lund, jákvæð og brosmild. Útför Helgu fer fram frá Háteigskirkju í dag og hefst athöfnin klukkan 13.

Smyrlaberg A-Hún: Kvsk Blönduósi: Reykjavík:

Saumakona:

Foreldrar hennar voru hjónin Stefán Jónsson bóndi, f. 20.9. 1863, d. 29.4. 1924 og Guðrún Kristmundsdóttir, f. 5.12. 1883, d. 28.12. 1947. Hún var næstelst 10 systkina sem voru:
1) Jón Bergmann, f. 20.7. 1908, d. 18.9. 1982, 3) Kristmundur, f. 3.10. 1911, d. 3.8. 1987, 4) Páll, f. 6.9. 1912, d. 16.11. 1982, 5) Hjálmar, f. 20.8. 1913, d. 14.4. 1989, 6) Steinunn, f. 8.10. 1914, 7) Jónína Sigurlaug, f. 25.9. 1915, d. 15.12. 2000, 8) Sigríður Guðrún, f. 15.8. 1916, d. 26.3. 1997, 9) Gísli Þorsteinn, f. 18.2. 1920, d. 19.3. 1958 og 10) Unnur Sigrún, f. 19.6. 1922, d. 4.9. 2002.
Helga giftist 23. maí 1936 Friðriki Halldórssyni loftskeytamanni, f. 19.3. 1907, d. 18.11. 1944. Foreldrar hans voru hjónin Halldór Friðriksson skipstjóri, f. 14.3. 1871, d. 29.12. 1946 og Anna Ragnheiður Erlendsdóttir, f. 11.1. 1878, d. 5.10. 1954. Dætur Helgu og Friðriks eru allar búsettar í Reykjavík. Þær eru:
1) Sjöfn, f. 7.10. 1936. Maður hennar er Skúli Jón Sigurðarson, f. 20.2. 1938. Börn þeirra eru: a) Stúlka, f. 13.5. 1962, d. 14.5. 1962, b) Friðrik, f. 7.10. 1963. Kona hans er Björg Marta Ólafsdóttir, f. 27.4. 1963. Dóttir þeirra er Marta Kristín, f. 17.1. 1996, c) Sigurður Darri, f. 25.1. 1973. Kona hans er Oddný Vala Jónsdóttir, f. 2.6. 1973. Börn þeirra eru: Eva Helga, f. 30.1. 2002 og Anton Brimar, f. 27.4. 2005.
2) Alda Guðrún, f. 3.2. 1938. Maður hennar er Guðni Frímann Guðjónsson, f. 13.7. 1944. Sonur þeirra er Friðrik Guðjón, f. 7.12. 1973. Kona hans er Anna Soffía Gunnlaugsdóttir, f. 3.12. 1970 og sonur þeirra er Guðni Viðar, f. 23.7. 2006.
3) Hulda Guðríður, f. 15.2. 1939. Maður hennar er Sigurbjarni Guðnason, f. 20.8. 1935. Börn þeirra eru a) Guðni, f. 21.1. 1969. Sambýliskona hans er Elísabet Guðmundsdóttir, f. 11.10. 1972 og börn þeirra eru Aron Bjarki, f. 9.6. 1999, Kjartan, f. 15.7. 2004 og Sunneva, f. 15.7. 2004, b) Helga Ingibjörg, f. 1.9. 1972. Maður hennar er Gunnar Már Gunnarsson, f. 7.8. 1971. Börn þeirra eru Arnar Már, f. 26.9. 1990. Telma Rut, f. 25.6. 1993 og Andrea Ýr, f. 7.5. 2003.

Stefán Jónsson (1863-1924) Smyrlabergi og Litla-Búrfelli (20.9.1863 - 29.4.1924)

Guðrún Kristmundsdóttir (1883-1947) Smyrlabergi (5.12.1883 - 28.12.1947)

Unnur Stefánsdóttir (1922-2002) frá Smyrlabergi, uppfóstruð á Höllustöðum (19.6.1922 - 4.9.2002)

Sigurlaug Stefánsdóttir (1915-2000) Reykjaskóla (25.9.1915 - 15.12.2000)

Kristmundur Stefánsson (1911-1987) Grænuhlið (3.10.1911 - 3.8.1987)

Páll Stefánsson (1912-1982) Tilraun (6.9.1912 - 16.11.1982)

Anna Jónsdóttir (1881-1948) Syðri-Löngumýri (31.1.1881 - 29.1.1948)

HAH01412

IS HAH

Loka

Fullt

GPJ 19.6.2017

• íslenska

®GPJ ættfræði
Íslendingabók
31.7.2009. https://www.mbl.is/greinasafn/grein/1232499/?item_num=2&searchid=0c6622d1da60c6bcdf0bacc8b8b865cff810bd8e