Einstaklingur

Hans Klingenberg Jörgensson (1912-2001) skólastjóri Vesturbæjarskóla í Reykjavík

5.6.1912 - 24.10.2001

Hans Jörgensson fæddist í Merkigerði á Akranesi 5. júní 1912. Hann lést á Heilsustofnuninni í Hveragerði 24. október síðastliðinn.
Hans ólst upp á Akranesi. Hann tók sveinspróf í húsasmíði 1932, stundaði nám við Alþýðuskólann á Laugarvatni 1932-34, tók íþróttakennarapróf 1936 og tók kennarapróf 1938. Hann lauk meistaraprófi í húsasmíði 1937 og öðlaðist réttindi til að teikna hús til byggingar á Akranesi 1948. Hans var kennari við Barnaskólann á Akureyri 1938-40, við Bændaskólann á Hvanneyri 1940-43 og Barnaskólann á Akranesi 1943-58. Hann var skólastjóri Vesturbæjarskóla í Reykjavík 1958-80.
Hans var byggingarfulltrúi á Akranesi 1944-47 og bæjarfulltrúi þar 1950-58, í rafveitustjórn og formaður 1946-58. Hann sat í fræðsluráði 1950-58, stofnaði Námsflokka Akraness 1957 og var formaður tónlistarfélags Akraness 1957. Hann stjórnaði karlakór á Akranesi í tvö ár og starfaði í leikfélagi þar. Hann var formaður Átthagafélags Akraness 1962-66, formaður Skátafélags Akraness 1952-56, einn af stofnendum St. Georgsgildis Reykjavíkur 1959 og gildismeistari 1961-66. Hann vann að stofnun St. Georgsgildisins á Íslandi 1963, var landsgildismeistari 1969-1971 og stofnaði Akranesgildið í Reykjavík 1971. Hans var formaður Skólastjórafélags Íslands frá stofnun þess 1960-76. Hann var fulltrúi þess félags við sameiningu félaga skólastjóra og yfirkennara árið 1977. Hann var framkvæmdastjóri og formaður Samtaka aldraðra árin 1977-1990 og stóð m.a. fyrir byggingarframkvæmdum félagsins. Hann var sæmdur íslensku fálkaorðunni fyrir störf að félagsmálum 1. janúar 1992.
Útför Hans fer fram frá Neskirkju í dag og hefst athöfnin klukkan 13.30.

Akranes:

Sveinspróf í húsasmíði 1932: Alþýðuskólinn á Laugarvatni 1932-1934: Íþróttakennarapróf 1936: Kennarapróf 1938: Meistarapróf í húsasmíði 1948:

Kennari við Barnaskólann á Akureyri 1938-40, við Bændaskólann á Hvanneyri 1940-43 og Barnaskólann á Akranesi 1943-58. Hann var skólastjóri Vesturbæjarskóla í Reykjavík 1958-80.

Foreldrar hans voru Jörgen Hansson, vélstjóri og smiður, frá Elínarhöfða við Akranes, f. 20. nóv. 1881, d. 8. febrúar 1953, og Sigurbjörg Halldórsdóttir, f. 13. júní 1891 á Austurvöllum á Akranesi, d. 2. sept. 1977. Hans var næstelstur sex systkina. Þau eru Halldór, smiður og útfararstjóri á Akranesi, Sigrún, Björgvin kennari, Ingibjörg og Guðrún, húsmóðir og skrifstofumaður. Öll eru þau látin nema Guðrún.
Árið 1943 kvæntist Hans Sigrúnu Ingimarsdóttur, handavinnukennara frá Litla-Hóli í Eyjafirði. Foreldrar hennar voru Ingimar Hallgrímsson bóndi þar og kona hans Sigurbjörg Jónsdóttir.
Synir þeirra eru:
1) Jörgen Ingimar Hansson, verkfræðingur, kvæntur Guðrúnu Eyjólfsdóttur. Börn þeirra eru: Sigrún kennari, Björgvin rafeindavirki, Dóra þroskaþjálfi og María líffræðingur.
2) Snorri rafeindavirki, kvæntur Sigrúnu Jósteinsdóttur. Börn þeirra eru: Jósteinn bifreiðarstjóri, Hans Rúnar leiðbeinandi, Heimir, rafeindavirki, Erla húsmóðir og Snorri nemi. Stjúpbörn:
1) Bryndís Steinþórsdóttir hússtjórnarkennari.
2) Örn Steinþórsson prentari, d. 1980, kvæntur Helgu Kristínu Magnúsdóttur. Börn þeirra eru: Guðfinna Ásdís fóstra, Sigrún Ingibjörg, fata- og textílkennari, Erna Sigurbjörg hárgreiðslumeistari og Magnús Þór vélfræðingur.
Langafabörnin eru 22 og langalangafabörnin tvö.

IS HAH

Loka

Fullt

GPJ 23.5.2017

• íslenska

http://www.mbl.is/greinasafn/minningaleit/