Einstaklingur

Hanna Jónsdóttir (1921-2006) Stekkjardal

26.3.1921 - 30.9.2006

Hanna Jónsdóttir fæddist í Stóradal í Svínavatnshreppi 26. mars 1921. Hún lést á Fjórðungssjúkrahúsinu á Akureyri að kvöldi 30. september síðastliðins. Útför Hönnu verður gerð frá Blönduóskirkju í dag og hefst athöfnin klukkan 13. Jarðsett verður á Svínavatni.

Stóridalur Svínavatnshrepp A-Hún.: Stekkjardalur:

Hanna var tvo vetur við nám í Héraðsskólanum í Reykholti og svo við Kvennaskólann á Blönduósi. Hún lærði líka kjólasaum í Reykjavík og vann þar á saumastofu.

Einn vetur kenndi hún handavinnu og leikfimi við Héraðsskólann á Reykjum í Hrútafirði. Heima í sveitinni saumaði hún mikið, t.d. kjóla, íslenska búninga og annað, meðfram bústörfum og öðrum hannyrðum. Hún klippti líka bændahausa. Hanna var mikil áhugakona um trjárækt og sinnti því áhugamáli eftir föngum. Á efri árum fór hún að stunda útskurð og postulínsmálun. Hún starfaði alla tíð í Kvenfélagi Svínavatnshrepps, einnig sá hún í mörg ár um bækur og útlán Lestrarfélagsins Fjölnis.

Foreldrar hennar voru Jón Jónsson bóndi og alþingismaður í Stóradal, f. 8. september 1886, d. 14. desember 1939, og kona hans Sveinbjörg Brynjólfsdóttir, f. 12. október 1883, d. 2. maí 1966.
Systkini Hönnu eru:
1) Jón, f. 11.4.1912, d. 14.10.1964. Búfræðingur og bóndi í Stóradal, A-Hún. kona hans 16.9.1944; Guðfinna Einarsdóttir f. 19.12.1921 - 23.4.2014 Grettisgötu 53 b, Reykjavík 1930. Húsfreyja í Stóradal
2) Guðrún Jónsdóttir Hjartar f. 23.11.1915 - 14.12.2009. Húsfreyja á Flateyri, Siglufirði og loks í Reykjavík. Guðrún giftist 21.9.1939 Hirti Hjartar, kaupfélagsstjóra og síðar framkvæmdastjóra skipadeildar SÍS, f. 9.1.1917, d. 14.1.1993.

Hanna giftist 16.9.1944 Sigurgeiri Hannessyni, f. 3.4.1919, d. 8.2.2005. Foreldrar hans voru Hannes Ólafsson, bóndi á Eiríksstöðum, síðar á Blönduósi, f. 1.9.1890, d. 15.6.1950, og kona hans Svava Þorsteinsdóttir, f. 7.7.1891, d. 28.1.1973.
Synir þeirra Hönnu og Sigurgeirs eru:
1) Jón, f. 30.6.1945, kvæntur Ingibjörgu Steinunni Sigurvinsdóttur. Börn þeirra eru Elín Hanna, Hildur Lilja, Jón Sigurgeir og Svala Sigríður.
2) Hannes, f. 11.1.1950, kvæntur Ingveldi Jónu Árnadóttur. Börn þeirra eru Guðrún og Sigurgeir.
3) Ægir, f. 9.8.1959. Hans kona er Gerður Ragna Garðarsdóttir. Þeirra börn eru Ívar Rafn, Brynjar Geir og Hanna.
4) Guðmundur, f. 8.5.1962. Hans kona er Helena Sveinsdóttir og sonur þeirra er Sveinn Halldór.

Jón Jónsson (1886-1939) Stóradal (7.7.1886 - 14.12.1939)

Sveinbjörg Brynjólfsdóttir (1883-1966) Stóradal (123.10.1883 - 2.5.1966)

Jón Jónsson (1912-1965) Stóradal (11.4.1912 - 14.10.1965)

Sigurgeir Hannesson (1919-2005) Stekkjardal (3.4.1919 - 8.2.2005)

Arnljótur Guðmundsson (1836-1893) Syðri-Löngumýri (2.2.1836 - 12.11.1893)

Elín Sigurðardóttir (1853) ljósmóðir Guðlaugsstöðum (15.10.1853 -)

Brynjólfur Vigfússon (1856-1937) (18.12.1856 - 13.10.1937)

Stekkjardalur Svínavatnshreppi (1961 -)

HAH01377

IS HAH

Loka

Fullt

GPJ 23.5.2017

• íslenska

®GPJ ættfræði
Íslendingabók