Einstaklingur

Hallgrímur Einarsson (1920-1998) Neðri-Mýrum

• Hallgrímur Mýrmann Einarsson (1920-1998)
• Hallgrímur Mýrmann Einarsson

8.7.1920 - 3.4.1998

Hallgrímur Mýrmann Einarsson var fjórða og yngsta barn Einars Guðmundssonar og Guðrúnar Margrétar Hallgrímsdóttur, búandi hjóna á Neðri-Mýrum í Engihlíðarhreppi á fyrstu áratugum aldarinnar. Að honum stóðu húnvetnskar og austfirskar ættir í bland við ættstofna af Suðurnesjum.
Ævidaga sína átti hann alla á Neðri-Mýrum og kvæntist ei né átti börn. Hann var með hæstu mönnum, 195 sm á hæð og bar sig vel á velli. Snemma kom fram glöggskyggni hans á búfé og lagni að fara vel með hesta.

Hann varð að vera nokkuð á sjúkrahúsum og var síðast á annan mánuð, fyrst á Héraðshælinu á Blönduósi og síðan á Fjórðungssjúkrahúsinu á Akureyri og andaðist nyrðra. Útför Hallgríms var gerð frá Höskuldsstaðakirkju 11. apríl 1998

Neðri-Mýrar:

Hallgrímur naut nokkurrar skólagöngu í farskóla Engihlíðarhrepps en var að öðru leyti vel menntaður úr skóla lífsins.

Um átta ára aldur fór hann með hest fyrir kerru (var kúskur) í vegagerð nærri heimili sínu. Samsumars hóf hann að standa við slátt með orfi og ljá. Með aldri gerðist hann slyngur sláttumaður, með þeim bestu þegar vinnufærni hans var sterkust. Öll búskaparstörf léku í höndum hans. Þegar störf með hestum við jarðyrkju, heyöflun eða hvað annað, sem um var að ræða, náði Hallgrímur frábærum afköstum.

Hallgrímur var gangnaforingi á Langadalsfjalli í um tvo áratugi og fórst það vel enda ávallt vel ríðandi, hestamaður af Guðs náð. Fjölmarga fola vandi hann við taum og til reiðar og einnig til vinnu fyrir plóg, herfi eða sláttuvél og heysleða. Fjármaður var hann einnig glöggur og gætinn, hélt nær 200 kinda hjörð til beitar á vetrardegi að fornum hætti. Lítt gaf Hallgrímur sig að vélum og vélvæðingu en hélt sig við hand og hestunnin störf.

Bóndi á Neðri-Mýrum gerðist hann 1956 og var það fjóra áratugi. Um tvítugt amaði honum mjög bakbilun og aftur um fertugt. Það tók sinn tíma að yfirvinna þau áföll. Síðasta hálfa áratuginn háði honum mjög brjóstbilun og andnauð. Þá sýndi hann færni sína í innanhússstörfum, einkum eftir heilsuáfall Unnar, systur hans.

Foreldrar hans; Einar Guðmundsson 12. febrúar 1875 - 16. janúar 1934 Bóndi og organisti á Neðri-Mýrum og kona hans 19.11.1906; Guðrún Margrét Hallgrímsdóttir 15. október 1885 - 14. september 1956 Húsfreyja á Neðri-Mýrum, Holtastaðasókn, A-Hún. 1930. Húsfreyja á Neðri-Mýrum.
Systkini hans;
1) Guðmundur Mýrmann Einarsson 24. júní 1907 - 14. september 1976 Bóndi á Neðri-Mýrum. Var á Neðri-Mýrum, Holtastaðasókn, A-Hún. 1930.
2) Guðrún Einarsdóttir 28. febrúar 1909 - 28. desember 1986 Var á Neðri-Mýrum, Holtastaðasókn, A-Hún. 1930. Húsfreyja í Vestmannaeyjum.
3) Unnur Einarsdóttir 6. maí 1911 - 8. júní 1998 Vinnukona á sjúkrahúsinu á Blönduósi 1930. Var á Neðri Mýrum, Engihlíðarhr., A-Hún. 1957.

Guðrún Hallgrímsdóttir (1885-1956) Neðri-Mýrum (15.10.1885 - 14.9.1956)

Guðmundur Einarsson (1907-1976) Neðri-Mýrum (24.6.1907 - 14.9.1976)

Unnur Einarsdóttir (1911-1998) Neðri-Mýrum (6.5.1911 -8.6.1998)

Guðrún Einarsdóttir (1909-1986) frá Neðri Mýrum (28.2.1909 - 28.12.1986)

Neðri-Mýrar í Refasveit ((1920))

HAH04751

IS HAH

Loka

Fullt

GPJ 14.7.2019

• íslenska

®GPJ ættfræði.
Húnavaka, 1. tölublað (01.05.1999), Blaðsíða 161. http://timarit.is/view_page_init.jsp?pageId=6359452