Halldór Árnason (1865-1959) Vesturheimi, frá Höfnum á Skaga

• Halldór Árnason Vesturheimi, frá Höfnum á Skaga

Halldór Árnason Anderson 28. júní 1865 - 5. jan. 1959 Winnipeg. Var í Höfnum, Hofssókn, Hún. 1870. Sonur bónda á Höfnum, Hofssókn, Hún. 1880. Stúdent og sýsluskrifari í Hún. Fór til Vesturheims 1901 frá Blönduósi, Torfalækjarhreppi, Hún.

Hafnir á Skaga; Blönduós 1901; Winnipeg:

Latínuskólinn:

Sýsluskrifari á Blönduósi;

Foreldrar hans; Árni Sigurðsson 7. mars 1835 - 17. júlí 1886. Bóndi og hreppstjóri í Höfnum á Skaga, A-Hún. Var í Höfnum, Hofssókn, Hún. 1845. „Mikill búhöldur og fésæll, rausnarsamur, höfðingi í lund og skörungur“ segir í ÍÆ og fyrri kona hans 20.10.1856; Margrét Guðmundsdóttir 3. maí 1832 - 15. júlí 1878 Húsmóðir í Höfnum.
Seinni kona Árna 31.7.1879; Jóninna Þórey Jónsdóttir 14. október 1852 - 14. apríl 1938 Var í Stykkishólmi 1930. Húsfreyja í Höfnum á Skaga. Var í Stykkishólmi, Snæf. 1920.

Alsystkini Halldórs;
1) Arnór Árnason 16. febrúar 1860 - 24. apríl 1938 Prestur í Tröllatungu í Tungusveit 1886-1904 og síðar í Hvammi í Laxárdal ytri, Skag. 1907-1935. Prestur og bóndi í Hvammi í Laxárdal, Hvammssókn, Skag. 1910 og 1930. M1 3.9.1886; Stefanía Sigríður Stefánsdóttir 10. desember 1857 - 7. júní 1893 Húsfreyja í Tröllatungu. Var í Nýjabæ, Kálfatjarnarsókn, Gull. 1860. M2 16.6.1894; Ragnheiður Eggertsdóttir 28. september 1862 - 1. janúar 1937 Var í Skarði, Skarðssókn, Dal. 1930. Húsfreyja í Hvammi, Hvammssókn, Skag. Var þar 1910.
2) Sigurlaug Björg Árnadóttir Knudsen 5. nóvember 1863 - 24. apríl 1949 Kennslukona á Laugalandi, Munkaþverársókn, Eyj. 1890. Prestsfrú á Breiðabólsstað í Vesturhópi, Hún. Kennari á Sauðárkróki 1930. Maður hennar; Diðrik Ludvig Knudsen 9. febrúar 1867 - 30. apríl 1930 Prestur á Þóroddsstað í Köldukinn, Þing. 1892-1904, á Bergsstöðum í Svartárdal, Hún. 1904-1914 og í Breiðabólstað í Vesturhópi, V-Hún. frá 1914 til dauðadags.
3) Elísabet Margrét Árnadóttir 8. júlí 1869 - 25. september 1872 Var í Höfnum, Hofssókn, Hún. 1870.
4) Árni Árnason 9. janúar 1875 - 3. júní 1941 Bóndi og umboðsmaður í Höfðahólum á Skagaströnd, síðar í Reykjavík. Ekkill á Ásvallagötu 27, Reykjavík 1930, bjó í Reykjavík til æviloka.
Samfeðra;
5) Sigurður Árnason 2. maí 1880 - 10. júní 1959 Ólst upp í Höfnum með foreldrum og síðar móður. Fyrirvinna á búi móður sinnar þar um tíma frá um 1890 fram til 1913. Óðalsbóndi í Höfnum 1913-42. Bóndi í Höfnum, Hofssókn, A-Hún. 1930. Flutti til Reykjavíkur 1942 og var þar síðan. „Gaf eitt herbergi á Nýja Stúdentagarðinum. Skyldi nefnt Hafnir og menn af Hafnaætt sitja fyrir dvöl þar, síðan almennt Húnvetningar.“ segir í Eftirmælaskrá Jóns Skagan. Sambýliskona hans; Guðrún Stefánsdóttir 23. júlí 1890 - 6. janúar 1992 Var í Kumbravogum, Stokkseyrarsókn, Árn. 1901. Rjómabústýra. Húsfreyja í Höfnum á Skaga í A-Hún um allmörg ár. Ráðskona á Höfnum, Hofssókn, A-Hún. 1930. Síðast bús. í Reykjavík. Barnsmóðir hans 8.6.1902; Guðríður Rafnsdóttir 23. nóvember 1876 - 22. mars 1932 Húsfreyja á Höfða-Hólum, Hofssókn, A-Hún. 1930. Tökubarn á Keldulandi, Hofssókn, Hún. 1880. Fósturdóttir á Keldulandi, Hofssókn, Hún. 1890. Maður hennar 18.9.1905; Ásgeir Klemensson 15. október 1879 - 4. október 1938 Bóndi á Höfða-Hólum, Hofssókn, A-Hún. 1930. Var á Geirbjarnarstöðum, Þóroddsstaðasókn, S-Þing. 1880. Bóndi á Höfðahólum. Meðal barna þeirra var Axel (1906-1965) á Höfðahólum
6) Elísabet Margrét Árnadóttir 8. júlí 1869 - 25. september 1872 Var í Höfnum, Hofssókn, Hún. 1870.

Fyrri kona hans; Þuríður Ragnheiður Sigfúsdóttir 25. sept. 1851 - 21. okt. 1906. Var á Tjörn, Tjarnarsókn, Hún. 1860. Húsfreyja í A-Hún. Húsmannskona Hjallalandi 1890. Kornsá 1901, stödd á Skagaströnd, kenndi við Kvennaskólann á Blönduósi veturinn 1902-1903 fór þá aftur á Kornsá og lést þar.
Seinni kona 1907; Pálína Rósa Sigurðardóttir Anderson 22. ágúst 1867 - 26.6.1935. Var á Mársstöðum, Undirfellssókn, Hún. 1870. Tökubarn á Öxl, Þingeyrasókn, Hún. 1880. Fór til Vesturheims 1901 frá Blönduósi, Torfalækjarhreppi, Hún.

Börn þeirra
1) Sigfús Blöndal Halldórsson 27. des. 1891 - 10. ágúst 1968. Var í Höfnum, Hofssókn, Hún. 1901. Var í Reykjavík 1910. Skólastjóri og skrifstofumaður. Ritstjóri Heimskringlu í Winnipeg. Skólastjóri á Akureyri 1930. Nefndur Sigfús Halldórs frá Höfnum. Kona hans 1930 Þorbjörg Helgadóttir Bjarnasonar f. 1890, vestur-íslensk, börn þeirra; a) Þuríður b) Halldór.

Fyrir skömmu lézt hér í borginni Halldór Árnason (Anderson) frá Höfnum á Skaga í Húnavatnssýslu kominn á tíræðisaldur (93 ára), faðir Sigfúsar Halldórs, sem hér var um tíma ritstjóri Heimskringlu.
Árni Sigurðsson, bóndi í Höfnum, atorkumaður mikill og ef til vill efnaðasti bóndi sýslunnar á því tímabili, sendi Halldór á latínuskólann, sem þá var aðalmenntastofnun landsins. Ekki er mér kunnugt hvort Halldór lauk þar námi, en hann lét þar staðar numið, og vann eftir það að ýmsum störfum í sýslu sinni, um tíma hjá Andrési Árnasyni verzlunarstjóra á Skagaströnd hinum ágætasta manni, sem því miður varð skammlífur, en lengst af sem sýsluskrifari tveggja sýslumanna Lárusar Blöndals og Gísla ísleifssonar, mun þá enginn hafa verið kunnari ættum og högum Húnvetninga en Halldór frá Höfnum. Rithönd Halldórs var sýslufræg og líklega víðar og mun enginn annar í því í héraði hafa skrifað svo fagra hönd.

Rétt eftir aldamótin flutti Halldór til þessa lands, og settist að í Winnipeg og bjó hér æ síðan, og þótt hann hefði nær eingöngu unnið við setustörf á Íslandi, gekk hann hér að algengri vinnu eins og hann hefði aldrei lagt hönd að öðru um dagana.
Árið 1907 giftist hann seinni konu sinni Pálínu Sigurðardóttur frá Öxl í Húnaþingi, hinni mestu ágætiskonu, og var hún honum hin mesta stoð og stytta til æfiloka. Hún lifir mann sinn háöldruð.
Halldór Árnason var prúður maður, heldur meira en meðalmaður á hæð, beinn og riðvaxinn og hinn bezti drengur, hæglátur og fáskiptinn um annara hagi, vinfastur og langminnugur; hann bar jafnan að hverju sem hann gekk hið þóttalausa yfirbragð virðuleikans, sem löngum fylgir þeim er fengið hafa gott uppeldi og menntun.
Páll Guðmundsson
Lögberg, 4. tölublað (22.01.1959), Blaðsíða 5. http://timarit.is/view_page_init.jsp?pageId=2209352

GPJ 28.10.2019

• Icelandic

®GPJ ættfræði
Lögberg, 4. tölublað (22.01.1959), Blaðsíða 5. http://timarit.is/view_page_init.jsp?pageId=2209352

Mannalát árið 1968. – Húnavaka, 1. tölublað (01.05.1969), Bls. 151-164. http://timarit.is/view_page_init.jsp?gegnirId=000556346