Einstaklingur

Guðmundur Lárusson (1929-2002) frkvstj Skagaströnd

5.6.1929 - 15.10.2002

Guðmundur Lárusson, byggingameistari frá Skagaströnd, fæddist á Vindhæli í Austur-Húnavatnssýslu 5. júní 1929. Hann lést á Landspítalanum í Fossvogi 15. október síðastliðinn. Sex ára gamall fluttist Guðmundur ásamt fjölskyldu sinni á Skagaströnd. Þar ólst hann upp við leik og störf, gekk þar í skóla og lauk þaðan skyldunámi, fór síðan í Iðnskólann á Siglufirði og lauk þaðan prófi árið 1949. Síðar fór hann suður til Reykjavíkur og lauk meistaraprófi frá Iðnskólanum í Reykjavík.

Útför Guðmundar var gerð frá Grafarvogskirkju 24. október 2002. Jarðsett var í Gufuneskirkjugarði sama dag.

Vindhæli á Skagaströnd: Hólabraut 26 Höfðakaupsstaður: Reykjavík:

Barnaskólinn á Skagaströnd, Iðnskólinn á Siglufirði; Iðnskólinn í Reykjavík:

Trésmiður: Skipasmiður 1970: Verkstjóri:
Árin 1952-1955 vann hann hjá Vita- og hafnarmálum við hafnargerð t.d. í Ólafsvík, Grundarfirði og Grímsey.
Árin 1955-1961 vann við ýmsar byggingarframkvæmdir í Reykjavík og víðar.
Árið 1961 varð hann aðaleigandi Trésmiðjunnar Höfða á Skagaströnd sem síðar hét Trésmiðja Guðmundar Lárussonar hf. sem annaðist byggingaframkvæmdir á Skagaströnd og víðar, einkum í Skagafirði og á Ströndum.
Árið 1968 var hann einn af aðalhvatamönnum að stofnun Skagstrendings hf. og var í fyrstu stjórn félagsins.
Árið 1970 stofnaði Guðmundur svo Skipasmíðastöð Guðmundar Lárussonar hf. sem smíðaði báta úr tré/eik, var framkvæmdarstjóri hennar til 1982. Hann var einn af fyrstu aðilum sem hóf framleiðslu á bátum úr trefjaplasti hér á landi en það var árið 1977.
Árið 1972 stofnar hann Rækjuvinnsluna hf. ásamt nokkrum einstaklingum á Skagaströnd. Hún var rekin fyrstu árin í gömlu frystihúsi á Skagaströnd. Ári eftir stofnun hennar var hafin smíði á nýju húsi undir vinnsluna sem tekið var í notkun 1975 og þótti þá hið flottasta og fullkomnasta sinnar tegundar á landinu.

Þegar Guðmundur flutti aftur til Reykjavíkur starfaði hann sem verkstjóri hjá Íslenskum aðalverktökum í Keflavík en árið 1984 varð hann matsmaður hjá Brunabótafélagi Íslands og síðan hjá VÍS til 1999 er hann lét af störfum vegna aldurs.

Foreldrar hans voru Lárus Guðmundur Guðmundsson bóndi og Lára Kristjánsdóttir kona hans. Guðmundur var þriðji í hópi fjögurra barna þeirra hjóna, einkasonur þeirra.

Systur hans;
1) Soffía Sigurlaug Lárusdóttir 23. júní 1925 - 31. mars 2010. Var á Vindhæli, Hofssókn, A-Hún. 1930. Var á Hólabraut 25, Höfðakaupstað , A-Hún. 1957. Húsfreyja á Skagaströnd.
2) Kristjana Sigurbjörg Lárusdóttir 12. júní 1926 - 23. feb. 2015. Var á Vindhæli, Hofssókn, A-Hún. 1930. Húsfreyja og fékkst við ýmis störf, lengst af bús. í Kópavogi.
3) Guðrún Ingibjörg Lárusdóttir 12. júlí 1930 - 20. sept. 2010. Húsfreyja og verkakona á Skagaströnd, síðar bús. á Hvammstanga.

Guðmundur kynntist 1955 eftirlifandi eiginkonu sinni Erlu Valdimarsdóttur frá Ísafirði, fædd 8. júní 1934. Þau hófu búskap árið 1955. Fyrst bjuggu þau í Reykjavík eða þar til þau fluttu á Skagaströnd árið 1961. En þar bjuggu þau allt til ársins 1982 er leið þeirra lá aftur til Reykjavíkur.

Börn Guðmundar og Erlu eru:
1) Sigríður Þórunn Gestsdóttir f. 26.3.1954, búsett á Skagaströnd, Faðir hennar; Gestur Hans Einarsson (1928-2000), maki Stefán H. Jósefsson, þau eiga fjögur börn,
2) Lára Bylgja Guðmundsdóttir f. 3.12.1955 búsett í Noregi maki Jan Erik Gjernes, þau eiga fjórar dætur,
3) Guðmundur Viðar Guðmundsson f. 10.3.1957, búsettur á Akureyri maki Elín Brynjarsdóttir, hann á fjögur börn,
4) Valdimar Lárus Guðmundsson 16. mars 1958 - 4. apríl 2015. Skipa- og húsasmíðameistari, lengst af sjálfstætt starfandi við smíðar. Síðast bús. í Reykjavík. Hann á fjögur börn,
5) Kristinn Reynir Guðmundsson f. 7.2.1960, búsettur í Hrútafirði, maki Vilborg Magnúsdóttir, þau eiga tvær dætur,
6) Sigurður Brynjar Guðmundsson f. 7.2.1960, búsettur í Mosfellsbæ, maki Halldóra Halldórsdóttir, þau eiga fjóra syni,
7) Þórdís Elva Guðmundsdóttir f. 21.10.1961, búsett í Kópavogi maki Jón Árnason, þau eiga þrjú börn,
8) Hjörtur Sævar Guðmundsson f. 8.2.1963, búsettur á Skagaströnd sambýliskona Vigdís Ómarsdóttir, þau eiga þrjá syni,
9) Soffía Kristbjörg Guðmundsdóttir f. 28.4.1964, búsett í Reykjavík, maki Halldór Ólafsson, þau eiga tvær dætur og
10) Sigurbjörg Stella Guðmundsdóttir f. 10.6.1971, búsett í Reykjavík, maki Jóhannes Guðmundsson, þau eiga tvær dætur.

Vindhæli / Vindhælisbúð / Vindhælisstofa ((1950))

Hólabraut Skagaströnd

Lárus Guðmundsson (1896-1981) Vindhæli (6.10.1896 - 21.9.1981)

Soffía Lárusdóttir (1925-2010) Skagaströnd, frá Vindhæli (23.6.1925 - 31.3.2010)

Erla Valdimarsdóttir (1934-2008) Hólabraut Skagaströnd (8.6.1934 - 29.9.2008)

Guðmundur Sigvaldason (1854-1912) Vindhæli (25.8.1854 - 14.10.1912)

HAH01287

IS HAH

Loka

Fullt

GPJ 19.5.2017

• íslenska

®GPJ ættfræði
mbl 16.11.2002. https://www.mbl.is/greinasafn/grein/698848/?item_num=4&searchid=e764b9bd18607c47f6fdf51ed812bf321ddcb6d7